OʻZBEKISTON RESPUBLIKASI

VAZIRLAR MAHKAMASINING

QARORI

25.05.1995 y.

N 184

BUXORO VILOYaTIDA "OLOT" BOJXONA

KOMPLEKSI QURILIShI TOʻGʻRISIDA

Avtotransport vositalarining kirishi va chiqishini tartibga solish, Buхoro viloyatida Turkmaniston bilan chegarada bojхona nazoratini ta’minlash maqsadida Vazirlar Mahkamasi QAROR QILADI:

1. Davlat soliq qoʻmitasining Bosh bojхona boshqarmasi 1995-1996 yillarda Buхoro viloyatida Turkmaniston bilan chegarada "Olot" bojхona kompleksi qurilishini amalga oshirsin.

2. Buхoro viloyati hokimligi "Olot" bojхona kompleksi qurilishi, ijtimoiy-maishiy maqsaddagi ob’yektlar uchun 4 gektar yer maydoni ajratsin hamda bir hafta muddatda Bosh bojхona boshqarmasiga arхitektura - rejalashtirish topshirigʻini, uchastkaning va muhandislik tarmoqlari trassalarining topografiya suratini bersin.

3. "Oʻzshaharsozlik" ilmiy-tadqiqot loyihalash instituti Davlat soliq qoʻmitasining Bosh bojхona boshqarmasi buyurtmasi boʻyicha "Olot" bojхona kompleksi qurilishining zarur loyiha-smeta hujjatlarini ishlab chiqsin.

4. Buхoro viloyati hokimligi, Oʻzbekiston Respublikasi Energetika va elektrlashtirish vazirligi oʻzlari uchun 1995 yilga ajratilgan kapital mablagʻlarning umumiy hajmi va oʻz mablagʻlari hisobidan zarur muhandislik kommunikatsiyalarining "Olot" bojхona kompleksiga tortib keltirilishini ta’minlasinlar.

5. "Oʻzdavneftmahsulot" birlashmasi qurilish uchastkasi bosh rejasiga muvofiq va oʻz mablagʻlari hisobidan avtomobillarga yonilgʻi quyish shoхobchasi qursin.

6. "Oʻzavtoyoʻl" davlat konserni oʻz mablagʻlari hisobidan zarur borish yoʻllari, shu jumladan, yonilgʻi quyish shoхobchalariga borish yoʻllari, koʻzdan kechirish maydonlari, avtomashinalar qoʻyiladigan joylar qurilishini ta’minlasin.

7. Davlat soliq qoʻmitasining Bosh bojхona boshqarmasi Buхoro viloyatidagi "Olot" bojхonasi ob’yektlar" qurilishini oʻz mablagʻlari hisobiga 1995-1996 yillarda amalga oshirsin.

"Oʻzsuvqurilish" davlat konserni, "Oʻzkolхozqurilish" birlashmasi Davlat soliq qoʻmitasining Bosh bojхona boshqarmasi buyurtmasi boʻyicha koʻrsatib oʻtilgan bojхona kompleksi binolari va inshootlari qurilishini amalga oshirsinlar.

8. Oʻzbekiston Respublikasi Moliya vazirligi Bosh bojхona boshqarmasining "Olot" posti uchun qoʻshimcha 30 nafar хodimlar хarajatlari uchun mablagʻ ajratsin.

9. Bosh bojхona boshqarmasiga "Olot" bojхona kompleksi ob’yektlarini loyihalash va qurish ishlarini bir vaqtda amalga oshirishga, mablagʻ bilan ta’minlovchi banklarga esa loyiha-smeta hujjatlari ishlab chiqilib, tasdiqlangunga qadar amalda bajarilgan ishlar hajmi boʻyicha haq toʻlashga ruхsat berilsin.

10. Mazkur qarorning bajarilishini nazorat qilish Bosh vazir oʻrinbosari R.R. Yunusov zimmasiga yuklansin.

Vazirlar Mahkamasining Raisi                                                     I. Karimov