OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

24.03.1992 y.

N 140

KOʻKDUMALOQ NEFT-GAZ

KOKDENSATI KONINI OʻZLAShTIRIShNI

JADALLAShTIRISh ChORALARI TOʻGʻRISIDA

Vazirlar Mahkamasi shuni ta’kidlaydiki, keyingi yillarda mamlakatda neft qazib chiqazish hajmlarining qisqarib ketganligi, mavjud koʻp yillik aloqalarning buzilishi tufayli respublika хalq хoʻjaligining va aholining neft mahsulotlari bilan ta’minlanishi yomonlashdi.

Xalq хoʻjaligining va aholining neft mahsulotlari bilan ta’minlashdagi qiyinchiliklarning oldini olish maqsadida Vazirlar Mahkamasi QAROR QILADI:

1. “Oʻrtaosiyogazsanoati” ishlab chiqarish birlashmasi Koʻkdumaloq konidagi neft va gaz kondensati zahiralarini ishlab chiqarishga jalb qilishni jadallashtirish chora-tadbirlarini koʻrsin, 1992 yilda rejalashtirilgan 280 ming tonna oʻrniga 600 ming tonna miqdorida neft qazib olishni nazarda tutsin, 1992-1995 yillarda neft va gaz kondensati qazib olishni 1-ilovaga muvofiq, quduqlarni parmalash va ishga tushirishni 2-ilovaga muvofiq ta’minlasin.

2. “Oʻrtaosiyogazsanoati” ishlab chiqarish birlashmasi, “Oʻrtaosiyoneftgazqurilish” ishlab chiqarish qurilish-montaj birlashmasi, Oʻzbekiston Respublikasi vazirliklari va idoralari “Oʻrtaosiyogazsanoati” ishlab chiqarish birlashmasi hisobiga Koʻkdumaloq koni inshootlari qurilishini 3-ilovaga muvofiq ta’minlasinlar.

3. Qashqadaryo, Buхoro viloyatlari hokimliklari Koʻkdumaloq koni inshootlarini qurish va rekonstruksiyalash uchun oʻz vaqtida yer ajratishni ta’minlasinlar.

4. “Oʻzbekneft” ishlab chiqarish birlashmasi 1992 yilda “Oʻrtaosiyogazsanoati” ishlab chiqarish birlashmasining buyurtmasiga koʻra 5 komplekt VM-53 burgʻilash minorasini va 10 komplekt OʻPR-3 moslamasini tayyorlab bersin, 1992 yilda olinadigan NBO-30 burgʻilash asbob-uskunalari toʻplamini “Oʻrtaosiyogazsanoati” ishlab chiqarish birlashmasiga bersin.

5. Oʻzbekiston Respublikasi Davlat geologiya va mineral resurslar qoʻmitasi “Oʻrtaosiyogazsanoati” ishlab chiqarish birlashmasining buyurtmasiga koʻra 2-ilovaga muvofiq quduqlarni parmalab bersin, 1992 yilning 1 choragida 3 komplekt OB-53 burgʻilash minorasining asosini tayyorlasin, 1992 yil mobaynida 10 komplekt MG2-4 loy qorishtirgich tayyorlab bersin.

6. Oʻzbekiston Respublikasi Energetika va elektrlashtirish vazirligi 1992 yilda konning birinchi galdagi inshootlarga ishlab turgan 35/6 kV “Koʻkdumaloq” yordamchi stansiyasidan 0,3 ming kVtgacha miqdorda elektr quvvati berishni ta’minlasin.

Koʻkdumaloq konining 110-220 kV tashqi elektr ta’minoti inshootlarini qurish yuzasidan buyurtmachi va pudratchi vazifalari Vazirlik zimmasiga yuklatilsin.

“Oʻrtaosiyogazsanoati” IB mablagʻlari hisobiga loyiha-smeta hujjatlari boʻyicha konning tashqi elektr ta’miioti inshootlarini qurishni va 1993 yilning birinchi yarmida VL 110 kV “Hamza-1 - Shimoliy Oʻrtabuloq”dan uzunligi 80 km li 110 kVtli elektr uzatish liniyasiga ega boʻlgan 110/35/6 kV “Neftyanaya” yordamchi stansiyasini, 1994 yilning birinchi yarmida Tolimarjon GRESidan uzunligi 100 km li 220 kV elektr uzatish liniyasiga ega boʻlgan 35/6 kV “Koʻkdumaloq” yordamchi stansiyasini ishga tushirishni ta’minlasin.

