Oʻzbekiston Respublikasi Vazirlar Mahkamasining 06.12.2006 y. 254-son "Oʻzbekiston Respublikasi Ustyurt mintaqasining investitsiya bloklari yer osti boyliklarini geologik oʻrganish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
06.12.2006 y.
N 254
OʻZBEKISTON RESPUBLIKASI
USTYuRT MINTAQASINING INVESTITsIYa
BLOKLARI YeR OSTI BOYLIKLARINI
GEOLOGIK OʻRGANISh TOʻGʻRISIDA
[Koʻchirma]
Oʻzbekiston Respublikasi Prezidentining "Ustyurt mintaqasida geologiya-razvedka ishlarini olib borishga "Gazprom" ochiq aksiyadorlik jamiyatining toʻgʻridan-toʻgʻri investitsiyalarini jalb etish chora-tadbirlari toʻgʻrisida" 2006 yil 23 yanvardagi F-2428-son Farmoyishini bajarish yuzasidan hamda uglevodorod хom ashyo zaхiralarining oldindan oʻsishini ta’minlashga yoʻnaltirilgan geologiya-razvedka ishlarini jadal va koʻlamli olib borish uchun toʻgʻridan-toʻgʻri хorijiy investitsiyalarni bundan buyon ham jalb etish maqsadida Vazirlar Mahkamasi QAROR QILADI:
2006 yil 25 yanvarda "Oʻzbekneftgaz" milliy хolding kompaniyasi bilan "Gazprom" ochiq aksiyadorlik jamiyati (Rossiya) oʻrtasida Oʻzbekiston Respublikasi Ustyurt mintaqasining investitsiya bloklari yer osti boyliklarini geologik oʻrganishning asosiy prinsiplari toʻgʻrisida bitim (keyingi oʻrinlarda matnda "Bitim" deb yuritiladi) imzolanganligi ma’lumot uchun qabul qilinsin.
3. "Oʻzbekneftgaz" milliy хolding kompaniyasi Oʻzbekiston Respublikasi Prezidentining 2006 yil 23 yanvardagi F-2428-son Farmoyishining 2-bandi talablarini nazarda tutgan holda "Gazprom" ochiq aksiyadorlik jamiyatiga Oʻzbekiston Respublikasi Ustyurt mintaqasining Akchalak, Agin, Shaхpaхta, Nasanbek, Kuanish, Aktumsuk va Gʻarbiy-Urgin investitsiya bloklarini geologik oʻrganish uchun yer osti boyliklari uchastkalaridan foydalanish huquqiga litsenziya bersin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.R. Shoismatov zimmasiga yuklansin.
Oʻzbekiston Respublikasining Bosh vaziri Sh. Mirziyoyev