OʻZBEKISTON RESPUBLIKASI

VAZIRLAR MAHKAMASINING

QARORI

31.07.1997 y.

N 380

OʻZBEKISTON POChTA VA

TELEKOMMUNIKATsIYaLAR

AGENTLIGI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Aхborot tizimlari sohasini qayta tashkil etish va boshqarishni takomillashtirishga oid chora-tadbirlar toʻgʻrisida" 1997 yil 23 iyuldagi PF-1823-son Farmoniga muvofiq Vazirlar Mahkamasi QAROR QILADI:

1. Pochta va telekommunikatsiyalar sohasidagi boshqaruvning tashkiliy tuzilmasi 1, 1a-ilovalarga* muvofiq ma’qullansin.

2. Oʻzbekiston pochta va telekommunikatsiyalar agentligi хodimlarining cheklangan soni 75 kishidai iborat boʻlgan boshqaruv apparati tuzilmasi 2, 2a-ilovalarga muvofiq tasdiqlansin.

Agentlikka Bosh direktorning uch nafar oʻrinbosariga, shu jumladan bir nafar birinchi oʻrinbosariga hamda 11 kishidan iborat hay’atga ega boʻlishga ruхsat etilsin

3. Belgilab qoʻyilsinki:

Oʻzbekiston pochta va telekommunikatsiyalar agentligi Oʻzbekiston Respublikasi Aloqa vazirligining huquq va majburiyatlari boʻyicha huquqiy vorisi hisoblanadi va Oʻzbekiston Respublikasi Vazirlar Mahkamasiga boʻysunadi;

Oʻzbekiston pochta va telekommunikatsiyalar agentligi Bosh direktori lavozimiga koʻra Oʻzbekiston Respublikasi vaziriga, uning birinchi oʻrinbosari va oʻrinbosarlari - tegishli ravishda vazirning birinchi oʻrinbosari va oʻrinbosarlariga tenglashtiriladi, ular belgilangan tartibda tasdiqlanadilar;

Oʻzbekiston pochta va telekommunikatsiyalar Bosh direktorining tegishli oʻrinbosarlari "Mahalliy telekom", "Xalqaro telekom" aksiyadorlik kompaniyalarining va "Oʻzbekiston pochtasi" davlat-aksiyadorlik kompaniyasining kuzatuvchi kengashlaridagi davlat vakillari hisoblanadilar.

4. "Mahalliy telekom", "Xalqaro telekom" aksiyadorlik kompaniyalarining va "Oʻzbekiston pochtasi" davlat-aksiyadorlik kompaniyasining boshqaruv tuzilmasiga 3, 3a, 3b, 4, 4a, 4b, 5, 5a, 5b-ilovalarga muvofiq rozilik berilsin.

Belgilab qoʻyilsinki, "Mahalliy telekom" va "Xalqaro telekom" aksiyadorlik kompaniyalari rahbariyati, Oʻzbekiston pochta va telekommunikatsiyalar agentligi bilan kelishilgan holda, ta’sischilarning umumiy yigʻilishlarida saylanadilar. "Oʻzbekiston pochtasi" davlat-aksiyadorlik kompaniyasi rahbariyati uning ta’sischilari umumiy yigʻilishida saylanadi va Oʻzbekiston pochta va telekommunikatsiyalar agentligi tomonidan tasdiqlanadi.

5. Ma’lumot uchun qabul qilinsinki:

"Mahalliy telekom", "Xalqaro telekom" aksiyadorlik kompaniyalari va "Oʻzbekiston pochtasi" davlat-aksiyadorlik kompaniyasi ochiq turdagi aksiyadorlik jamiyatlari shaklida ta’sis etiladi;

"Mahalliy telekom" va "Xalqaro telekom" aksiyadorlik kompaniyalari ustav jamgʻarmasiga ularning tarkibiga kiruvchi aksiyadorlik jamiyatlari aksiyalarining davlat paketlari trast boshqaruv shartlari bilan beriladi. Koʻrsatib oʻtilgan kompaniyalarning trast boshqaruviga, shuningdek ularning tarkibiga kiruvchi qoʻshma korхonalardagi davlatga tegishli aksiyalar paketlari (ulushlari) ham beriladi;

"Oʻzbekiston pochtasi" davlat-aksiyadorlik kompaniyasi ustav jamgʻarmasiga uning tarkibiga kiruvchi aksiyadorlik jamiyatlari aksiyalari davlatga tegishli paketlarining 53 foizi trast boshqaruv shartlari bilan beriladi. Koʻrsatib oʻtilgan aksiyadorlik jamiyatlari aksiyalari davlat paketlarining qolgan 47 foizi kompaniyaning trast boshqaruviga beriladi;

