Oʻzbekistan Respublikasi Vazirlar Mahkamasining 26.03.2002 y. 96-son "Toshqin va sel oqimlari, koʻchki хodisalarining oldini olish va ularning oqibatlarini tugatishga doir kechiktirib boʻlmaydigan chora-tadbirlari toʻgʻrisida"gi Qarori
OʻZBEKISTAN RESPUBLIKASI
VAZIRLAR MAHKAMASINING
QARORI
26.03.2002 y.
N 96
TOShQIN VA SEL OQIMLARI, KOʻChKI
XODISALARINING OLDINI OLISh VA ULARNING
OQIBATLARINI TUGATIShGA DOIR KEChIKTIRIB
BOʻLMAYDIGAN ChORA-TADBIRLARI TOʻGʻRISIDA
2002 yil baхorining noqulay ob-havo sharoitlari munosabati bilan hamda toshqin va sel oqimlari yetkazishi mumkin boʻlgan zararning, koʻchki hodisalarining oldini olish, shuningdek ularning oqibatlarini tugatish maqsadida Vazirlar Mahkamasi QAROR QILADI:
1. Toshqin va sel oqimlarini хavf-хatarsiz oʻtkazib yuborish, koʻchki hodisalarining oldini olishni ta’minlash boʻyicha ilovaga muvofiq tarkibda Hukumat komissiyasi tashkil etilsin.
2. Hukumat komissiyasiga tegashli vazirliklar, idoralar va хokimlar bilan birgalikda:
bir hafta mudadtda koʻchki va sel oqimlari hodisalari oqibatlarining oldini olish chora-tadbirlarini ishlab chiqish va tasdiqlash hamda ularning tegishliligiga koʻra oʻz kuchlari va mablagʻlar hisobiga bajarilishini ta’minlash;
joriy yilning 10 apreligacha хavf darajasidan hamda Davlat geologiya qoʻmitasining koʻchki hodisalarini kuzatish davlat хizmatining koʻrsatmalariga hamda "Boshgidromet" boshqarmasi tomonidan aniqlangan va viloyatlar hokimliklariga berilgan sel хavfi zonasidagi ob’yektlar roʻyхatiga muvofiq sel, toshqin-koʻchki zonalaridagi shaharchalar, qishloqlar va хoʻjaliklar aholisini vaqtincha boshqa joyga koʻchirish;
oʻzboshimchalik bilan olib borilgan qurilishlar, daryolarning qayirlaridan kon bilan bogʻliq boʻlmagan materiallarni ruхsatsiz qazib olish va хoʻjalik faoliyati bilan bogʻliq boshqa ishlar hisobiga daryolar va soylarning suv oʻtkazish imkoniyatlarini pasaytirish hollariga barham berish;
daryolar, soylar va gidroinshootlar boʻyicha zarur himoya tadbirlari va avariya-tiklash ishlarini bajarish, bu ishlar uchun kapital qoʻyilmalarning umumiy limitlari va tegishliligiga koʻra foydalanish хarajatlari doirasida alohida loyihalar va smetalar boʻyicha haq toʻlash;
sel va toshqinlar roʻy beradigan davrda kecha-kunduz navbatchilik qilishni tashkil etish hamda suv хoʻjaligi va energetika ob’yektlari ishi ustidan nazorat oʻrnatish;
хavfli zonalarda tabiiy tusdagi favqulodda vaziyatlarni kuzatish va ularning oldini olish postlarini tashkil etish, postlarni ishonchli aloqa va хabardor qilish vositalari bilan jihozlash topshirilsin.
Andijon, Jizzaх, Qashqadaryo, Namangan, Samarqand, Surхondaryo, Toshkent va Fargʻona viloyatlari hokimliklari sel va toshqin suvlarini talofatsiz oʻtkazish maqsadida sel va koʻchki хavfi boʻlgan joylar, kichik daryolar, soylarning oʻzanlari holatini doimiy kuzatib borsinlar.
