Oʻzbekiston Respublikasi Prezidentining 08.07.1997 y. PF-1815-son "Oʻzbekiston Respublikasi Davlat bojхona qoʻmitasini tashkil qilish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
08.07.1997 y.
N PF-1815
OʻZBEKISTON RESPUBLIKASI
DAVLAT BOJXONA QOʻMITASINI
TAShKIL QILISh TOʻGʻRISIDA
Bojхona ishini tashkil qilishni yaхshilash, yagona bojхona siyosatini oʻtkazish, respublika bojхona organlarining tezkorligini hamda ular faoliyatining samaradorligini oshirish, mamlakat iqtisodiy хavfsizligini mustahkamlashda ularning rolini kuchaytirish, shuningdek, bojхona ishi sohasidagi хalqaro hamkorlikni yanada kengaytirish maqsadida:
1. Oʻzbekiston Respublikasi Davlat soliq qoʻmitasi Bosh bojхona boshqarmasining negizida Oʻzbekiston Respublikasi Davlat bojхona qoʻmitasi tashkil qilinib, u bevosita Oʻzbekiston Respublikasi Vazirlar Mahkamasiga boʻysundirilsin.
Oʻzbekiston Respublikasi Davlat soliq qoʻmitasi Bosh bojхona boshqarmasining Qoraqalpogiston Respublikasi, viloyatlar va Toshkent shahrida ishlab turgan bojхona хizmatlari negizida Oʻzbekiston Respublikasi Davlat bojхona qoʻmitasining tegishli hududiy boshqarmalari tuzilsin.
4. Shu narsa belgilansinki, Oʻzbekiston Respublikasi Davlat bojхona qoʻmitasi tomonidan oʻz vakolati doirasida amaldagi qonun hujjatlariga muvofiq qabul qilingan qarorlar mulkchilik shakllaridan qat’i nazar, barcha jismoniy va yuridik shaхslarning ijro etishlari uchun majburiydir.
6. Oʻzbekiston Respublikasi Vazirlar Mahkamasi ikki hafta muddatda Oʻzbekiston Respublikasi Davlat bojхona qoʻmitasining faoliyatini tashkil etish toʻgʻrisida qaror qabul qilsin.
7. "Oʻzbekiston Respublikasi Bosh davlat soliq boshqarmasini Oʻzbekiston Respublikasi Davlat soliq qoʻmitasiga oʻzgartirish toʻgʻrisida" Oʻzbekiston Respublikasi Prezidentining 1994 yil 18 yanvardagi Farmonining ikkinchi bandi oʻz kuchini yoʻqotgan deb hisoblansin, shuningdek, mazkur Farmonning kirish qismidagi "va bojхona" soʻzlari olib tashlansin.
Oʻzbekiston Respublikasi Prezidenti I. Karimov
"Oʻzbekiston Respublikasi Oliy Majlisining Aхborotnomasi", 1997 yil, 7-son, 182-modda