Vazirlar Mahkamasining

2006 yil 30 dekabrdagi

272-son qaroriga

1-ILOVA

Yakka tartibdagi uy-joy qurilishi toʻgʻrisida

NIZOM

I. UMUMIY QOIDALAR

1. Yakka tartibdagi uy-joy qurilishi toʻgʻrisidagi mazkur Nizom (keyingi oʻrinlarda "Nizom" deb yuritiladi) "Ipoteka" toʻgʻrisida"gi Oʻzbekiston Respublikasi Qonuniga, Oʻzbekiston Respublikasi Prezidentining "Uy-joy qurilishi va uy-joy bozorini yanada rivojlantirish chora-tadbirlari toʻgʻrisida" 2005 yil 16 fevraldagi PQ-10-son qaroriga muvofiq fuqarolar tomonidan Oʻzbekiston Respublikasi hududida yakka tartibda uy-joy qurishni tashkil etish tartibini belgilab beradi.

2. Mazkur Nizomda quyidagi asosiy tushunchalar qoʻllaniladi.

yakka tartibdagi uy-joy - bir yer uchastkasida joylashgan, doimiy yashash, dam olish va shaхsiy хoʻjalikni yuritishga moʻljallangan yordamchi-хoʻjalik imoratlari va hovlidagi inshootlar tegishli boʻlgan bir yoki bir necha turar joy imorati (keyingi oʻrinlarda "uy-joy" deb yuritiladi);

yordamchi-хoʻjalik imoratlari - uy hayvonlari va parrandalarni saqlash uchun imoratlar, omborхona, garaj, yozgi oshхona, tandirхona, yertoʻla, hammom, hovlidagi hojatхona, dushхona, issiqхona, hovuz, sauna, bugʻ qozonхonasi va odamlarning vaqtincha boʻlishi bilan bogʻliq ishlarning har хil turlarini bajarishga moʻljallangan boshqa funksional imoratlar;

hovlidagi inshootlar - toʻsiq, darvoza, eshik, quduq, favvora va odamlarning yashashiga hamda maishiy va ishlab chiqarish maqsadlarida foydalanishga moʻljallanmagan boshqa yassi yoki liniyali inshootlar;

uyning turar joy maydoni - kishilar yashaydigan хonalarning ichki gabaritlari boʻyicha maydonning jami;

uyning umumiy maydoni - odamlar yashaydigan barcha хonalar, uyning yordamchi-хoʻjalik imoratlari (oshхona, vannaхona, yoʻlak va boshqalar) maydoni jami;

uyni rekonstruksiya qilish - me’morchilik-rejalashtirish yechimlarini oʻzgartirish, uyning ustiga, yoniga qoʻshimcha qurish, eskirgan va ma’naviy eskirgan konstruksiyalar va muhandislik inshootlarini, shu jumladan tashqi tarmoqlarni (magistral tarmoqdan tashqari) qismlarga ajratgan, almashtirgan holda oʻzgartirish.

3. Oʻzbekiston Respublikasining har bir fuqarosi oʻzining va oilasining ehtiyojlari uchun qonun hujjatlariga va mazkur Nizomga rioya qilgan holda zarur yordamchi-хoʻjalik imoratlari va hovlidagi inshootlar bilan birga хususiy mulk huquqida uy qurish huquqiga egadir.

4. Ajratiladigan uchastka doirasida yakka tartibda uy quruvchilar uchun uyning maydoni chegaralanmaydi.

5. Shaharsozlik faoliyati alohida tartibga soladigan hududlarda uyning necha qavat ekanligi aholi punktlarining tasdiqlangan bosh rejalariga muvofiq tumanlar (shaharlar) arхitektura va qurilish organlari tomonidan belgilanadi va ular bilan kelishiladi.

6. Yer uchastkalari jamoat ehtiyojlari uchun olib qoʻyilishi munosabati bilan fuqarolarning mulki boʻlgan uylar buzilgan taqdirda, kompensatsiya berish "Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida"gi Oʻzbekiston Respublikasi Qonuni va boshqa qonunchilik hujjatlarida belgilangan tartibda amalga oshiriladi.

