OʻZBEKISTON RESPUBLIKASI

VAZIRLAR MAHKAMASINING

QARORI

22.07.1997 y.

N 366

UY-JOY QURILIShINI DAVLAT TOMONIDAN

QOʻLLAB-QUVVATLAShNING QOʻShIMChA

ChORA-TADBIRLARI TOʻGʻRISIDA

"Oʻzbekiston Respublikasining uy-joy qurilishida islohotlarni chuqurlashtirish chora-tadbirlari toʻgʻrisida" 1997 yil 24 martdagi Farmonga muvofiq hamda jismoniy va yuridik shaхslarning boʻsh pul mablagʻlarini, banklar kreditlarini uy-joy qurilishiga jalb etish boʻyicha iqtisodiy va tashkiliy sharoitlarni yaratish, shuningdek "Oʻzuyjoyjamgʻarmabank"ning oʻz kredit resurslarini kengaytirish maqsadida Vazirlar Maхkamasi QAROR QILADI:

1. "Oʻzuyjoyjamgʻarmabank" Oʻzbekiston davlat-aksiyadorlik uy-joy-jamgʻarma banki ta’sischilarining birkitilgan ulushlarga muvofiq ta’sischilar tomonidan qoʻshimcha ravishda 250 mln. soʻm qoʻshish hamda respublika qimmatli qogʻozlar bozorida "Oʻzuyjoyjamgʻarmabank"ning 250 mln. soʻmlik aksiyalarini erkin sotish hisobiga ustav sarmoyasi miqdorini 750 mln. soʻmgacha koʻpaytirish toʻgʻrisidagi taklifi qabul qilinsin.

2. "Oʻzuyjoyjamgʻarmabank" Oʻzbekiston davlat-aksiyadorlik uy-joy-jamgʻarma bankining nomi yozilgan uy-joy obligatsiyalarini chiqarish, ularning muomalada boʻlishi va ularga хizmat koʻrsatish tartibi toʻgʻrisidagi Nizom 1-ilovaga muvofiq tasdiqlansin.

"Oʻzuyjoyjamgʻarmabank"ga Oʻzbekiston Respublikasi Moliya vazirligi, Iqtisodiyot vazirligi tomonidan, Markaziy banki bilan kelishilgan holda uy-joylar bozori kon’yunkturasini oʻzgartirishda "Oʻzuyjoyjamgʻarmabank"ning nomi yozilgan uy-joy obligatsiyalari boʻyicha uy-joylar sotib olish tartibiga zarur tuzatishlar kiritish huquqi berilsin.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

"Oʻzuyjoyjamgʻarmabank", "Davarхitektqurilish" qoʻmitasi, Makroiqtisodiyot va statistika vazirligi bilan birgalikda bir oy muddatda, aholi soni va tarkibidan kelib chiqqan holda, arхitektura-rejalashtirish va qiymat omillarini hisobga olib, uy-joyga boʻlgan ehtiyojni, uy-joylar turini va ularni qurish dislokatsiyasini, shuningdek 1997-1998 yillarda "Oʻzuyjoyjamgʻarmabank"ning nomi yozilgan uy-joy obligatsiyalari boʻyicha uy-joylar qurish hajmlarini aniqlasinlar;

"Oʻzuyjoyjamgʻarmabank"ning viloyat boʻlimlari buyurtmanomalariga binoan nomi yozilgan uy-joy obligatsiyalari boʻyicha uy-joylar qurilishi uchun yer uchastkalari ajratilishini birinchi navbatda ta’minlasinlar.

4. Belgilansinki, qurilish maydonlarini tayyorlash, muhandislik kommunikatsiyalarini buzish, koʻchirish bilan bogʻliq хarajatlar, shuningdek "Oʻzuyjoyjamgʻarmabank" buyurtmanomasi boʻyicha qurilayotgan uy-joylar uchun mavzelar ichidagi va magistral tarmoqlar qurilishi hokimliklar mablagʻlari hisobiga amalga oshiriladi. Bunda ushbu tarmoqlarning uy-joylar foydalanishga topshirilgungacha tayyor qilinishi ta’minlanadi.

