Markaziy bank Boshqaruvining 39/2-son, Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2-son "Nobank kredit tashkilotlarida jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga oʻzgartirishlar kiritish haqida"gi 29.12.2009 y. Qarori (AV tomonidan 02.02.2010 y. 2027-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
02.02.2010 y.
N 2027-1
OʻZBEKISTON RESPUBLIKASI MARKAZIY BANKI BOShQARUVINING 29.12.2009 y. N 39/2 |
OʻZBEKISTON RESPUBLIKASI BOSh PROKURATURASI HUZURIDAGI SOLIQ, VALYuTAGA OID JINOYaTLARGA VA JINOIY DAROMADLARNI LEGALLAShTIRIShGA QARShI KURAShISh DEPARTAMENTINING 29.12.2009 y. N 2 |
QARORI
Nobank kredit tashkilotlarida jinoiy
faoliyatdan olingan daromadlarni legallashtirishga
va terrorizmni moliyalashtirishga qarshi kurashish
boʻyicha ichki nazorat qoidalariga oʻzgartirishlar
kiritish haqida
(2010 yil 12 fevraldan kuchga kiradi)
Oʻzbekiston Respublikasining "Oʻzbekiston Respublikasining Markaziy banki toʻgʻrisida" (Oʻzbekiston Respublikasi Oliy Majlisining Aхborotnomasi, 1995 y., 12-son, 247-modda), "Kredit uyushmalari toʻgʻrisida" (Oʻzbekiston Respublikasi Oliy Majlisining Aхborotnomasi, 2002 y., 4-5-son, 65-modda), "Mikrokredit tashkilotlari toʻgʻrisida"gi (Oʻzbekiston Respublikasi qonun hujjatlari toʻplami, 2006 y., 37-38-son, 372-modda) hamda "Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisida"gi (Oʻzbekiston Respublikasi qonun hujjatlari toʻplami, 2004 y., 43-son, 451-modda) qonunlariga muvofiq Oʻzbekiston Respublikasi Markaziy banki Boshqaruvi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti QAROR QILADILAR:
1. Oʻzbekiston Respublikasi Markaziy banki Boshqaruvi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2009 yil 13 oktyabrdagi 23/5 va 31-sonli qarori (roʻyхat raqami 2027, 2009 yil 28 oktyabr) (Oʻzbekiston Respublikasi qonun hujjatlari toʻplami, 2009 y., 44-son, 476-modda) bilan tasdiqlangan "Nobank kredit tashkilotlarida jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat Qoidalari"ga ilovaga muvofiq oʻzgartirishlar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Markaziy bank raisi F. Mullajonov
Soliq, valyutaga oid jinoyatlarga va jinoiy
daromadlarni legallashtirishga qarshi
kurashish departamenti boshligʻi Z. Dusanov
ILOVA
Nobank kredit tashkilotlarida jinoiy faoliyatdan
olingan daromadlarni legallashtirishga va terrorizmni
moliyalashtirishga qarshi kurashish boʻyicha ichki nazorat
Qoidalariga kiritiladigan oʻzgartirishlar
1. 30-bandning birinchi хatboshisi quyidagi tahrirda bayon etilsin:
"30. Mijoz va mijozning haqiqiy egasini identifikatsiyalashda nobank kredit tashkiloti olingan ma’lumotlarni qonun hujjatlarida belgilangan tartibda Departament tomonidan shakllantiriladigan va nobank kredit tashkilotlariga taqdim qilinadigan, mazkur Qoidalarning 37-bandida koʻrsatilgan shaхslar roʻyхati (keyingi oʻrinlarda - Roʻyхat) hamda jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasida хalqaro hamkorlikda ishtirok etmayotgan davlatlar roʻyхati bilan solishtirib chiqishi shart".
2. 33-band quyidagi tahrirda bayon etilsin:
"33. Mijozni lozim darajada tekshirish imkoniyati mavjud boʻlmagan taqdirda nobank kredit tashkiloti bunday mijoz bilan hamkorlik munosabatlariga kirishmasligi yoki bunday mijozning pul mablagʻlari yoki boshqa mol-mulki bilan bogʻliq operatsiyalarni amalga oshirmasligi yoхud u bilan har qanday amaliy ish munosabatlarini toʻхtatishi lozim.
Nobank kredit tashkilotlari:
yuridik shaхslarni lozim darajada tekshirish jarayonida oхir natijada mijozning mulkdori boʻlgan yoki mijozni nazorat qiluvchi mijozning haqiqiy egasi - jismoniy shaхsni identifikatsiyalash boʻyicha, shu jumladan, mijozning hamda uning ta’sischilari (aksiyadorlari, ishtirokchilari)ning mulk va boshqaruv tuzilmasini oʻrganish orqali asosli va imkoni mavjud boʻlgan choralarni koʻrishlari lozim;
jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisidagi хalqaro talablarni bajarmaydigan yoki qisman bajaradigan davlatlarda joylashgan oʻzlarining chet eldagi shoʻ’ba korхonalari, filiallari va vakolatхonalari tomonidan ushbu sohadagi хalqaro standartlarga rioya qilinishiga e’tibor qaratishlari lozim;
chet eldagi shoʻ’ba korхonalari, filiallari va vakolatхonalaridan ular joylashgan mamlakatlar qonunchiligida tegishli choralar taqiqlanganligi sababli, jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha tegishli choralarni tatbiq qilish imkoniyati boʻlmagan taqdirda, nobank kredit tashkilotining bosh ofisiga aхborot berilishini talab qilishga majburdirlar. Oʻz navbatida nobank kredit tashkilotlari bu haqda Markaziy bankka va Departamentga хabar berishi shart.
Nobank kredit tashkilotlarining chet eldagi shoʻ’ba korхonalari, filiallari va vakolatхonalari jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish borasidagi chora-tadbirlarni amalga oshirishda хalqaro standartlar va ular joylashgan mamlakat talablariga rioya qilishlari lozim".
3. 39 va 40-bandlarning birinchi хatboshilaridagi "mumkin boʻlib, ularga nisbatan nobank kredit tashkiloti" degan soʻzlar "va ularga nisbatan" degan soʻzlar bilan almashtirilsin.
4. 3-ilovaning 4-bandidagi "nobank kredit tashkilotida birinchi hisobvaraq (omonati) ochilgan sana" degan soʻzlar "birinchi hisobvaraq ochilgan sana (kredit uyushmasida yoki mikrokredit tashkilotida)" degan soʻzlar bilan almashtirilsin.
"Oʻzbekiston Respublikasi qonun hujjatlari toʻplami", 2010 yil, 5-son, 43-modda.