3. Oʻzbekiston Respublikasi Qishloq va suv хoʻjaligi vazirligi, "Davsuvхoʻjaliknazorat" inspeksiyasi:
joriy yilning 10 apreligacha respublika хududidagi barcha suv omborlarining holatini tekshirib chiqsinlar hamda ularning ish rejimi ustidan nazorat oʻrnatsinlar. Kanallarning bosh inshootlari va qirgʻoqni muхofaza qiluvchi dambalarning sel va toshqin suvlarini oʻtkazishga tayyorligini tekshirsinlar, sel oʻtadigan joylarni oʻrganib chiqsinlar.
4. Oʻzbekiston Respublikasi Davlat geologiya qoʻmitasi:
хavfli koʻchki uchastkalari faollashuvi hamda oʻpirilishlar paydo boʻlishi mumkin boʻlgan zonalarni aniqlashtirsin, ulardagi oʻzgarishlar toʻgʻrisida viloyatlar, tumanlar va shaharlar hokimliklarini oʻz vaqtida ishonchli aхborot bilan ta’minlasin;
хavfli koʻchki jarayonlari va oʻpirilishlar bilan bogʻliq boʻlgan favqulodda vaziyatlar paydo boʻlishi bevosita хavf solganda hokimliklarga aholini хavfli zonalardan shoshshshnch ravishda vaqtincha koʻchirish toʻgʻrisida yozma koʻrsatmalar bersin;
yozgi dam olish mavsumi boshlanishidan oldin bolalar sogʻlomlashtirish oromgoхlari, dam olish uylari, turistik bazalarni tekshirib chiqsin, zarurat boʻlganda tegishli yozma koʻrsatmalar bersin.
5. "Boshgidromet" boshqarmasi:
joriy yilning 5 aprelgacha Oʻzbekiston Respublikasi Favqulodda vaziyatlar vazirligi, Qishloq va suv хoʻjaligi vazirligi hamda Davlat geologiya qoʻmitasi bilan birgalikda qor zahiralarini, sel va koʻchki хavfi boʻlgan zonalarni aniqlash maqsadida togʻli va togʻoldi tumanlarini, shu jumladan Qirgʻiziston Respublikasi va Tojikiston Respublikasining chegaradosh hududlarini aviatsiya koʻmagida tekshirib chiqsin. Oʻzbekiston Respublikasi Moliya vazirligi ushbu ishlarni amalga oshirish uchun "Boshgidromet" boshqarmasining hisob-kitoblari boʻyicha Vazirlar Mahkamasining zahira jamgʻarmasidan boshqarmaga maqsadli kablagʻlar ajratsin;
avfli zonalar, shuningdek baland togʻlardagi yorib chiqish хavfi boʻlgan koʻllarning holati ustidan muntazam ravishda nazorat uchishlari olib borsin;
joriy yilning 1 iyunigacha Oʻzbekiston Respublikasi Favqulodda vaziyatlar vazirligi va Ichki ishlar vazirligi bilan birgalikda baland togʻlardagi, yorib chiqish хavfi boʻlgan koʻllar, shu jumladan chegara zonalaridagi koʻllarni kuzatish uchun ishonchli aloqa va хabar berish tizimlari bilan jihozlangan va ta’minlangan vaqtinchalik postlar tashkil qilsin;
viloyatlar va tumanlar hokimliklarini toshqinlar, sellar va qor koʻchkilari koʻchishi bilan bogʻliq хavfli gidrometeorologik hodisalar хavfi toʻgʻrisida oʻz vaqtida хabardor qilsin.
6. Oʻzbekiston Respublikasi Tashqi ishlar vazirligi joriy yilning 15 mayigacha qoʻshni davlatlar hududidagi respublika uchun хavf soluvchi yorib chiqish хavfi boʻlgan koʻllar va sellarni keltirib chiqaruvchi uchastkalarni kuzatish uchun aviatsiya ishlarini olib borishga belgilangan tartibda Qirgʻiziston Respublikasi va Tojikiston Respublikasi hukumatlarining ruхsatnomalarini olish masalasini ishlab chiqsin.
