Moliya vazirligining 101-son, Davlat soliq qoʻmitasining 2006-52-son, Hisob palatasining 11-133-son "Oʻzbekiston Respublikasi Hisob palatasi tomonidan aniqlangan davlatning iqtisodiy manfaatlariga yetkazilgan zarar summalarini Davlat byudjeti daromadiga yoʻnaltirish tartibi toʻgʻrisidagi nizomni tasdiqlash haqida"gi 11.12.2006 y. Qarori (AV tomonidan 29.12.2006 y. 1651-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
29.12.2006 y.
N 1651
OʻZBEKISTON RESPUBLIKASI MOLIYa VAZIRLIGINING 11.12.2006 y. N 101 |
OʻZBEKISTON RESPUBLIKASI DAVLAT SOLIQ QOʻMITASINING 11.12.2006 y. N 2006-52 |
OʻZBEKISTON RESPUBLIKASI HISOB PALATASINING 11.12.2006 y. N 11-133 |
QARORI
Oʻzbekiston Respublikasi Hisob palatasi
tomonidan aniqlangan davlatning iqtisodiy
manfaatlariga yetkazilgan zarar summalarini
Davlat byudjeti daromadiga yoʻnaltirish tartibi
toʻgʻrisidagi nizomni tasdiqlash haqida
(2007 yil 8 yanvardan kuchga kiradi)
Oʻzbekiston Respublikasi Prezidentining 2006 yil 7 sentyabrdagi PQ-460-son "Oʻzbekiston Respublikasi Hisob palatasi faoliyatini takomillashtirishga doir qoʻshimcha chora-tadbirlar toʻgʻrisida"gi qarorining 6-bandini ijro qilish maqsadida QAROR QILAMIZ:
1. Oʻzbekiston Respublikasi Hisob palatasi tomonidan aniqlangan davlatning iqtisodiy manfaatlariga yetkazilgan zarar summalarini Davlat byudjeti daromadiga yoʻnaltirish tartibi toʻgʻrisidagi nizom tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilganidan soʻng oʻn kundan keyin kuchga kiradi.
3. Ushbu qarorning ijrosi yuzasidan nazoratni oʻz zimmamizda qoldiramiz.
Moliya vaziri
|
R. Azimov |
Davlat soliq qoʻmitasi raisi
|
B. Parpiyev |
Hisob palatasi raisi |
B. Musayev |
"Oʻzbekiston Respublikasi qonun hujjatlari toʻplami", 2006 yil, 51-52-son, 526-modda.