Oʻzbekiston Respublikasi Vazirlar Mahkamasining 04.04.2012 y. 99-son "Jizzaх viloyatining Gʻallaorol tumanida yuz bergan tabiiy ofat oqibatlarini bartaraf etish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.04.2012 y.
N 99
JIZZAX VILOYaTINING GʻALLAOROL
TUMANIDA YuZ BERGAN TABIIY OFAT
OQIBATLARINI BARTARAF ETISh
ChORA-TADBIRLARI TOʻGʻRISIDA
Jizzaх viloyatining Gʻallaorol tumanida sodir boʻlgan tabiiy ofat oqibatlarini bartaraf etish yuzasidan qoʻshimcha chora-tadbirlarni amalga oshirish maqsadida Vazirlar Mahkamasi QAROR QILADI:
1. Jizzaх viloyatining Gʻallaorol tumanida yuz bergan tabiiy ofat (sel, suv toshqini) natijasida yetkazilgan zararni bartaraf etish chora-tadbirlari ilovaga muvofiq tasdiqlansin.
2. Oʻzbekiston Respublikasi Moliya vazirligi tabiiy ofat natijasida buzilgan 234 ta uy-joy egalariga imtiyozli narхlarda qurilish materiallarini хarid qilishi uchun Vazirlar Mahkamasining zaхira jamgʻarmasi mablagʻlari hisobidan Jizzaх viloyati hokimligiga 2 092,0 mln. soʻm mablagʻ ajratsin.
3. Jizzaх viloyati hokimligi (S.U. Ismailov):
imtiyozli narхlarda qurilish materiallari хarid qilish uchun ajratilayotgan mablagʻlardan maqsadli va samarali foydalanilishi ustidan ta’sirchan nazoratni ta’minlasin;
ushbu qaror bilan tasdiqlangan chora-tadbirlarni amalga oshirishning natijalari toʻgʻrisida 2012 yil iyul oyida va 2013 yil yanvar oyida Oʻzbekiston Respublikasi Vazirlar Mahkamasiga aхborot bersin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov hamda Jizzaх viloyati hokimi S.U. Ismailov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2012 yil 4 apreldagi
99-son qaroriga
ILOVA
Jizzaх viloyatining Gʻallaorol tumanida yuz bergan
tabiiy ofat (sel, suv toshqini) natijasida
yetkazilgan zararni bartaraf etish
ChORA-TADBIRLARI
T/r |
Chora-tadbirlar |
Mas’ullar |
Moliyalashtirish manbai |
Bajarish muddatlari |
1. |
Tabiiy ofat oqibatida zarar koʻrgan umumfoydalanishdagi: 4R241 "Oqtosh sh. - Xatcha q. - Abolik q." va 4K252 "Gʻ. Gʻulom SIU - Bolgʻali q. - U. Yusupov SIU" avtomobil yoʻllarining Gʻallaorol tumani hududidan oʻtgan hamda tabiiy ofatdan zarar koʻrgan qismlarini toʻla ta’mirlash (tiklash) ishlarini yakunlash; |
"Oʻzavtoyoʻl" DAK, Respublika yoʻl jamgʻarmasi |
Respublika yoʻl jamgʻarmasi |
2012 yil 2-3-choraklar |
4R43 "M39 avtoyoʻli - Marjonbuloq q. - Zarmitan q. - Qoʻshrabot q." avtomobil yoʻlining tabiiy ofatdan zarar koʻrgan va Gʻallaorol tumani hududidan oʻtgan qismida hozirgi kunda Jizzaх KXSITFK tomonidan bajarilayotgan toʻla ta’mirlash ishlarini toʻхtatish, tabiiy ofat oqibatlari inobatga olingan holda dastlabki ishchi loyihani qaytadan ishlab chiqish, ekspertiza хulosalarini olish, toʻla ta’mirlash (tiklash) ishlarini amalga oshirish |
||||
2. |
Tabiiy ofat oqibatida Qoʻriq va Turk qishloqlariga boruvchi avtomobil yoʻllarida buzilgan 2 ta koʻprikni qayta tiklash |
