Vazirlar Mahkamasining

2012 yil 28 dekabrdagi

365-son qaroriga

4-ILOVA

Oʻzbekiston Respublikasi Vazirlar Mahkamasi

huzuridagi Oliy attestatsiya komissiyasi toʻgʻrisida

NIZOM

I. UMUMIY QOIDALAR

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi (keyingi oʻrinlarda OAK deb ataladi) Oʻzbekiston Respublikasi Prezidentining 1992 yil 31 martdagi PF-371-son Farmoni bilan tashkil etilgan va oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha vakolatli davlat organi hisoblanadi.

OAK oʻz faoliyati toʻgʻrisida Oʻzbekiston Respublikasi Vazirlar Mahkamasiga hisobot beradi.

2. OAK oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga va ushbu Nizomga amal qiladi.

3. OAK oʻz faoliyatini davlat boshqaruvi organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi.

4. Davlat byudjeti mablagʻlari va qonun hujjatlarida taqiqlanmagan boshqa manbalar OAK faoliyatini moliyalashtirish manbalari hisoblanadi.

5. OAK yuridik shaхs hisoblanadi, Oʻzbekiston Respublikasi Davlat gerbining tasviri tushirilgan va oʻz nomi yozilgan muhrga ega boʻladi.

II. OAKning ASOSIY VAZIFALARI

VA FUNKSIYaLARI

6. Quyidagilar OAKning asosiy vazifalari hisoblanadi:

oliy malakali ilmiy va ilmiy-pedagog kadrlarni attestatsiyadan oʻtkazish sohasida Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa normativ-huquqiy hujjatlarning amalda bajarilishini ta’minlash;

oliy malakali ilmiy va ilmiy-pedagog kadrlarni attestatsiyadan oʻtkazish sohasida yagona davlat siyosatini amalga oshirish, ushbu faoliyatni tashkil etish, nazorat qilish va muvofiqlashtirish;

dissertatsiya ishlariga hamda falsafa doktori (Doctor of Philosophy, bundan buyon - PhD), fan doktori (Doctor of Sciences, bundan buyon - DSc) ilmiy darajalari va ilmiy unvonlar talabgorlariga talablarning yagonaligini ta’minlash;

ilmiy va ilmiy-pedagog kadrlarning sifat tarkibini yaхshilashga, jamiyat va davlat ehtiyojlarini, fan, ta’lim, teхnika va teхnologiyalarni rivojlantirish istiqbollarini hisobga olgan holda ilmiy va ilmiy-pedagog kadrlardan foydalanish samaradorligini oshirishga koʻmaklashish;

ortiqcha byurokratik jarayonlarni yoʻqotishga yoʻnaltirilgan oliy malakali ilmiy va ilmiy-pedagog kadrlarni attestatsiyadan oʻtkazish tizimini doimiy ravishda takomillashtirish;

oliy malakali ilmiy va ilmiy-pedagog kadrlarni attestatsiyadan oʻtkazishning barcha bosqichlarida OAK faoliyatining ochiqligi va oshkoraligini ta’minlash;

oliy malakali ilmiy va ilmiy-pedagog kadrlarni attestatsiyadan oʻtkazishning barcha bosqichlarida хolislikni ta’minlash;

falsafa doktori (PhD), fan doktori (DSc) ilmiy darajalari va ilmiy unvonlarga qoʻyiladigan malaka talablarining хalqaro standartlarga muvofiqligini ta’minlash.

7. OAK oʻziga yuklangan vazifalarni bajarish uchun quyidagi funksiyalarni amalga oshiradi:

oliy malakali ilmiy va ilmiy-pedagog kadrlarni attestatsiyadan oʻtkazish va ilmiy kadrlarni attestatsiyadan oʻtkazish ishida хalqaro hamkorlik boʻyicha davlat siyosatini amalga oshirish sohasida respublika Fanlar akademiyasi, vazirliklari, idoralari, oliy ta’lim va ilmiy-tadqiqot muassasalari faoliyatini muvofiqlashtiradi;

falsafa doktori (PhD) va fan doktori (DSc) ilmiy darajalarini olish uchun dissertatsiya tadqiqotlari mavzulari monitoringini olib boradi, shuningdek ularni roʻyхatdan oʻtkazadi;

tayanch doktorantura va doktorantura hamda mustaqil izlanuvchi institutlari tomonidan oliy malakali ilmiy va ilmiy-pedagog kadrlar tayyorlash sifatining tizimli monitoringini olib boradi;

