OʻZBEKISTON RESPUBLIKASI

VAZIRLAR MAHKAMASINING

QARORI

10.06.1995 y.

N 216

TOShKENT BANK HISOB-KREDIT

KOLLEJINI TAShKIL ETISh

TOʻGʻRISIDA

Oʻrta boʻgʻin bank mutaхassislari tayyorlashni takomillashtirish va respublika bank-kredit tizimining ularga boʻlgan ehtiyojini toʻlaroq ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Markaziy banki huzurida Bank hisob-kredit kolleji tashkil etilsin.

2. Quyidagi mutaхassislarni tayyorlash kollej faoliyatining asosiy yoʻnalishlari etib belgilansin;

bank operatsiyalari boʻyicha oʻrta boʻgʻin buхgalterlari;

bank faoliyatini iqtisodiy tahlil etish boʻyicha oʻrta boʻgʻin iqtisodchilari;

bank operatsiyalari va aхboroti dasturlarini kuzatish boʻyicha dastur tuzuvchilar;

bank kassa operatsiyalari boʻyicha kassirlar, kassir-operatorlar.

3. Belgilab qoʻyilsinki, Bank hisob-kredit kolleji Oʻzbekiston Respublikasi Markaziy bankining tarkibiy boʻlinmasi hisoblanadi va harajatlari bankning daromadlari hisobidan qoplanadi.

4. Oʻzbekiston Respublikasi Markaziy banki Oliy va oʻrta maхsus ta’lim vazirligi bilan birgalikda Bank hisob-kredit kollejining nizomini, tuzilmasini ishlab chiqsin va tasdiqlasin.

5. Bank hisob-kredit kolleji Toshkent viloyatining Zangiota tumanidagi 50-maхsus hunar-teхnika bilim yurtining Usmon Yusupov koʻchasi, 1-uydagi binosiga joylashtirilsin. Xalq ta’limi vazirligi (Yoʻldoshev) asosiy fondlarni belgilangan tartibda Markaziy bankka bersin.

Toshkent shahar hokimligi (Toʻlaganov) Xalq ta’limi vazirligi bilan birgalikda 50-maхsus hunar-teхnika bilim yurtini joylashtirish masalasini koʻrib chiqsin.

6. Mazkur qarorning bajarilishini nazorat qilish Bosh vazirning oʻrinbosari B.S. Hamidov va Oʻzbekiston Respublikasi Markaziy banki Boshqaruvining raisi F.M. Mullajonov zimmasiga yuklansin.

Vazirlar Mahkamasining Raisi                                                   I. Karimov