Monopoliyadan chiqarish va raqobatni rivojlantirish davlat qoʻmitasi 06.10.2010 y. 14-son "Tabiiy monopoliya sub’yektlarining Davlat reyestrini tuzish va yuritish tartibi toʻgʻrisidagi nizomni tasdiqlash haqida"gi Qarori (AV tomonidan 11.10.2010 y. 2147-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
11.10.2010 y.
N 2147
OʻZBEKISTON RESPUBLIKASI
MONOPOLIYaDAN ChIQARISh VA RAQOBATNI
RIVOJLANTIRISh DAVLAT QOʻMITASI
06.10.2010 y.
N 14
QARORI
Tabiiy monopoliya sub’yektlarining
Davlat reyestrini tuzish va yuritish tartibi
toʻgʻrisidagi nizomni tasdiqlash haqida
(2010 yil 21 oktyabrdan kuchga kiradi)
Oʻzbekiston Respublikasining "Tabiiy monopoliyalar toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 1999 y., 9-son, 212-modda) va Oʻzbekiston Respublikasi Vazirlar Mahkamasining 2012 yil 30 dekabrdagi 374-son qarori (Oʻzbekiston Respublikasi qonun hujjatlari toʻplami, 2013 y., 2-son, 19-modda) bilan tasdiqlangan Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi toʻgʻrisidagi nizomga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi QAROR QILADI:
1. Tabiiy monopoliya sub’yektlarining Davlat reyestrini tuzish va yuritish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining 2009 yil 23 fevraldagi 7-son "Tabiiy monopoliya sub’yektlarining Davlat reyestrini tuzish va yuritish tartibi toʻgʻrisidagi nizomni tasdiqlash haqida"gi qarori (roʻyхat raqami 1930, 2009 yil 30 mart) (Oʻzbekiston Respublikasi qonun hujjatlari toʻplami 2009 y., 14-son, 166-modda) oʻz kuchini yoʻqotgan deb hisoblansin.
3. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Rais J. Ismailov
"Oʻzbekiston Respublikasi qonun hujjatlari toʻplami", 2010 yil, 40-41-son, 357-modda.