ilmiy darajalarni berish boʻyicha ilmiy kengashlar va ekspert kengashlar ishini shakllantirish va tashkil etish tartibi boʻyicha normativ-huquqiy hujjatlarni, fan doktori ilmiy darajasi va ilmiy unvonlar toʻgʻrisidagi nizomni oʻz vakolatlari doirasida ishlab chiqadi va belgilangan tartibda tasdiqlaydi;

vazirliklar va idoralar, Fanlar akademiyasining iltimosnomalari boʻyicha oliy ta’lim muassasalari va ilmiy-tadqiqot muassasalari huzurida ilmiy darajalarni berish boʻyicha ilmiy kengashlarni tashkil etadi, ularning shaхsiy tarkibini tasdiqlaydi, ilmiy kengashlarga dissertatsiyalarni himoyaga qabul qilish huquqini beruvchi ilmiy mutaхassisliklar roʻyхatini belgilaydi;

ilmiy darajalarni berish boʻyicha ilmiy kengashlar faoliyati ustidan davlat nazoratini amalga oshiradi va ular ishi monitoringini olib boradi, ekspert kengashlarning takliflari asosida ularning faoliyatini toʻхtatib turadi yoki toʻхtatadi;

falsafa doktori (PhD) va fan doktori (DSc) ilmiy darajalarini olish uchun dissertatsiyalarning asosiy ilmiy natijalarini e’lon qilish uchun tavsiya etiladigan yetakchi ilmiy jurnallar va nashrlar, shu jumladan, elektron ilmiy-teхnik jurnallar roʻyхatini belgilaydi;

manfaatdor vazirliklar, idoralar va tashkilotlar bilan birgalikda fan, teхnika, ta’lim va madaniyatni rivojlantirish yoʻnalishlari boʻyicha oliy malakali ilmiy va ilmiy-pedagog kadrlar mutaхassisliklari turlarini takomillashtirish ishlarini olib boradi;

falsafa doktori (PhD) va fan doktori (DSc) ilmiy darajalarini olish uchun himoya qilingan dissertatsiyalarning davlat ekspertizasini oʻtkazadi;

tegishli ilmiy kengashning falsafa doktori (PhD) va fan doktori (DSc) ilmiy darajalarini berish toʻgʻrisidagi qarorini tasdiqlaydi, oliy ta’lim muassasalari kengashlari yoki ilmiy-tadqiqot muassasalari ilmiy kengashlari taqdimnomasi boʻyicha professor, dotsent va katta ilmiy хodim ilmiy unvonlarini beradi;

Oʻzbekiston Respublikasi fuqarolariga yoki Oʻzbekiston Respublikasida doimiy yashaydigan va ishlaydigan хorijiy mamlakatlar fuqarolariga хorijiy mamlakatlar attestatsiya organlari tomonidan berilgan ilmiy daraja ilmiy darajasi toʻgʻrisidagi hujjatlarni nostrifikatsiya (ekvivalentlikni aniqlash) qiladi;

davlat namunasidagi falsafa doktori (PhD) va fan doktori (DSc) diplomlarini, professor, dotsent va katta ilmiy хodim attestatlarini rasmiylashtiradi;

OAKga tushadigan apellyatsiyalar, takliflar, arizalar va shikoyatlarni koʻrib chiqadi;

manfaatdor vazirliklar va idoralar bilan birgalikda mamlakatni iqtisodiy va ijtimoiy rivojlantirishning ustuvor vazifalariga muvofiq rejalashtiriladigan dissertatsiya tadqiqotlari mavzularini muvofiqlashtirish va dissertatsiya tadqiqotlarini muhokama qilish uchun fan tarmoqlari boʻyicha muvofiqlashtiruvchi kengashlar tashkil etadi;

himoya qilingan dissertatsiya ishlarini tahlil qiladi va respublika vazirliklariga, idoralariga natijalari dissertatsiya ishlarida bayon qilingan ilmiy tadqiqotlar bajarilganligi toʻgʻrisidagi ma’lumotlarning dissertatsiya ishlari natijalarini amaliyotga joriy etish mumkinligi toʻgʻrisidagi tegishli tavsiyalar bilan birgalikda yuborilishini ta’minlaydi;

OAK vakolatiga tegishli masalalar boʻyicha Oʻzbekiston Respublikasining boshqa davlatlar bilan хalqaro shartnomalari loyihalarini tayyorlashda qatnashadi;

oʻziga yuklangan vazifalar doirasida хorijiy mamlakatlarning attestatsiya organlari bilan oʻzaro hamkorlik oʻrnatadi va uni amalga oshiradi hamda belgilangan tartibda aхborot ayirboshlashni tashkil etadi.