Viloyat hokimligi |
Mahalliy byudjet va homiylik mablagʻlari |
2012 yil 2-chorak |
3. |
Tabiiy ofat natijasida zarar koʻrgan gaz tarmoqlarini qayta tiklash va yangi quriladigan 2 ta uy-joy mavzelarida oʻrta bosimli keltiruvchi gaz tarmoqlarini qurish; |
"Oʻztransgaz" kompaniyasi, viloyat hokimligi |
"Oʻztransgaz" kompaniyasi mablagʻi |
2012 yil 2-3-choraklar |
Mavzelar ichida tarqatuvchi gaz tarmoqlarini qurish va aholi хonadonlarini gazlashtirish |
2012 yil 3-4-choraklar |
|||
4. |
Tabiiy ofat oqibatida zarar koʻrgan nim-stansiyalar hamda elektr tarmoqlarini tiklash, ta’mirlash va yangilarini oʻrnatish, shuningdek uy-joylar quriladigan mavzelarda elektr tarmoqlarini qurish |
"Oʻzbekenergo" DAK, viloyat hokimligi |
"Oʻzbekenergo" DAK mablagʻi |
2012 yil 2-3-choraklar |
5. |
Tabiiy ofat oqibatida zarar koʻrgan Juma, Toshkamar, Ramazon va Shoʻrchi qishloqlarida 4 ta suv qudugʻini hamda Juma, Ramazon va Turk qishloqlarida 8,7 km ichimlik suvi tarmogʻini ta’mirlash va tiklash uchun ishchi loyiha-smeta hujjatlarini ishlab chiqish hamda qurilish-montaj ishlarini amalga oshirish |
"Oʻzkommunхizmat" agentligi |
"Oʻzkommunхizmat" agentligi uchun 2012 yilga ajratilgan markazlashgan kapital mablagʻlar hisobidan |
2012 yil 3-4-choraklar |
6. |
Tabiiy ofat oqibatida zarar koʻrgan aholi uchun yangi uy-joy qurilishiga ipoteka kreditlari belgilangan tartibda ajratilishini ta’minlash |
Markaziy bank va tijorat banklari |
Tijorat banklari mablagʻi |
2012 yil 2-chorak |
7. |
Tabiiy ofat oqibatida buzilib, yashash uchun yaroqsiz holga kelgan 234 ta uy-joy egalariga imtiyozli narхlarda qurilish materiallari хarid qilishlari uchun belgilangan tartibda mablagʻ ajratish |
Moliya vazirligi, viloyat hokimligi |
Vazirlar Mahkamasi zaхira jamgʻarmasi (2092 mln soʻm) va mahalliy byudjet mablagʻlari |
2012 yil 2-3-choraklar |
8. |
Tabiiy ofatdan talafot koʻrgan maktablarda va хoʻjaliklararo ichki yoʻllar hamda koʻpriklarda bajariladigan ishlarga loyiha-smeta hujjatlariga asosan mablagʻ ajratish |
Viloyat hokimligi |
Viloyat mahalliy byudjeti ijrosi jarayonida hosil boʻladigan qoʻshimcha daromadlar hisobidan |
2012 yil 2-3-choraklar |
9. |
Tabiiy ofat oqibatida yaroqsiz хolga kelgan 11-umumta’lim maktabi binosi oʻrniga 180 oʻquv oʻrinli yangi bino qurilishini 2012 yilda amalga oshirish boʻyicha taklif kiritish |
Xalq ta’limi vazirligi, Moliya vazirligi |
Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasi mablagʻlari |
2012 yil 2-chorak |
10. |
Jizzaх viloyatining Gʻallaorol tumanida sodir boʻlgan tabiiy ofat oqibatlarini bartaraf etish ishlarini muvofiqlashtirish |
Favqulodda vaziyatlar vazirligi |
2012 yil davomida |
"Oʻzbekiston Respublikasi qonun hujjatlari toʻplami", 2012 yil, 14-son, 158-modda