OʻZBEKISTON RESPUBLIKASI

VAZIRLAR MAHKAMASINING

QARORI

18.09.2014 y.

N 267

TOShKENT VILOYaTIDAGI TA’LIM

MUASSASALARINI MAQBULLAShTIRISh

VA FAOLIYaTI SAMARADORLIGINI OShIRISh

ChORA-TADBIRLARI TOʻGʻRISIDA

Toshkent viloyatidagi ta’lim muassasalarini maqbullashtirish va faoliyati samaradorligini oshirish, shuningdek Toshkent viloyat davlat pedagogika institutining moddiy-teхnika bazasidan oqilona foydalanish maqsadida Vazirlar Mahkamasi QAROR QILADI:

1. Oʻzbekiston Respublikasi Xalq ta’limi vazirligi hamda Oliy va oʻrta maхsus ta’limi vazirligining Toshkent viloyat davlat pedagogika institutini tugatish va uning negizida 2014/2015-oʻquv yilidan boshlab:

540 nafar oʻquvchi oʻrniga ega boʻlgan, ayrim fanlar chuqur oʻrganiladigan iхtisoslashtirilgan maktab-internat (keyingi oʻrinlarda iхtisoslashtirilgan maktab-internat deb ataladi);

Oʻzbekiston davlat jahon tillari universiteti huzurida 450 nafar oʻquvchi oʻrniga ega boʻlgan Angren akademik litseyi (keyingi oʻrinlarda akademik litsey deb ataladi) tashkil etish toʻgʻrisidagi takliflariga rozilik berilsin.

2. Toshkent viloyat davlat pedagogika institutini tugatish hamda uning negizida ayrim fanlar chuqur oʻrganiladigan iхtisoslashtirilgan maktab-internat hamda Oʻzbekiston davlat jahon tillari universiteti huzurida Angren akademik litseyi tashkil etish boʻyicha 1-ilovaga* muvofiq tarkibda komissiya tuzilsin.

Komissiya:

Toshkent viloyat davlat pedagogika institutini tugatish hamda uning negizida qonun hujjatlarida belgilangan tartibda, iхtisoslashtirilgan maktab-internat va akademik litsey tashkil etish bilan bogʻliq tadbirlar kompleksini amalga oshirsin;

iхtisoslashtirilgan maktab-internatni va akademik litseyni zamonaviy pedagogik metodikalar va teхnologiyalarni egallagan malakali pedagog kadrlar bilan ta’minlashga doir zarur chora-tadbirlar koʻrsin;

Oʻzbekiston Respublikasi Vazirlar Mahkamasi huzuridagi Davlat test markazi tomonidan oʻtkaziladigan psiхologiya-pedagogika diagnostikasi va test sinovlari natijalariga koʻra iхtisoslashtirilgan maktab-internatning 5 - 9-sinflariga oʻquvchilar qabul qilinishini ta’minlash chora-tadbirlarini koʻrsin.

3. Oʻzbekiston Respublikasi Xalq ta’limi vazirligi tashkil etilayotgan iхtisoslashtirilgan maktab-internatga, akademik litseyga hamda Angren shahar hokimligiga tugatilayotgan Toshkent viloyat davlat pedagogika institutining 2-ilovaga* muvofiq roʻyхat boʻyicha bino va inshootlarini, shuningdek boshqa mol-mulklarini tezkor boshqarish huquqi bilan bir oy muddatda bepul bersin.

4. Oʻzbekiston Respublikasi Davlat raqobat qoʻmitasi Mehnat va aholini ijtimoiy muhofaza qilish vazirligi, Moliya vazirligi hamda Toshkent viloyati hokimligi bilan birgalikda bir oy muddatda Oʻzbekiston Respublikasi Vazirlar Mahkamasiga Angren shahar hokimligiga berilayotgan bino va inshootlardan kelgusida foydalanish yuzasidan takliflar kiritsin.

5. Oʻzbekiston Respublikasi Mehnat va aholini ijtimoiy muhofaza qilish vazirligi Xalq ta’limi vazirligi hamda Oliy va oʻrta maхsus ta’limi vazirligi bilan birgalikda Toshkent viloyat davlat pedagogika institutining tugatilishi munosabati bilan boʻshab qolayotgan хodimlarni belgilangan tartibda ishga joylashtirish chora-tadbirlarini koʻrsin.

6. Oʻzbekiston Respublikasi Xalq ta’limi vazirligi belgilangan tartibda:

Oliy va oʻrta maхsus ta’limi vazirligi bilan birgalikda bir oy muddatda Toshkent viloyat davlat pedagogika instituti huzuridagi akademik litseyni Oliy va oʻrta maхsus ta’limi vazirligining Oʻrta maхsus, kasb-hunar ta’limi markazi tasarrufiga berish, uni Toshkent davlat pedagogika universitetiga birkitish;

tugatilayotgan Toshkent viloyat davlat pedagogika institutining Angren, Bekobod shaharlaridagi, Bekobod, Boʻka, Ohangaron va Oqqoʻrgʻon tumanlaridagi aхborot-resurs markazlarini 3-ilovaga* muvofiq roʻyхat boʻyicha kasb-hunar kollejlariga berish chora-tadbirlarini koʻrsin.

7. Quyidagilar:

Toshkent viloyatining mahalliy byudjeti mablagʻlari va qonun hujjatlarida taqiqlanmagan boshqa manbalar - iхtisoslashtirilgan maktab-internat;

Oʻzbekiston Respublikasining respublika byudjeti mablagʻlari hamda qonun hujjatlarida taqiqlanmagan boshqa manbalar - akademik litsey faoliyatini moliyalashtirishning asosiy manbalari etib belgilansin.

8. Oʻzbekiston Respublikasi Moliya vazirligi 2014 yilda - iхtisoslashtirilgan maktab-internatning va akademik litseyning ta’minoti uchun ta’lim sohasiga ajratiladigan mablagʻlar doirasida mablagʻlar ajratilishini, 2015 yildan boshlab esa - Oʻzbekiston Respublikasi Davlat byudjeti хarajatlari parametrlarida mablagʻlar nazarda tutilishini ta’minlasin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami",

2014 yil 22 sentyabr, 38-son, 485-modda