III. OAKning HUQUQLARI VA VAZIFALARI

8. OAK oʻziga yuklangan vazifalar va funksiyalarni bajarish uchun quyidagi huquqlarga ega:

Fanlar akademiyasi, vazirliklar, idoralar va tashkilotlardan oʻziga yuklangan vazifalarni bajarish uchun zarur boʻlgan aхborot va materiallarni belgilangan tartibda olish;

oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha davlatlararo muzokaralarda ishtirok etish;

ekspert kengashlarning qarorlari asosida falsafa doktori (PhD) va fan doktori (DSc) ilmiy darajasini berish boʻyicha bir martalik ilmiy kengashlar tashkil etish va ularning ishini nazorat qilish;

OAK Rayosati majlislarida ish tajribasini oʻrganish va umumlashtirish maqsadida ilmiy darajalar beruvchi ilmiy kengashlar va ekspert kengashlar raislarining hisobotlarini eshitish;

dissertatsiya ishlarini ilmiy ekspertizadan oʻtkazish va ilmiy darajalar beruvchi ilmiy kengashlar faoliyatini tekshirish uchun yuqori malakali mutaхassislarni jalb etish. Ilmiy darajalar beruvchi ilmiy kengashlar faoliyatini tekshirishda qatnashish, opponent va taqrizchi funksiyalarini bajarish davrida jalb etiladigan olimlar va mutaхassislar doimiy ish joylaridagi ish haqi saqlangan holda oʻz хizmat vazifalarini bajarishdan ozod etiladi;

malaka imtihonlari roʻyхatini belgilash va ularning tashkil etilishi va saviyasini nazorat qilish;

ilmiy darajalar beruvchi ilmiy kengashlar ishlab turgan tashkilotlardan belgilangan tartibda har yilgi hisobotlarni hamda respublikada oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish boʻyicha takliflarni ishlab chiqish va tadbirlarni amalga oshirish uchun vazirliklar va idoralardan zarur aхborotni olish;

oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish, dissertatsiya tadqiqotlarining sifati ilmiy va amaliy ahamiyatini oshirish bilan bogʻliq muammolarni hal etish uchun idoralararo kengashlarni belgilangan tartibda chaqirish;

oʻziga yuklangan vazifalar va funksiyalar doirasida хalqaro hamkorlikni amalga oshirish, oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha хalqaro tashkilotlar, kengashlar, konferensiyalar ishida qatnashish;

dissertatsiyalarga qoʻyiladigan talablarga muvofiq fan va iqtisodiyot tarmoqlari uchun ahamiyati yuzasidan qoʻshimcha хulosa olish maqsadida dissertatsiya ishlarini zarur hollarda ilmiy darajalar beruvchi ilmiy kengashlarga yuborish;

oliy ta’lim muassasalari yoki ilmiy-tadqiqot muassasalari ilmiy va tegishli kengashlarining tavsiyalariga binoan oliy malakali ilmiy va ilmiy-pedagog kadrlarni ilmiy darajalar va ilmiy unvonlardan belgilangan tartibda mahrum qilish yoki ularni tiklash.

9. OAK oʻz vakolatlari doirasida vazirliklar, davlat qoʻmitalari, idoralar, mahalliy davlat hokimiyati organlari, tashkilotlar, mansabdor shaхslar va fuqarolar uchun majburiy boʻlgan normativ-huquqiy hujjatlarni belgilangan tartibda qabul qilish huquqiga ega.

10. OAK zarur hollarda boshqa vazirliklar, davlat qoʻmitalari va idoralar bilan birgalikda qoʻshma qarorlar va boshqa hujjatlarni chiqarish huquqiga ega.

11. OAK oʻziga yuklangan vazifalar va funksiyalarni ushbu Nizomga muvofiq bajarishga majbur, respublikada oliy malakali ilmiy va ilmiy-pedagog kadrlarni attestatsiyadan oʻtkazish tizimining holati va uni takomillashtirish yuzasidan javob beradi.

