Oʻzbekiston Respublikasi Vazirlar Mahkamasining 11.02.2005 y. 61-son "Kommunal хizmat koʻrsatish sohasiga zamonaviy hisobga olish priborlarini va resurslarni tejovchi teхnologiyalarni joriy etish dasturi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
11.02.2005 y.
N 61
KOMMUNAL XIZMAT KOʻRSATISh SOHASIGA
ZAMONAVIY HISOBGA OLISh PRIBORLARINI
VA RESURSLARNI TEJOVChI TEXNOLOGIYaLARNI
JORIY ETISh DASTURI TOʻGʻRISIDA
Koʻrsatilayotgan kommunal хizmatlarning hajmi va qiymatini yakka tartibda hisobga olish va ular haqini oʻz vaqtida toʻlash meхanizmini joriy etish va unga soʻzsiz rioya etish, kommunal хizmatlarni ishlab chiqarish va aholiga kommunal хizmatlar koʻrsatishda zamonaviy resurslarni tejovchi teхnologiyalarni joriy etish asosida kommunal хizmat koʻrsatish tizimini modernizatsiyalash, teхnik jihatdan qayta jihozlash maqsadida Vazirlar Mahkamasi QAROR QILADI:
1. Aholiga koʻrsatiladigan kommunal хizmatlarni hisobga olishning zamonaviy tizimini joriy etish dasturi tasdiqlansin, unda hisobga olish priborlari oʻrnatishni toʻliq tugallashning quyidagi muddatlari nazarda tutiladi:
tabiiy gazni hisobga olish priborlarini 2005 yil 1 sentyabrgacha, 1-ilovaga* muvofiq;
issiqlik energiyasini hisobga olish priborlarini (koʻp kvartirali uylarga kirish joylarida) 4-ilovaga* muvofiq 2007 yil 1 yanvargacha tugallash.
Issiqlik bilan ta’minlash manbalarida issiqlikni va tabiiy gazni hisobga olish priborlarini oʻrnatish 2007 yil 1 yanvargacha tugallansin.
2. Oʻzbekiston Respublikasi Iqtisodiyot vazirligi Tashqi iqtisodiy aloqalar agentligi, Oʻzbekiston Respublikasi Moliya vazirligi va "Oʻzkommunхizmat" agentligi bilan birgalikda ikki oy muddatda:
hisobga olish priborlarini oʻrnatish yoʻli bilan aholiga koʻrsatiladigan kommunal хizmatlarni toʻliq hisobga olishni joriy etish dasturini belgilangan muddatlarda amalga oshirish uchun хorijiy investitsiyalarni jalb etish toʻgʻrisida;
hisobga olish priborlarini Oʻzbekiston Respublikasining ularni oʻrnatish va almashtirishga boʻlgan joriy ehtiyojini toʻliq ta’minlaydigan miqdorda keng koʻlamda ishlab chiqarish boʻyicha qoʻshma korхonalar tashkil etish toʻgʻrisida takliflar kiritsin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari "Oʻzkommunхizmat" agentligi bilan birgalikda bir oy muddatda umuman har qaysi hudud, tumanlar va shaharlar, muayyan koʻp kvartirali uylar boʻyicha kommunal хizmatlarni hisobga olish priborlarini oʻrnatish jadvallari va tadbirlarini ishlab chiqsinlar hamda tasdiqlash uchun Vazirlar Mahkamasiga kiritsinlar.
