Oʻzbekiston Respublikasi Vazirlar Mahkamasining 05.01.2011 y. 5-son “Davlat sud-ekspertiza muassasasi yoki boshqa korхona, muassasa, tashkilot tomonidan sud ekspertizasini oʻtkazish tartibi toʻgʻrisidagi Namunaviy nizomni tasdiqlash haqida”gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.01.2011 y.
N 5
DAVLAT SUD-EKSPERTIZA MUASSASASI
YoKI BOShQA KORXONA, MUASSASA, TAShKILOT
TOMONIDAN SUD EKSPERTIZASINI OʻTKAZISh
TARTIBI TOʻGʻRISIDAGI NAMUNAVIY
NIZOMNI TASDIQLASh HAQIDA
"Sud ekspertizasi toʻgʻrisida"gi Oʻzbekiston Respublikasi Qonunining 32-moddasini bajarish yuzasidan Vazirlar Mahkamasi QAROR QILADI:
1. Davlat sud-ekspertiza muassasasi yoki boshqa korхona, muassasa, tashkilot tomonidan sud ekspertizasini oʻtkazish tartibi toʻgʻrisidagi Namunaviy nizom ilovaga muvofiq tasdiqlansin.
2. Davlat sud-ekspertiza muassasalariga ega boʻlgan vazirliklar, davlat qoʻmitalari va idoralar bir oy muddatda:
sud ekspertizasini oʻtkazish tartibi toʻgʻrisida yoʻriqnomani ishlab chiqsinlar va tasdiqlasinlar;
idoraviy normativ-huquqiy hujjatlarni ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami", 2011 yil, 1-2-son, 7-modda.
"Oʻzbekiston Respublikasi Hukumatining qarorlari toʻplami", 2011 yil, 1-son, 2-modda