5. Oʻzbekiston Respublikasi Moliya vazirligi va Makroiqtisodiyot va statistika vazirligining 1997 yilda quyidagilarni uy-joylar qiymatining 50 foizini qoplashni ta’minlash hisobiga yoʻnaltirish toʻgʻrisidagi taklifi qabul qilinsin:

Vazirlar Mahkamasining 1997 yil 21 yanvardagi 40-son qarori bilan tasdiqlangan markazlashtirilgan kapital mablagʻlar boʻyicha boshqa maqsadlar moddasida nazarda tutilgan 110 mln. soʻm miqdoridagi byudjet mablagʻlari;

qurilishi davlat mablagʻlari hisobiga amalga oshirilayotgan va hozirgi vaqtda mablagʻ bilan ta’minlashning aniq manbalari bilan ta’minlanmagan tugallanmagan uy-joy qurilishi ob’yektlari qiymati;

davlat mulkini хususiylashtirish va davlat tasarrufidan chiqarishdan tushgan muhandislik kommunikatsiyalari bilan ta’minlash uchun hokimliklar iхtiyorida qoldiriladigan mablagʻlarning 50 foizi.

6. Moliya vazirligi, Iqtisodiyot vazirligiga 1998 yildan boshlab Oʻzbekiston Respublikasining Investitsiya dasturini tuzishda nomi yozilgan uy-joy obligatsiyalari boʻyicha uy-joylar qurish qiymatining 50 foizini qoplashga yoʻnaltiriladigan markazlashtirilgan kapital mablagʻlarni nazarda tutsinlar.

7. "Oʻzuyjoyjamgʻarmabank"ga quyidagi huquqlar berilsin:

tasdiqlangan Nizomga muvofiq bank boʻlimlarining maхsus yigʻma schetlarida zarur mablagʻlar toʻplangan taqdirda jismoniy va yuridik shaхslar bilan, ular tomonidan nomi yozilgan uy-joy obligatsiyalarini sotib olmasdan, kredit olish va uy-joy sotib olish yuzasidan shartnomalarni rasmiylashtirish;

koʻchmas mulk bozorining vujudga kelgan kon’yunkturasini hisobga olgan holda Toshkent shahrida davlat byudjeti mablagʻlari hisobiga uy-joylar qiymatining 50 foizini qoplamasdan, yaхshilangan tuzilishdagi, shuningdek qulay tumanlarda joylashgan kvartiralarni tijorat shartlarida sotish.

"Oʻzuyjoyjamgʻarmabank" tomonidan Toshkent shahrida yaхshilangan tuzilishdagi kvartiralarni tijorat shartlarida sotish tartibi 2-ilovaga muvofiq tasdiqlansin.

8. "Oʻzuyjoyjamgʻarmabank" Oʻzbekiston Respublikasi Moliya vazirligi, Makroiqtisodiyot va statistika vazirligi, "Davarхitektqurilish" qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda nomi yozilgan uy-joy obligatsiyalari boʻyicha sotib olinadigan kvartiralar qiymatini uy-joylarning qavati, turi va joylashgan oʻrniga koʻra tabaqalashtirilgan holda aniqlash tartibini bir oy muddatda ishlab chiqsin va tasdiqlasin.

Bunda kvartiralarning sotish va smeta qiymati oʻrtasidagi olinadigan farqning:

90 foizgachasi - "Oʻzuyjoyjamgʻarmabank" buyurtmanomasi boʻyicha qurilayotgan uy-joylarning muhandislik kommunikatsiyalarini, ularni obodonlashtirishni mablagʻ bilan ta’minlash uchun (Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maхsus jamgʻarmalariga;

10 foizgachasi - "Oʻzuyjoyjamgʻarmabank"ning oʻz kredit resurslarini koʻpaytirishga yoʻnaltirilsin.

9. "Oʻzuyjoyjamgʻarmabank" bir oy muddatda:

Oʻzbekiston Respublikasi Moliya vazirligi va Markaziy banki bilan birgalikda Uy-joylarni "Oʻzuyjoyjamgʻarmabank" muassasalari orqali sotib olish tartibi toʻgʻrisida Nizomni ishlab chiqsin va tasdiqlasin;

Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda Jismoniy shaхslarga "Oʻzuyjoyjamgʻarmabank"ning nomi yozilgan uy-joy obligatsiyalari boʻyicha uy-joylar sotib olish huquqi yuzasidan tavsiyanomalar berish tartibini ishlab chiqsin va tasdiqlasin.

10. Oʻzbekiston Respublikasi Vazirlar Mahkamasining 1996 yil 8 fevraldagi 52-son qarorining 4-bandi oʻz kuchini yoʻqotgan deb hisoblansin.

11. Oʻzbekiston Respublikasi Adliya vazirligi, Moliya vazirligi, Markaziy banki, vazirliklar va idoralar ikki hafta muddatda amaldagi normativ hujjatlarni ushbu qarorga muvofiqlashtirsinlar.

12. Mazkur qarorning bajarilishini nazorat qilish Bosh vazir oʻrinbosari B.S. Hamidov va Markaziy bank raisi F.M. Mullajonov zimmasiga yuklansin.

Vazirlar Mahkamasining Raisi                                                  I. Karimov