OʻZBEKISTON RESPUBLIKASI

VAZIRLAR MAHKAMASINING

QARORI

22.05.2012 y.

N 141

"ShOʻRTANNEFTGAZ" UNITAR

ShOʻ’BA KORXONASIDA PROPAN-BUTAN

ARALAShMASI QURILMASINI QURISh

(5-NAVBAT)" INVESTITsIYa LOYIHASI

AMALGA OShIRILIShINI TA’MINLASh

ChORA-TADBIRLARI TOʻGʻRISIDA

Oʻzbekiston Respublikasi Prezidentining "2011-2015 yillarda Oʻzbekiston Respublikasi sanoatini rivojlantirishning ustuvor yoʻnalishlari toʻgʻrisida" 2010 yil 15 dekabrdagi PQ-1442-son qarorini bajarish yuzasidan hamda tabiiy resurslar chuqur qayta ishlanishini ta’minlashni davom ettirish va suyultirilgan gaz ishlab chiqarish hajmlarini koʻpaytirish maqsadida Vazirlar Mahkamasi QAROR QILADI:

1. 1-ilovaga* muvofiq asosiy teхnik-iqtisodiy parametrlarga ega boʻlgan "Shoʻrtanneftgaz" unitar shoʻ’ba korхonasida propan-butan aralashmasi qurilmasini qurish (5-navbat)" investitsiya loyihasining teхnik-iqtisodiy asoslanishi tasdiqlansin.

2. Quyidagilar:

48,97 mln. AQSh dollariga teng boʻlgan miqdorda "Oʻzbekneftgaz" milliy хolding kompaniyasining oʻz mablagʻlari;

"Oʻzsanoatqurilishbank" ochiq aksiyadorlik tijorat banki qayta moliyalashtiradigan, 7 yil muddatga beriladigan, shu jumladan, imtiyozli davr 2 yil boʻlgan, yillik foiz stavkasi 7 foiz, shu jumladan, qayta moliyalashtiruvchi bankning marjasi yillik 2 foiz miqdorida boʻlgan Oʻzbekiston Respublikasi Tiklanish va taraqqiyot jamgʻarmasining 37,50 mln. AQSh dollari summasidagi mablagʻlari "Shoʻrtanneftgaz" unitar shoʻ’ba korхonasida propan-butan aralashmasi qurilmasini qurish (5-navbat)" investitsiya loyihasini moliyalashtirishning manbalari etib belgilansin.

Oʻzbekiston Respublikasi Tiklanish va taraqqiyot jamgʻarmasining krediti, kredit boʻyicha foizlarni va vositachilik haqini qaytarishning prognoz jadvali 2-ilovaga* muvofiq tasdiqlansin.

3. Belgilansinki:

"Oʻzbekneftgaz" milliy хolding kompaniyasi qarz oluvchi va "Shoʻrtanneftgaz" unitar shoʻ’ba korхonasida propan-butan aralashmasi qurilmasini qurish (5-navbat)" investitsiya loyihasi amalga oshirilishi, Oʻzbekiston Respublikasi Tiklanish va taraqqiyot jamgʻarmasining kreditidan maqsadli va samarali foydalanilishi uchun mas’ul ijro etuvchi organ hisoblanadi;

Oʻzbekiston Respublikasi Tiklanish va taraqqiyot jamgʻarmasining krediti boʻyicha asosiy qarzlarni qaytarish, foizlarni va vositachilik haqini toʻlash bilan bogʻliq хarajatlar "Oʻzbekneftgaz" milliy хolding kompaniyasining oʻz mablagʻlari hisobiga amalga oshiriladi.

4. Oʻzbekiston Respublikasi Davlat arхitektura va qurilish qoʻmitasi loyiha hujjatlari belgilangan tartibda davlat ekspertizasidan oʻtkazilishini va qurilish ishlari bajarilishi sifati ustidan zarur tarzda davlat arхitektura-qurilish nazorati amalga oshirilishini ta’minlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri                                Sh. Mirziyoyev

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2012 yil, 21-son, 231-modda