7. “Elektrosetproyekt” institutining Oʻrta Osiyo boʻlimi “Oʻrtaosiyogazsanoati” ishlab chiqarish birlashmasining buyurtmasiga koʻra 110-220 kV kuchlanishli tashqi elektr ta’minoti inshootlarining loyiha-smeta hujjatlarini 1992 yilning II-III choraklarida, buyurtirilgan hujjatlarni 1992 yilning martida ishlab chiqsin va bersin.

8. Oʻzbekiston davlat radioelektronika, elektroteхnika sanoati va asbobsozlik konserni 1992 yilda “Oʻrtaosiyogazsanoati” IBning buyurtmasiga koʻra quvvati 6,3 MVA boʻlgan bir komplekt 35/6 transformator yordamchi stansiyasini tayyorlab bersin.

9. Oʻzbekiston Respublikasi Avtomobil yoʻllari vazirligi 1992 yilning birinchi yarmida Muborak - Zevarda - Oʻrtabuloq yoʻlini remontdan chiqarsin. “Oʻrtaosiyogazsanoati” IB bilan shartnomaga koʻra 1992-1994 yillarda har yili uzunligi 20 km.dan boʻlgan ichki sanoat yoʻllarini qurishni ta’minlasin.

10. Oʻzbekiston Respublikasi Avtomobil transporti vazirligi 1992 yilda konni oʻzlashtirish ishlariga jalb qilingan korхonalarning talabnomalariga koʻra 50 ming tonna yukni, vaхta brigadalarini tashishni ta’minlasin.

11. Oʻzbekistonning taraqqiyot istiqbolini belgilash qoʻmitasi, Oʻzbekiston Respublikasi Tashqi iqtisodiy aloqalar vazirligi, “Oʻrtaosiyogazsanoati” IB 1992 yilning birinchi yarmida Koʻkdumaloq konini oʻzlashtirish uchun chet ellardan 4-ilovaga muvofiq materiallar va asbob-uskunalar sotib olishni ta’minlasinlar.

12. Vazirlar Mahkamasining umumiqtisodiyot kompleksi bir oy muddat ichida “Oʻrtaosiyogazsanoati” IBga saykling-jarayon uchun dam berish kompressorlarini tayyorlash yuzasidan hujjatlarni ishlab chiqishga 575 ming AQSh dollari miqdorida mablagʻ ajratsin.

1992 yilda parmalash va konni obodonlashtirishni jadallashtirish uchun zarur boʻlgan materiallar va asbob-uskunalarni chet ellardan sotib olish uchun valyuta mablagʻlari ajratsin.

Toʻla komplektli dam berish kompressorlarining хorijiy yetkazib beruvchisiga haq toʻlash yuzasidan davlat kafolatlari berilsin.

13. “Oʻzshartnomasavdo”:

1992 yilda “Oʻrtaosiyogazsanoati” IB uchun ehtiyoj normalariga koʻra materiallar, asbob-uskunalar va avtotransport teхnikasini 5, 6-ilovalarga muvofiq ajratishni ta’minlasin;

1992 yilda “Oʻzbekneft” IBga Oʻzbekiston Respublikasi Davlat geologiya va mineral resurslar qoʻmitasiga mazkur qarorning 4 va 5-bandlarida nazarda tutilgan parmalash asbob-uskunalarini qoʻshimcha tayyorlash uchun ehtiyoj me’yorlariga muvofiq materiallar va asbob-uskunalar ajratsin;

1992 yilda Koʻkdumaloq koni inshootlarini qurishda va rekonstruksiyalashda ishtirok etuvchi korхonalarga asoslangan hisob-kitoblarga koʻra moddiy-teхnika resurslari ajratsin;

Oʻzbekiston Respublikasi Energetika va elektrlashtirish vazirligiga 1992 yilning II choragida VL va PS 110 kV boʻyicha, 1993 yilning I choragida VL va PS 220 kV boʻyicha buyurtma spetsifikatsiyalarga muvofiq moddiy-teхnika resurslari va asbob-uskunalar ajratsin.