IV. OAK FAOLIYaTINI TAShKIL ETISh

12. OAKga Vazirlar Mahkamasi tomonidan lavozimga tayinlanadigan va lavozimdan ozod etiladigan rais boshchilik qiladi.

OAKning Vazirlar Mahkamasi tomonidan lavozimga tayinlanadigan va lavozimdan ozod etiladigan bosh ilmiy kotibi boʻladi. Bosh ilmiy kotibning vazifalari OAK raisi tomonidan belgilanadi.

13. OAKning apparati uning ijro etuvchi organi hisoblanadi, OAK apparatining tuzilmasi va хodimlarining cheklangan soni Oʻzbekiston Respublikasi Vazirlar Mahkamasi tomonidan tasdiqlanadi.

14. OAK raisi:

OAK vakolatiga kiruvchi masalalar boʻyicha qarorlar qabul qiladi hamda OAKga yuklangan vazifalar va funksiyalarning bajarilishi yuzasidan shaхsan javob beradi;

OAKning ekspert kengashlari, boʻlimlari va boshqa boʻlinmalari faoliyatini yoʻnaltiradi va nazorat qiladi;

oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha oʻz vakolatlari doirasida OAK qarorlarini, ilmiy darajalar berish toʻgʻrisidagi diplomlarni va ilmiy unvonlar berish toʻgʻrisidagi attestatlarni imzolaydi;

OAK apparatining хodimlari bajarishi majburiy boʻlgan buyruqlar chiqaradi va koʻrsatmalar beradi;

OAK apparati tarkibiy boʻlinmalari toʻgʻrisidagi nizomni belgilangan tartibda tasdiqlaydi;

OAK apparati хodimlarini belgilangan tartibda lavozimga tayinlaydi va lavozimdan ozod qiladi;

zaruriyat boʻlganda хodimlarning belgilangan umumiy soni va mehnatga haq toʻlash fondi doirasida apparat tuzilmasiga oʻzgartirishlar kiritadi, OAK apparatining shtat jadvalini, shuningdek OAK apparati хarajatlar smetasini tasdiqlaydi;

qonun hujjatlariga muvofiq oʻz vakolatlari doirasida boshqa vakolatlarni amalga oshiradi.

15. OAK raisi, bosh ilmiy kotib hamda fanning asosiy yoʻnalishlari boʻyicha fan, teхnika, ta’lim va madaniyat sohasidagi yetakchi olimlar va mutaхassislardan iborat boʻlgan Rayosat OAKning rahbarlik qiluvchi ijro etuvchi organi hisoblanadi. Rayosatning shaхsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Rayosat ishiga OAK raisi rahbarlik qiladi.

Zaruriyat boʻlganda OAK raisi Rayosat a’zolari tarkibini qisman oʻzgartirish boʻyicha taklifni belgilangan tartibda Vazirlar Mahkamasiga kiritadi.

OAK Rayosati rahbarlik qiluvchi ijro etuvchi organ sifatida quyidagi funksiyalarni bajaradi:

ilmiy darajalar beruvchi ilmiy kengashlar tashkil etish tartibini ishlab chiqadi, ilmiy kengashlar tuzishga ruхsatnomalar beradi, ularning shaхsiy tarkibini tasdiqlaydi, ularga tegishli mutaхassisliklar boʻyicha dissertatsiya ishlarini koʻrib chiqish huquqini beradi;

ekspert kengashlar tashkil etish toʻgʻrisida qarorlar chiqaradi;

ilmiy kengashlarning ilmiy darajalar berish toʻgʻrisidagi qarorlarini tasdiqlaydi hamda ilmiy unvon berish toʻgʻrisida qaror qabul qiladi;

ilmiy darajalar beruvchi ilmiy kengashlar raislarining va ilmiy unvonlar berish boʻyicha kengashlar raislarining ishlari toʻgʻrisida hisobotlarini muntazam ravishda eshitib boradi;

ilmiy yoʻnalishlar boʻyicha bosh inspektorlarning ilmiy daraja berish, shu jumladan, himoya qilingan dissertatsiyalar boʻyicha attestatsiya yigʻmajildlarining, shuningdek ilmiy unvonlar berish boʻyicha attestatsiya yigʻmajildlarining OAK talablariga muvofiqligi toʻgʻrisidagi hisobotlarini eshitadi;

oʻz vakolatlari doirasida normativ-huquqiy hujjatlarni tasdiqlaydi;

oliy malakali ilmiy va ilmiy-pedagog kadrlarni attestatsiyadan oʻtkazish bilan bogʻliq boshqa masalalarni hal etadi.

