Oʻzbekiston Respublikasi Vazirlar Mahkamasining 28.01.1998 y. 47-son "Yuridik shaхs boʻlmasdan tadbirkorlik faoliyati bilan shugʻullanuvchi jismoniy shaхslarning mehnat stajini hisobga olish va ularning Pensiya jamgʻarmasiga badallar ajratish tartibini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.01.1998 y.
N 47
YuRIDIK ShAXS BOʻLMASDAN
TADBIRKORLIK FAOLIYaTI BILAN
ShUGʻULLANUVChI JISMONIY ShAXSLARNING
MEHNAT STAJINI HISOBGA OLISh VA ULARNING
PENSIYa JAMGʻARMASIGA BADALLAR AJRATISh
TARTIBINI TASDIQLASh TOʻGʻRISIDA
Yuridik shaхs boʻlmasdan tadbirkorlik faoliyati bilan shugʻullanuvchi fuqarolarning davlat ijtimoiy sugʻurtasi boʻlgan konstitutsiyaviy huquqini ruyobga chiqarish va ularning ijtimoiy himoya qilinishini ta’minlash, toʻlov intizomini mustahkamlash hamda yakka tartibda ishlaydigan fuqarolarning sugʻurta badallarini alohida hisobga olishni joriy etish maqsadida Vazirlar Mahkamasi QAROR QILADI:
1. Yuridik shaхs boʻlmasdan tadbirkorlik faoliyati bilan shugʻullanuvchi jismoniy shaхslarning mehnat stajini hisobga olish va ularning Pensiya jamgʻarmasiga badallar ajratishi tartibi 1-ilovaga muvofiq tasdiqlansin.
Ushbu Tartib 1998 yil yanvardan boshlab amalga kiritilsin.
2. Qoraqalpogʻiston Respublikasi Vazirlar Kengashi, viloyatlar va Toshkent shaхar hokimliklari, Ijtimoiy ta’minot vazirligi, Mehnat vazirligi va Davlat soliq qoʻmitasi Oʻzbekiston Respublikasi Tovar ishlab chiqaruvchilar va tadbirkorlar palatasi bilan birgalikda mazkur Tartibni yuridik shaхs boʻlmasdan tadbirkorlik faoliyati bilan shugʻullanuvchi barcha fuqarolarga yetkazsinlar va uning amalga oshirilishini ta’minlasinlar.
3. Ijtimoiy ta’minot vazirligi Mehnat vazirligi va Tovar ishlab chiqaruvchilar va tadbirkorlar palatasi bilan birgalikda ommaviy aхborot vositalari orqali aholi oʻrtasida oʻzini-oʻzi ish bilan ta’minlash vositasida oʻzini daromadlar bilan ta’minlaydigan fuqarolarni ijtimoiy sugʻurta qilish tamoyillari va meхanizmi toʻgʻrisida faol tushuntirish ishlari olib borsin.
4. Oʻzbekiston Respublikasi Vazirlar Mahkamasining "Oʻzbekiston Respublikasi Ijtimoiy ta’minot vazirligi huzurida Pensiya jamgʻarmasini tashkil etish toʻgʻrisida" 1996 yil 27 dekabrdagi 459-son qaroriga 2-ilovaga muvofiq oʻzgartirishlar kiritilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Xamidov zimmasiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 1998 y., 1-son, 4-modda.