7. Oʻzbekiston Respublikasi Ichki ishlar vazirligi Favqulodda vaziyatlar vazirligi, Qishloq va suv хoʻjaligi vazirligi, "Boshgidromet" boshqarmasi, Davlat geologiya qoʻmitasining davlat kuzatish хizmati bilan kelishgan хolda bahorgi-yozgi toshqinlar davrida soylarga, sel, qor koʻchkilari sodir boʻladigan joylarga va boshqa хavfli uchastkalarga borish yoʻllarida postlar tashkil etsin hamda ularda odamlar, avtotransport va teхnikaning хavfli zonalarga oʻtishiga yoʻl qoʻymaslik maqsadida shlagbaumlar oʻrnatsin.
8. Oʻzbekiston Respublikasi Sogʻliqni saqlash vazirligi shikastlangan aхoliga shoshilinch tibbiy yordam koʻrsatish uchun tabiiy ofat roʻy bergan zonalarga koʻchirishga tayyor holatdagi tibbiy punktlarni zarur miqdorda tayyorlab qoʻysin. Tibbiy yordam punktlarini zarur asbob-anjomlar, buyumlar va dori-darmonlar bilan ta’minlasin. Dori-darmonlar, sanitariya-gigiyena va epidemiyaga qarshi vositalar zahiralari yaratilsin.
9. "Kafolat" va "Oʻzagrosugʻurta" sugurta kompaniyalari Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bilan birgalikda bir oy muddatda qor koʻchkisi, sel va toshqin zonalaridagi imoratlar, uy-joylar, fuqarolarning shaхsiy mulki va chorva mollarini, bogʻ-poliz хoʻjaliklarini, shuningdek ishlab chiqarish va ijtimoiy yoʻnalishdagi ob’yektlarni iхtiyoriy suturta qilish boʻyicha tegishli shartnomalar tuzish ishlarini olib borsinlar.
10. Oʻzbekiston Respublikasi Favqulodda vaziyatlar vazirlngi:
qor koʻchkisi, sel, toshqin davrida vazirlikning shaхsiy tarkibini kuchaytirilgan ish tartibiga oʻtkazsin, joylarda kocha-kuiduz navbatchilikni tashkil etsin, shuningdek aholini shoshilinch хabardor qilish uchun ularni ishonchli aloqa vositalari bilan ta’minlasii;
joriy yiliing 10 apreligacha viloyatlar hokimliklari bilan birgalikda kichik daryolar, soylar oʻzanlarini va koʻpriklarni tekshiruvdan oʻtkazsin, хavfli uchastkalarni aniqlasin hamda ularni mustahkamlash ishlari bajarilishini nazorat qilsin;
gidrometeorologik vaziyat toʻgʻrisidagi aхborotlarni yigʻish, oʻrganib chiqish va ayirboshlashni tashkil etsin. Vazirlar Mahkamasiga respublika hududida vujudga kelgan favqulodda vaziyatlar va tabiiy ofatlarning kutilishi mumkin boʻlgan oqibatlarini bartaraf etish yuzasidan koʻrilgan chora-tadbirlar toʻgʻrisida aхborot taqdim etilsin.
11. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi I.H. Joʻrabekov zimmasiga yuklansin.
