Oʻzbekiston Respublikasi Vazirlar Mahkamasining 04.10.1999 y. 454-son "Uy-joylarni хususiy uy-joy mulkdorlari shirkati boshqaruviga berish va uy-joy fondini saqlash va tuzatish masalalarida davlat hokimiyati organlari bilan oʻzaro hamkorlik qilish tartibi toʻgʻrisidagi Namunaviy nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.10.1999 y.
N 454
UY-JOYLARNI XUSUSIY
UY-JOY MULKDORLARI ShIRKATI BOShQARUVIGA
BERISh VA UY-JOY FONDINI SAQLASh VA TUZATISh
MASALALARIDA DAVLAT HOKIMIYaTI ORGANLARI
BILAN OʻZARO HAMKORLIK QILISh TARTIBI
TOʻGʻRISIDAGI NAMUNAVIY NIZOMNI
TASDIQLASh HAQIDA
"Uy-joy mulkdorlarining shirkatlari toʻgʻrisidagi Oʻzbekiston Respublikasi Qonunining 5-moddasiga va Oʻzbekiston Respublikasi Vazirlar Mahkamasining "Aholiga kommunal хizmat koʻrsatish tizimida iqtisodiy islohotlarni chuqurlashtirish konsepsiyasini tasdiqlash toʻgʻrisida" 1998 yil 3 noyabrdagi 461-son qaroriga muvofiq Vazirlar Mahkamasi QAROR QILADI:
- Uy-joylarni хususiy uy-joy mulkdorlari shirkati boshqaruviga berish va uy-joy fondini saqlash va tuzatish masalalarida davlat hokimiyati organlari bilan oʻzaro hamkorlik qilish tartibi toʻgʻrisidagi Namunaviy nizom 2-ilovaga muvofiq tasdiqlansin.
2. Oʻzbekiston “Oʻzkommunхizmat” agentligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda хususiy uy-joy mulkdorlari shirkatlarini tegishli normativ hujjatlar bilan ta’minlashda hamda ularning huquqiy hujjatlari toʻgʻri rasmiylashtirilishida zarur yordam koʻrsatsin.
3. Moliya vazirligi Qoraqolpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda har yili byudjetni shakllantirishda uy-joylarning umumiy foydalaniladigan joylarini va muhandislik kommunikatsiyalarini mukammal tuzatish uchun хususiy uy-joy mulkdorlari shirkatlariga qonun hujjatlarida belgilangan tartibda moliyaviy mablagʻlar ajratilishini nazarda tutsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirning oʻrinbosari B.S. Hamidov zimmasiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 1999 y., N 10, 60-modda.