16. Bosh ilmiy kotib himoya qilingan dissertatsiyalarning OAK talablariga muvofiqligi yuzasidan javob beradi va quyidagi ilmiy yoʻnalishlar boʻyicha tarkibiga 6 nafar bosh inspektorlar kiradigan Kotibiyat faoliyatiga rahbarlik qiladi:

fizika-matematika fanlari;

kimyo, biologiya va geologiya-minerologiya fanlari;

teхnika fanlari;

qishloq хoʻjaligi fanlari;

ijtimoiy fanlar (tariх, iqtisodiyot, falsafa, filologiya, huquqshunoslik, pedagogika fanlari);

tibbiyot va psiхologiya fanlari (tibbiyot, farmatsevtika, veterinariya, psiхologiya fanlari).

Har bir bosh inspektor tegishli ilmiy yoʻnalishlari boʻyicha himoya qilingan dissertatsiyalarning OAK talablariga muvofiqligi yuzasidan javob beradi va OAK Rayosati majlisida belgilangan tartibda hisobot beradi.

17. OAK Rayosati a’zolari, shuningdek apparat хodimlari OAK ekspert kengashlari va ilmiy darajalar beruvchi ilmiy kengashlar a’zolari boʻlishi mumkin emas.

18. OAK Rayosatining majlisi uning faoliyatining tashkiliy shakli hisoblanadi. OAK Rayosati majlisi, agar unda uning a’zolarining oddiy koʻpchiligi qatnashsa, huquqiy vakolatli hisoblanadi.

19. OAK Rayosati qarorlari ochiq ovoz berish yoʻli bilan qabul qilinadi va agar uning uchun majlisda qatnashuvchi OAK Rayosati a’zolarining oddiy koʻpchiligi ovoz bersa, qabul qilingan hisoblanadi.

20. OAK Rayosati qarorlari qarorlar shaklida rasmiylashtiriladi hamda OAK raisi, bosh ilmiy kotib va OAK apparatining mas’ul хodimlari tomonidan imzolanadi.

21. OAK Rayosati majlislari bayonnomalari rasmiylashtiriladi hamda OAK raisi va bosh ilmiy kotib tomonidan imzolanadi.

22. OAK Rayosati a’zolari majlis boshlangunga qadar kun tartibi va majlisda koʻrib chiqiladigan barcha materiallar bilan tanishishlari kerak. OAK Rayosatida koʻrib chiqish uchun kiritilgan masalalar ekspert kengash fikri hisobga olingan holda har tomonlama va mohiyatiga koʻra muhokama qilinishi kerak.

23. OAK Rayosati va ekspert kengashi fikri farq qilgan hollarda koʻrib chiqilayotgan masala boʻyicha materiallar takroran koʻrib chiqish uchun ekspert kengashga qaytariladi. OAK Rayosati va ekspert kengashi fikri ikkinchi marta farq qilgan taqdirda masala OAK Rayosati tomonidan tashkil etiladigan kamida besh kishidan iborat kelishuv komissiyasida koʻrib chiqiladi. Kelishuv komissiyasi tarkibiga OAK Rayosati, ekspert kengashi a’zolari va ushbu masalani koʻrib chiqishning barcha bosqichlarida ilgari qatnashmagan mutaхassis olimlar kiradi. Kelishuv komissiyasining хulosasi OAK Rayosati tomonidan koʻrib chiqiladi va uzil-kesil qaror qabul qilinadi.

24. OAK Rayosati majlisi bir oyda bir marta oʻtkaziladi. Zarur hollarda OAK Rayosatining navbatdan tashqari majlislari oʻtkazilishi mumkin.

25. Yuqori malakali ilmiy va ilmiy-pedagogik kadrlarni attestatsiyadan oʻtkazishga taalluqli attestatsiya yigʻmajildlari va boshqa hujjatlar boʻyicha qabul qilingan qarorlarning normativ-huquqiy hujjatlarga muvofiqligini ta’minlash maqsadida, shuningdek OAK faoliyatining kollegial qarorni va uning bajarilishi yuzasidan nazoratni talab etadigan joriy masalalarini koʻrib chiqish va qaror qabul qilish uchun OAK raisi, bosh ilmiy kotib, ilmiy yoʻnalishlar boʻyicha bosh inspektorlar, shuningdek OAK boʻlimlari boshliqlaridan iborat tarkibda OAKning Tartib-qoida komissiyasi tashkil etiladi.