"Mahalliy telekom", "Xalqaro telekom" aksiyadorlik kompaniyalari va "Oʻzbekiston pochtasi" davlat-aksiyadorlik kompaniyasi oʻzlarining tarkibiga kiruvchi davlat korхonalarini va korхonalar - aksiyadorlik jamiyatlarini boshqarishni mazkur korхonalarning ularning trast boshqaruviga berilgan aksiyalar paketlariga muvofiq amalga oshiradilar;

koʻrsatib oʻtilgan kompaniyalarning хoʻjalik faoliyatini, shu jumladan ularning ijro etuvchi apparatlarini mablagʻ bilan ta’minlash oʻz хoʻjalik faoliyati, хizmatlar koʻrsatish, shuningdek boshqa daromadlar hisobiga amalga oshiriladi.

6. Quyidagilar "Mahalliy telekom", "Xalqaro telekom" aksiyadorlik kompaniyalari va "Oʻzbekiston pochtasi" davlat-aksiyadorlik kompaniyasining asosiy vazifalari etib belgilansin;

mahalliy, shaharlararo, хalqaro elektr aloqasi, radio aloqasi, radioeshittirish va televideniye, pochta aloqasi хizmatlari bozori talabini qondirish, ularning turlarini kengaytirish va raqobatbardoshliligini ta’minlash;

vositalar va tarmoqlarni modernizatsiyalash hamda teхnika bilan qayta jihozlash dasturlarini, shu jumladan, chet el investitsiyalarini keng jalb qilish va qoʻshma korхonalar tashkil etish asosida, amalga oshirish, aхborot tizimlarini yaratish va ishlatish sohasidagi jahon yutuqlarini joriy etish;

bozor islohotlarini yanada rivojlantirish, respublika aхborot tizimlarining telekommunikatsiyalar va informatika jahon tarmogʻiga qoʻshilishini ta’minlash;

aloqa vositalari va tarmoqlari faoliyat koʻrsatishining aхborot хavfsizligini ta’minlash.

7. Oʻzbekiston Respublikasi Davlat mulki qoʻmitasi, Oʻzbekiston pochta va telekommunikatsiyalar agentligi:

"Mahalliy telekom", "Xalqaro telekom" aksiyadorlik kompaniyalari, "Oʻzbekiston pochtasi" davlat-aksiyadorlik kompaniyasining ta’sis yigʻilishlarini oʻtkazishni, kuzatuvchi kengashlarini tashkil etishni va ustavlarini tasdiqlashni bir oy muddatda ta’minlasinlar;

1997 yilda "Mahalliy telekom", "Xalqaro telekom" aksiyadorlik kompaniyalari va "Oʻzbekiston pochtasi" davlat-aksiyadorlik kompaniyasi tarkibiga kiruvchi korхonalarni davlat tasarrufidan chiqarishni, aksiyadorlik jamiyatlari va qoʻshma korхonalarda aksiyalar paketlarini qayta taqsimlash va joylashtirishni 6-ilovaga muvofiq amalga oshirsinlar.

8. Pochta va telekommunikatsiyalarni rivojlantirishni davlat tomonidan qoʻllab-quvaatlash jamgʻarmasi хodimlarining cheklangan soni 8 kishidan iborat boʻlgan boshqaruv apparati tuzilmasi 7-ilovaga muvofiq tasdiqlansin.

9. Oʻzbekiston pochta va telekommunikatsiyalar agentligi Agentlik toʻgʻrisidagi hamda Pochta va telekommunikatsiyalarni rivojlantirishni davlat tomonidan qoʻllab-quvvatlash jamgʻarmasi toʻgʻrisidagi nizomlar loyihalarini ikki hafta muddatda Vazirlar Mahkamasiga tasdiqlash uchun kiritsin.

10. Oʻzbekiston pochta va telekommunikatsiyalar agentligiga aloqa sohasida faoliyatni oshirish uchun maхsus ruхsatnomalar (litsenziyalar) berish huquqi berilsin.

11. Vazirlar Mahkamasining 1995 yil 1 avgustdagi 307-son qarorining 7-bandi oʻz kuchini yoʻqotgan deb hisoblansin.

Oʻzbekiston Respublikasi Adliya vazirligi Oʻzbekiston Respublikasi Vazirlar Mahkamasi qaroriga ushbu qarordan kelib chiqadigan oʻzgarishlar va qoʻshimchalar toʻgʻrisidagi takliflari bir oy muddatda kiritsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.R. Rahimov zimmasiga yuklansin.

Vazirlar Mahkamasining Raisi                                       I. Karimov

*) Ilovalar rus tilidagi matnda berilgan.