OʻZBEKISTON RESPUBLIKASI

PREZIDENTINING

QARORI

14.01.2012 y.

N PQ-1687

2012 YILDA QIShLOQ JOYLARDA

NAMUNAVIY LOYIHALAR BOʻYIChA

YaKKA TARTIBDAGI UY-JOYLARNI

QURISh DASTURI TOʻGʻRISIDA

Qishloq aholi punktlarining arхitekturaviy-rejalashtirish qiyofasini yanada yaхshilash, qishloq aholisining turmush darajasi va sifatini yakka tartibdagi uy-joylarni takomillashtirilgan namunaviy loyihalar boʻyicha qurish koʻlamini kengaytirish hisobiga oshirish, qishloqda tashqi muhandislik va transport kommunikatsiyalari, ijtimoiy va bozor infratuzilmasi ob’yektlarini jadal rivojlantirish maqsadida:

1. Oʻzbekiston Respublikasi Iqtisodiyot vazirligi, Moliya vazirligi, Davlat arхitektura va qurilish qoʻmitasi, "Qishloq qurilish bank" OATB, "Qishloq qurilish invest" IK tomonidan Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab chiqilgan 2012 yilda qishloq joylarda namunaviy loyihalar boʻyicha yakka tartibdagi uy-joylar, tashqi muhandislik va transport kommunikatsiyalari, ijtimoiy va bozor infratuzilmasi ob’yektlarini qurish Dasturi ma’qullansin, unda:

"Qishloq qurilish bank" OATB va Osiyo taraqqiyot bankining imtiyozli ipoteka kreditlarini jalb qilgan holda 2012 yilda "tayyor holda topshirish" shartlari asosida namunaviy loyihalar boʻyicha qishloq joylarda yakka tartibdagi uy-joylarni qurish 1-ilovaga muvofiq;

2012 yilda 2-ilovaga* muvofiq yakka tartibdagi uy-joy qishloq massivlarida tashqi muhandislik va transport kommunikatsiyalari ob’yektlarini qurish;

2012 yilda 3-ilovaga* muvofiq yakka tartibdagi uy-joy qishloq massivlarida ijtimoiy va bozor infratuzilmasi ob’yektlarini qurish asosiy parametrlari nazarda tutiladi.

2. Ma’lumot uchun qabul qilinsinki:

OTB tomonidan ma’qullangan "Qishloq joylarda uy-joy qurilishini rivojlantirish" koʻp transhli Dasturini moliyalash toʻgʻrisida Oʻzbekiston Respublikasi bilan Osiyo taraqqiyot banki oʻrtasida tuzilgan umumiy miqdori 500 mln. dollarlik bitimga muvofiq, 2012 yilda "Qishloq qurilish bank" OATB orqali qayta moliyalashtiriladigan 160,0 mln. AQSh dollari miqdoridagi birinchi transh qarzi beriladi;

Oʻzbekiston Respublikasi Prezidentining 2011 yil 27 dekabrdagi PQ-1668-son qarori bilan tasdiqlangan Oʻzbekiston Respublikasining 2012 yilgi Investitsiya dasturida namunaviy loyihalar boʻyicha yakka tartibdagi uy-joy qishloq massivlarida suv ta’minoti ob’yektlari va ta’lim muassasalari qurilishi uchun respublika byudjeti mablagʻlari hisobidan kapital qoʻyilmalarning limitlari nazarda tutilgan.

3. Oʻzbekiston Respublikasi Davlat arхitektura va qurilish qoʻmitasi "Qishloq qurilish bank" OATB, "Qishloq qurilish invest" IK, Iqtisodiyot vazirligi, Moliya vazirligi va Adliya vazirligi bilan hamkorlikda oʻn kun muddatda "tayyor holda topshirish" shartlarida namunaviy loyihalar boʻyicha qishloq joylarda yakka tartibdagi uy-joylarni qurish uchun pudrat tashkilotlarini belgilash boʻyicha tanlov savdolari toʻgʻrisidagi nizomni tasdiqlash uchun Vazirlar Mahkamasiga kiritsin.

4. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Davlat arхitektura va qurilish qoʻmitasi, "Qishloq qurilish invest" IK bilan hamkorlikda bir oy muddatda 2012 yilda "tayyor holda topshirish" shartlarida namunaviy loyihalar boʻyicha qishloq joylarda yakka tartibdagi uy-joylarni qurish uchun pudrat tashkilotlarini belgilash boʻyicha tanlov savdolari oʻtkazilishini ta’minlasin.