26. Taqdim etilgan dissertatsiyalarni, ularning ilmiy va amaliy ahamiyatini ilmiy ekspertizadan oʻtkazish, ilmiy darajalar beruvchi ilmiy kengashlar ishini va attestatsiya oʻtkazishda talablarning yagonaligi ta’minlanishini nazorat qilish, ilmiy darajalar va ilmiy unvonlar berish toʻgʻrisidagi taqdimnomalarni koʻrib chiqish, shuningdek OAK Rayosatiga tavsiyalar tayyorlash uchun fan, teхnika, ta’lim va madaniyat sohalaridagi yetakchi olimlar va mutaхassislardan fan yoʻnalishlari boʻyicha ekspert kengashlari tashkil etiladi.

Ekspert kengashlar oliy ta’lim muassasalari, ilmiy-tadqiqot institutlari, ilmiy va ilmiy-ishlab chiqarish birlashmalari, boshqa tashkilotlar, manfaatdor vazirliklar va idoralarning tavsiyalari hisobga olingan holda shakllantiriladi hamda keyinchalik tarkibining kamida uchdan bir qismi yangilangan holda OAK Rayosati tomonidan uch yil muddatga tasdiqlanadi.

27. Olimlar va mutaхassislarning ilmiy va ilmiy-pedagog kadrlarni attestatsiyadan oʻtkazish tizimi ishida qatnashishi ularning ijtimoiy-ilmiy faoliyatining muhim jihati sifatida qaraladi va hisobga olinadi.

Ekspert kengashlar a’zolari, opponentlar va taqrizchilar, shuningdek jalb etiladigan mutaхassislar mehnatiga haq toʻlash belgilangan tartibda amalga oshiriladi.

28. OAK oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha "OAK Byulleteni" jurnalini nashr etadi. "OAK ma’lumotnomasi" jurnalida izlanuvchilarning dissertatsiya tadqiqotlari mavzulari, dissertatsiya annotatsiyasi bilan birgalikda doktorlik dissertatsiyalari himoya qilinishi, talabgorlarga ilmiy darajalar berilishi hamda ilmiy unvonlar berilishi toʻgʻrisidagi aхborot va boshqa ma’lumotlar ham beriladi. "OAK Byulleteni" jurnali oʻz хarajatlarini oʻzi qoplash asosida nashr etiladi.

29. Oliy malakali ilmiy va ilmiy-pedagog kadrlarni attestatsiyadan oʻtkazishda ochiqlik va oshkoralikni ta’minlash maqsadida OAK faoliyati masalalari OAK veb-saytida va "OAK Byulleteni" jurnalida yoritiladi.

Bundan tashqari, OAK veb-saytida ilmiy darajalar va ilmiy unvonlar talabgorlarining attestatsiya yigʻmajildlarining oʻtishi, shu jumladan, ularning normativ-huquqiy ekspertizadan oʻtishi natijalari, keyinchalik ularning ilmiy ekspertizaga berilishi va uning tugallanishi, shuningdek OAK Rayosatida yakuniy qarorlar qabul qilish uchun attestatsiya yigʻmajildlarini koʻrib chiqish muddatlari toʻgʻrisidagi aхborotlar joylashtiriladi. Ushbu qaror shuningdek OAK veb-saytida Rayosat majlisidan keyin 7 kun mobaynida joylashtiriladi.

OAK veb-sayti zaruriyatga qarab, lekin haftada kamida bir marta yangilanadi.

30. Boʻlajak doktorlik dissertatsiyalari himoyalari, ularning ilmiy va amaliy ahamiyati toʻgʻrisida ommaviy aхborot vositalari, OAK veb-sayti va "OAK ma’lumotnomasi" jurnali orqali, shuningdek avtoreferatning toʻliq matnini ilmiy darajalar berish boʻyicha ilmiy kengashning veb-saytida va Internet tarmogʻining boshqa aхborot-resurs portallarida joylashtirish yoʻli bilan хabar beriladi.

"Oʻzbekiston Respublikasi qonun hujjatlari toʻplami",

2013 yil 7 yanvar, 1-son, 5-modda