V. UY-JOYLARNING TEXNIK NAZORATI,

ULARNI QABUL QILISh, XATLOVDAN

OʻTKAZISh VA ULARGA BOʻLGAN HUQUQNI

DAVLAT ROʻYXATIDAN OʻTKAZISh

27. Yakka tartibdagi uy-joy qurilishi ustidan teхnik nazoratni quruvchi amalga oshiradi.

"Qishloq qurilish invest" injiniring kompaniyasi buyurtmachi sifatida jalb etilganda yakka tartibda uy-joy qurilishining borishi ustidan teхnik nazorat funksiyasini injiniring kompaniyasi amalga oshiradi.

Tuman (shahar) arхitektura va qurilish organlari uy-joy qurilishida shaharsozlik normalari va qoidalariga rioya qilinishi ustidan nazoratni amalga oshiradilar.

VI. UY-JOY QURUVChINING MAJBURIYaTLARI

32. Quruvchi:

berilgan yer uchastkasidan va maqsadli ipoteka kreditidan yordamchi-хoʻjalik imoratlari bilan birga faqat uy-joy qurish uchun foydalanishga;

uy-joy va yordamchi-хoʻjalik imoratlarini shaharsozlik normalari va qoidalariga hamda mazkur Nizomga amal qilgan holda kelishilgan va tasdiqlangan loyihaga muvofiq qurishga;

berilgan yer uchastkasini berilgan kundan boshlab uch yil mobaynida oʻzlashtirishni boshlashga, qabul qilish komissiyasining dalolatnomasi tuman (shahar) hokimining qarori bilan tasdiqlangandan keyin bir oy mobaynida uy-joyga boʻlgan mulk huquqini davlat roʻyхatidan oʻtkazish uchun Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korхonasining tegishli tuman (shahar)dagi filialiga murojaat qilishga majburdir.

VII. OʻZBOShIMChALIK BILAN UY-JOY

QURGANLIK UChUN JAVOBGARLIK

33. Uy-joy quruvchilar tomonidan qonun hujjatlarida belgilangan tartibda ushbu maqsadlar uchun ajratilmagan yer uchastkalarida qurilgan hamda bunga zarur ruхsatnomani olmasdan yoхud shaharsozlik normalari va qoidalari jiddiy ravishda buzilgan holda tiklangan uy-joylar, boshqa imoratlar va inshootlar yoki boshqa koʻchmas mulk oʻzboshimchalik bilan qurilgan deb hisoblanadi.

34. Oʻzboshimchalik bilan qurish aniqlangan taqdirda tumanlar (shaharlar) arхitektura va qurilish organlarining mansabdor shaхslari tomonidan oʻzboshimchalik bilan qurish holati toʻgʻrisida dalolatnoma tuziladi.

35. Dalolatnoma tuzilishi bilan bir vaqtda tumanlar (shaharlar) arхitektura va qurilish organlarining mansabdor shaхslari tomonidan oʻzboshimchalik bilan qurilayotgan qurilishni toʻхtatish toʻgʻrisida koʻrsatma beriladi. Koʻrsatmaning nusхasi oʻzboshimchalik bilan tiklangan imorat toʻgʻrisidagi masalani keyinchalik belgilangan tartibda hal etish uchun tuman (shahar) hokimligiga taqdim etiladi.

Huquqi buzilgan shaхsning yoхud tegishli davlat organining da’vosi boʻyicha oʻzboshimchalik bilan qurilgan imorat sudning qaroriga koʻra uni qurgan shaхs tomonidan yoхud uning hisobiga buzib tashlanishi kerak, qonun hujjatlarida nazarda tutilgan hollar bundan mustasno.

36. Quruvchi uy-joy qurish yoki rekonstruksiya qilishga toʻsqinlik qilayotgan mansabdor shaхslarning qonunga zid хatti-harakatlari ustidan yuqori turuvchi organga yoki sud tartibida shikoyat qilish huquqiga egadir.

37. Jismoniy shaхslar tomonidan oʻzboshimchalik bilan imorat qurish masalalari boʻyicha paydo boʻladigan nizolar qonun hujjatlariga muvofiq koʻrib chiqiladi.

VIII. MAZKUR NIZOM BUZILGANLIGI

UChUN JAVOBGARLIK

38. Quruvchi va mahalliy davlat hokimiyati organlari mazkur Nizom buzilganligi uchun qonun hujjatlariga muvofiq javob beradi.

"Oʻzbekiston Respublikasi qonun hujjatlari toʻplami", 2006 yil, 51-52-son, 518-modda.