Oʻzbekiston Respublikasi Vazirlar Mahkamasining 12.06.2012 y. 168-son "Mahsulotni taqsimlash toʻgʻrisidagi bitimni amalga oshirish doirasida Oʻzbekiston Respublikasining Janubi-Gʻarbiy Hisor mintaqasidagi Odamtosh, Gumbuloq va Jarquduq-Yangi Qizilcha gaz kondensati konlarini oʻzlashtirish ob’yektlari qurilishining loyiha hujjatlarini ishlab chiqish, kelishish va tasdiqlash tartibi toʻgʻrisidagi nizomga oʻzgartirishlar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
12.06.2012 y.
N 168
MAHSULOTNI TAQSIMLASh
TOʻGʻRISIDAGI BITIMNI AMALGA OShIRISh
DOIRASIDA OʻZBEKISTON RESPUBLIKASINING
JANUBI-GʻARBIY HISOR MINTAQASIDAGI
ODAMTOSh, GUMBULOQ VA JARQUDUQ-YaNGI
QIZILChA GAZ KONDENSATI KONLARINI
OʻZLAShTIRISh OB’YeKTLARI QURILIShINING
LOYIHA HUJJATLARINI IShLAB ChIQISh,
KELIShISh VA TASDIQLASh TARTIBI
TOʻGʻRISIDAGI NIZOMGA OʻZGARTIRIShLAR
KIRITISh HAQIDA
Gazni qayta ishlash joyini oʻzgartirishni nazarda tutuvchi ulanishga hamda investitsiyalarning oʻz vaqtida tushishi uchun zarur tashkiliy tadbirlarni amalga oshirishga doir teхnik shartlarning oʻzgarishi munosabati bilan Mahsulotni taqsimlash toʻgʻrisidagi bitimni amalga oshirish doirasida Oʻzbekiston Respublikasining Janubi-Gʻarbiy Hisor mintaqasidagi Odamtosh, Gumbuloq va Jarquduq-Yangi Qizilcha gaz kondensati konlarini oʻzlashtirish ishlarini jadallashtirish maqsadida Vazirlar Mahkamasi QAROR QILADI:
1. Vazirlar Mahkamasining 2009 yil 6 noyabrdagi 292-son qarori bilan tasdiqlangan Mahsulotni taqsimlash toʻgʻrisidagi bitimni amalga oshirish doirasida Oʻzbekiston Respublikasining Janubi-Gʻarbiy Hisor mintaqasidagi Odamtosh, Gumbuloq va Jarquduq-Yangi Qizilcha gaz kondensati konlarini oʻzlashtirish ob’yektlari qurilishining loyiha hujjatlarini ishlab chiqish, kelishish va tasdiqlash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2012 yil 12 iyundagi
168-son qaroriga
ILOVA
Vazirlar Mahkamasining 2009 yil 6 noyabrdagi 292-son
qarori bilan tasdiqlangan Mahsulotni taqsimlash toʻgʻrisidagi
bitimni amalga oshirish doirasida Oʻzbekiston Respublikasining
Janubi-Gʻarbiy Hisor mintaqasidagi Odamtosh, Gumbuloq
va Jarquduq-Yangi Qizilcha gaz kondensati konlarini
oʻzlashtirish ob’yektlari qurilishining loyiha
hujjatlarini ishlab chiqish, kelishish va tasdiqlash
tartibi toʻgʻrisidagi nizomga kiritilayotgan
oʻzgartirishlar
1. 3 va 10-bandlardagi "pudratchisini" soʻzi "pudratchisini (pudratchilarini)" soʻzlari bilan almashtirilsin.
2. 9-band quyidagi tahrirda bayon qilinsin:
"9. Ish loyihasining tasdiqlanadigan qismi tasdiqlangunga qadar buyurtmachi ish hujjatlarini ishlab chiqishga, asosiy teхnologik asbob-uskunalarni yetkazib berish yuzasidan buyurtmalarni joylashtirishga kirishadi, tanlov asosida qurilish pudratchisi (pudratchilari) tanlovini amalga oshiradi. Ish loyihasining tasdiqlangan tasdiqlanadigan qismi oʻzlashtirish ob’yektlarini qurish yuzasidan kontraktlar tuzish uchun asos hisoblanadi".
"Oʻzbekiston Respublikasi qonun hujjatlari toʻplami", 2012 yil, 23-24-son, 262-modda