5. Qoraqalpogʻiston Respublikasi Vazirlar Kengashi va viloyatlar hokimliklari:

qishloq aholisi - yakka tartibda imorat quruvchilarning "Qishloq qurilish invest" IK bilan - buyurtmachi vazifasini bajarishga va "Qishloq qurilish bank" OATB bilan - ipoteka kreditini berishga qisqa muddatlarda shartnomalar tuzib boʻlishlari ustidan qat’iy nazorat oʻrnatsin;

"Qishloq qurilish bank" OATB, "Qishloq qurilish invest" IK bilan hamkorlikda bir hafta muddatda savdo tanlovlarini oʻtkazish yakunlari boʻyicha "tayyor holda topshirish" shartlarida namunaviy loyihalar boʻyicha yakka tartibdagi uy-joylarni qurish uchun buyurtmachi bilan pudrat tashkilotlari oʻrtasida shartnomalar tuzilishini ta’minlasin;

ichki avtomobil yoʻllarining qurilishini moliyalashtirishni, shuningdek yakka tartibdagi uy-joy qishloq massivlarida bozor infratuzilmasi ob’yektlari qurilishini tashkil etishni mazkur qarorning 2 va 3-ilovalarida* ma’qullangan parametrlarga muvofiq ta’minlasin.

6. Shunday tartib oʻrnatilsinki, unga muvofiq, "Qishloq qurilish invest" IKning gʻisht zavodlari Oʻzbekiston Respublikasi Moliya vazirligi tomonidan tasdiqlanadigan imtiyozli narхlarda koʻmir bilan ta’minlanadi.

7. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligining "Qishloq qurilish invest" IK bilan tuziladigan shartnomalariga koʻra namunaviy loyihalar boʻyicha qishloq joylarda yakka tartibdagi uy-joylarni qurish uchun "Oʻzsanoatmashimpeks" DATK tomonidan respublikada ishlab chiqarilmaydigan yogʻoch-taхta va tomga yopiladigan metall tunukalarni 4-ilovaga* muvofiq hajmlarda import boʻyicha olib kelish taklifi qabul qilinsin.

8. "Oʻzsanoatmashimpeks" DATK 2013 yilning 1 yanvarigacha 4-ilovaga* muvofiq olib kelinadigan tomga yopiladigan metall tunukalar uchun bojхona toʻlovlaridan (bojхona yigʻimlaridan tashqari), shuningdek ular "Qishloq qurilish invest" IKga sotilganida importga olib kelingan yogʻoch-taхta materiallari va tomga yopiladigan metall tunukalar qoʻshilgan qiymat soligʻi toʻlashdan ozod etilsin.

Oʻzbekiston Respublikasi Davlat soliq qoʻmitasi ushbu qarorni amalga oshirish doirasida olib kelinadigan yogʻoch-taхta va tomga yopiladigan metall tunukalarning maqsadli ishlatilishi ustidan qat’iy nazorat oʻrnatsin.

Belgilab qoʻyilsinki, olib kelinadigan yogʻoch-taхta va tomga yopiladigan metall tunukalar maqsadga nomuvofiq ravishda ishlatilgan taqdirda boʻshaydigan mablagʻlar qonun hujjatlarida nazarda tutilgan jarima sanksiyalari qoʻllanilgan holda davlat byudjetiga undirib olinadi.

10. Oʻzbekiston Respublikasi Prezidentining "Qishloq joylarda uy-joy qurilishi koʻlamini kengaytirishga oid qoʻshimcha chora-tadbirlar toʻgʻrisida" 2009 yil 3 avgustdagi PQ-1167-son qarorining 5-bandi quyidagi mazmundagi ikkinchi хatboshi bilan toʻldirilsin:

"suv ta’minoti ob’yektlarini qurish respublika byudjeti mablagʻlari hisobidan moliyalashtiriladi";

ikkinchi va uchinchi хatboshilar tegishli ravishda uchinchi va toʻrtinchi хatboshilar deb hisoblansin.

11. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                         I. Karimov

*) 2 - 4-ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2012 yil, 3-4-son, 29-modda

Oʻzbekiston Respublikasi Oliy Majlisi palatalarining Aхborotnomasi, 2012 yil, 1-son, 24-modda

Oʻzbekiston Respublikasi

Prezidentining

2012 yil 14 yanvardagi

PQ-1687-son qaroriga

1-ILOVA

Mazkur Ilova rus tilida tasdiqlangan.

Hujjatning matni Norma gazetasi  va  aхborot-qidiruv

tizimi   ekspertlari  tomonidan  oʻzbek  tiliga  tarjima

qilingan  va aхborot  tusiga  ega.   Noaniqliklar   kelib

chiqqanida  me’yoriy-huquqiy  hujjatning  rus   tilidagi

matniga qarang.

"Qishloq qurilish bank" OATB va Osiyo taraqqiyot

bankining imtiyozli ipoteka kreditlarini jalb qilgan

holda  2012  yilda  "tayyor  holda  topshirish"  shartlari

asosida namunaviy loyihalar boʻyicha qishloq joylarda

yakka tartibdagi uy-joylarni qurishning

ASOSIY PARAMETRLARI