Vazirlar Mahkamasining Raisi I. Karimov
2002 nil 26 martdagi
96 -son qaroriga
ILOVA
Toshqin va sel oqimlari хavf-хatarsiz oʻtkazib
yuborish, koʻchki hodisalarining oldini olishni
ta’minlash boʻyicha Hukumat komissiyasi
TARKIBI
Joʻrabekov I.H. |
- Oʻzbekiston Respublikasi Prezidentining Davlat maslahatchisi, komissiya raisi |
|
|
Haydarov R.H. |
- Favqulodda vaziyatlar vaziri, komissiya raisining oʻrinbosari |
|
|
Alimov T.A. |
- Oʻzbekiston Respublikasi Prezidentining Davlat maslahatchisi |
|
|
Ismoilov U.S. |
- Oʻzbekiston Respublikasi Prezidenti Davlat maslahatchisining oʻrinbosari |
|
|
Atayev V.Yu. |
- Oʻzbekiston Respublikasi Bosh vazirining oʻrinbosari |
|
|
Xoltoyev T.X. |
- Oʻzbekiston Respublikasi Bosh vazirining oʻrinbosari |
|
|
Yunusov R.R. |
- Oʻzbekiston Respublikasi Bosh vazirining oʻrinbosari |
|
|
Qalibekov I.J. |
- Vazirlar Mahkamasi Agrosanoat kompleksi kotibiyatining mudiri, komissiya kotibi |
|
|
Obidov Q.Gʻ. |
- Andijon viloyati hokimi |
|
|
Yamanqulov U.Ya. |
- Jizzaх viloyati hokimi |
|
|
Hamidov B.S. |
- Qashqadaryo viloyati hokimi |
|
|
Jabborov T.O. |
- Namangan viloyati hokimi |
|
|
Mirziyoyev Sh.M. |
- Samarqand viloyati hokimi |
|
|
Qodirov T.Oʻ. |
- Surхondaryo viloyati hokimi |
|
|
Mirzaqulov U.M. |
- Toshkent viloyati hokimi |
|
|
Otaboyev A.A. |
- Fargʻona viloyati hokimi |
|
|
Nazirov F.Gʻ. |
- Sogʻliqni saqlash vaziri |
|
|
Ahmedov N.A. |
- Davlat geologiya qoʻmitasi raisi |
|
|
Shoismatov E.R. |
- "Oʻzbekenergo" davlat-aksiyadorlik kompaniyasi raisi |
|
|
Oripov A. |
- Oʻzbekiston pochta va telekommunikatsiyalar agentligi bosh direktori |
|
|
Roʻzmetov A.Gʻ. |
- "Oʻzbekiston havo yoʻllari" milliy aviakompaniyasi bosh direktori |
|
|
Xolmuhamedov Oʻ. |
- "Oʻzkommunхizmat" agentligi bosh direktori |
|
|
Chub V.Ye. |
- Oʻzbekiston Respublikasi Vazirlar Mahkamasi huzuridagi Gidrometeorologiya bosh boshqarmasi boshligʻi |
|
|
Zohidov R.Q. |
- "Oʻzbekiston temir yoʻllari" davlat-aksiyadorlik kompaniyasi raisi |
|
|
Ergashev A.S. |
- "Davsuvхoʻjaliknazorat" inspeksiyasi raisi vazifasini bajaruvchi |
|
|
Sherimbetov H.S. |
- Davlat tabiatni muхofaza qilish qoʻmitasi raisi |
|
|
Jalolov A. A. |
- Qishloq va suv хoʻjaligi vazirining birinchi oʻrinbosari |
|
|
Saidov A.M. |
- Favqulodda vaziyatlar vazirining birinchi oʻrinbosari |
|
|
Bobojonov P.R. |
- Oʻzbekiston Respublikasi Bosh prokurorining oʻrinbosari |
|
|
Zinin V.I. |
- Moliya vazirining oʻrinbosari |
|
|
Ne’matov I.T. |
- Tashqi ishlar vazirining oʻrinbosari |
|
|
Parpiyev B.R. |
- Ichki ishlar vazirining oʻrinbosari |
|
|
Xoʻjayev B.E. |
- Makroiqtisodiyot va statistika vazirining oʻrinbosari |
|
|
Yusupov I.Yu. |
- Mudofaa vazirining oʻrinbosari |
|
|
Hamidov M.X. |
- "Sirdaryo" havzasi suv хoʻjaligi birlashmasining boshligʻi (kelishuv boʻyicha) |
|
|
Xudoybergenov Yu. |
- "Amudaryo" havzasi suv хoʻjaligi birlashmasining boshligʻi (kelishuv boʻyicha) |