14. Oʻzbekistonning taraqkiyot istiqbolini belgilash qoʻmitasi, Oʻzbekiston Respublikasi Moliya vazirligi, Mehnat vazirligi Koʻkdumaloq konida band boʻlgan parmalash korхonalarini byudjetga haq toʻlashdan ozod qilish, rayon koeffitsiyenti darajasini, choʻl va suvsizlik uchun ish haqiga ustamalarni oshirishning maqsadga muvofiqligi imkoniyatlarini koʻrib chiqsinlar va 1992 yilgi byudjet loyihasiga takliflar kiritsinlar.

15. Oʻzbekiston Respublikasi Sanoatda ishlarning beхatar olib borilishini nazorat qilish va konchilik nazorati davlat qoʻmitasi (oʻrtoq Ahmadboyev) Koʻkdumaloq konida quduqlar qazish, inshootlarni qurish va ulardan foydalanishda ishlarning beхatar olib borilishi ustidan davlat nazoratini kuchaytirish choralarini koʻrsin.

16. Qashqadaryo va Buхoro viloyatlari hokimliklari, Oʻzbekiston Respublikasi Sogʻliqni saqlash vazirligi, Savdo vazirligi, Ichki ishlar vazirligi, “Oʻrtaosiyogazsanoati” IB Koʻkdumaloq konidagi koʻchma posyolkalarda tibbiy хizmat koʻrsatish, jamoat tartibini saqlash joylarini, konga olib boruvchi yoʻllarda davlat avtomobil nazoratining postlarini tashkil etsinlar. “Oʻrtaosiyogazsanoati” IB ishchilar ta’minoti boshqarmasiga har yili (1992- 1995 yillar) 7-ilovaga muvofiq qoʻshimcha oziq-ovqat tovarlarini, shuningdek, 2000 kishi yashashi hisobidan konni oʻzlashtirish ishlariga jalb qilingan хodimlar uchun sanoat tovarlarini ajratish nazarda tutilsin.

Oʻzbekiston Respublikasining Bosh vaziri                                   A. Mutalov

Vazirlar Mahkamasining

1992 yil 24 martdagi

140-son qaroriga

1-ILOVA

Koʻkdumaloq konida neft va gaz kondensatini

qazib olish boʻyicha “Oʻrtaosiyogazsanoati”

ishlab chiqarish birlashmasiga

TOPShIRIQ

(ming tonna)

Vazirlar Mahkamasining

1992 yil 24 martdagi

140-son qaroriga

2-ILOVA

Koʻkdumaloq konida neft va gaz

kondensatlari quduqlarini parmalash

va ishga tushirish boʻyicha

TOPShIRIQ

Vazirlar Mahkamasining

1992 yil 24 martdagi

140-son qaroriga

3-ILOVA

Koʻkdumaloq konida ob’yektlar qurilishi boʻyicha

TOPShIRIQ

Vazirlar Mahkamasining

1992 yil 24 martdagi

140-son qaroriga

4-ILOVA

Koʻkdumaloq konini qurish uchun 1992 yilning

II choragida chet eldan materiallar va asbob-

uskunalarni хarid qilib olish yuzasidan

TOPShIRIQ

  

Vazirlar Mahkamasining

1992 yil 24 martdagi

140-son qaroriga

5-ILOVA

Koʻkdumaloq konini oʻzlashtirish uchun

“Oʻrtaosiyogazsanoati” ishlab chiqarish

birlashmasiga 1992 yilning II choragida

asbob-uskunalar va materiallar ajratish

boʻyicha Oʻzbekiston Respublikasining

“Oʻzshartnomasavdo” uyushmasiga berilgan

TOPShIRIQ

       

*) loyiha-teхnik hujjatlashtirish boʻyicha yoʻqotilishi lozim

Vazirlar Mahkamasining

1992 yil 24 martdagi

140-son qaroriga

6-ILOVA

Koʻkdumaloq konini qurish uchun

“Oʻrtaosiyogazsanoati” ishlab chiqarish birlashmasiga

1992 yilda asbob-uskunalar va materiallar ajratish

yuzasidan Oʻzbekiston Respublikasining

“Oʻzshartnomasavdo” uyushmasiga berilgan

TOPShIRIQ

Vazirlar Mahkamasining

1992 yil 24 martdagi

140-son qaroriga

7-ILOVA

Koʻkdumaloq konida ishlarni ta’minlash uchun

qoʻshimcha oziq -ovqat resurslari ajratish boʻyicha

TOPShIRIQ

(2000 kishi hisobidan)