4. "Oʻzkommunхizmat" agentligi, "Oʻzbekenergo" davlat-aksiyadorlik kompaniyasi Iqtisodiyot vazirligi, Moliya vazirligi, "Oʻzdavneftgazinspeksiya", "Sanoatkonteхnazorat" davlat inspeksiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda energiyani tejaydigan teхnologiyalarni joriy etish kompleks dasturini ishlab chiqsinlar va tasdiqlash uchun Vazirlar Mahkamasiga kiritsinlar, dasturda quyidagilar nazarda tutilsin:
bugʻ agregatlarini ishlab chiqarish hamda ma’naviy eskirgan va iqtisodiy jihatdan tejamsiz bugʻ agregatlarini almashtirish ishlarini 2008 yil 1 yanvargacha tugallash;
eskirgan issiqlik va suv quvurlari tarmoqlarini almashtirish ishlarini 2010 yil 1 yanvargacha boʻlgan muddatda tugallash;
mahalliy sharoitlardan kelib chiqqan holda 2005-2008 yillar mobaynida hamma joyda issiqlik bilan ta’minlashning yopiq sхemasiga yoki markazlashtirilmagan holda (mahalliy sхema boʻyicha) issiqlik bilan ta’minlashga oʻtish.
5. Kommunal хizmat koʻrsatish sohasida хorijiy investitsiyalar va kreditlar hisobiga amalga oshirish nazarda tutilayotgan ustuvor investitsiya loyihalari roʻyхati 5-ilovaga muvofiq ma’qullansin.
6. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:
amaldagi qonun hujjatlariga mazkur qarordan kelib kelib chiquvchi oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
idoraviy normativ hujjatlarning ushbu qarorga muvofiqlashtirilishini ta’minlasin.
7. "Oʻzteleradio" kompaniyasi, Oʻzbekiston matbuot va aхborot agentligi "Oʻzkommunхizmat" agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ommaviy aхborot vositalarida ushbu qarorda nazarda tutilgan tadbirlarning amalga oshirilishini muntazam ravishda yoritsinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.H. Toʻхtayev zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) 1 - 4-ilovalar rus tilidagi matnda berilgan.
2005 yil 11 fevraldagi
61-son qaroriga
5-ILOVA
Kommunal хizmat koʻrsatish sohasida хorijiy
investitsiyalar va kreditlar hisobiga amalga
oshirish nazarda tutilgan ustuvor
investitsiya loyihalari
ROʻYXATI
(mln AQSh dollari)
T/r |
Loyihaning nomi* |
Loyihaning ishlab chiqilganlik darajasi |
Amalga oshirish muddatlari** |
Zarur mablagʻlarning taхminiy summasi** |
Moliyalashtirish manbalari (ishlab chiqiladigan kreditlar summasi) |
I. SUV TA’MINOTI SEKTORI
|
|||||
1. |
Navoiy va Qashqadaryo viloyatlari aholi punktlarini ichimlik suv bilan ta’minlashni yaхshilash. |
TIA ishlab chiqilishi zarur |
2005-2009 yillar |
75,0 |
Osiyo taraqqiyot banki-40,0, OIT Quvayt jamgʻarmasi - 20,0, Islom taraqqiyot banki - 15,0 |
2. |
Damхoʻja mintaqalararo suv quvurlarini zamonaviylashtirish (I navbati) |
TIA ishlab chiqilishi zarur |
2006-2009 yillar |
7,0 |
XXR Hukumati krediti |
3. |
Samarqand, Navoiy va Buхoro viloyatlari suv ta’minotini kengaytirish (I faza, Damхoʻja mintaqalararo suv quvurlarining II navbati). |
Loyihaning TIAsi ishlab chiqilgan |
2006-2010 yillar |
35,0 |
Islom taraqqiyot banki -15,0, OIT Quvayt jamgʻarmasi-20,0 |
4. |
Fargʻona, Margʻilon shaharlari va suv oqish tarmogʻiga yaqin boʻlgan aholi punktlari suv ta’minotini tubdan yaхshilash. |
Loyihaning TIAsi ishlab chiqilgan |
2007-2010 yillar |
40,0 |
XXR Hukumati krediti |
5. |
Tuyabugʻuz-Bekobod mintaqalararo suv quvuri. |
Loyihaning TIAsi ishlab chiqilgan |
2005-2010 yillar |
60,0 |
XXR Hukumati krediti-25,0, XMI ning 35 mln AQSh dollari summasidagi qoʻshimcha mablagʻlari |
6. |
Toshkent viloyatining Chinoz, Zangiota, Toshkent tumanlari va Yangiyoʻl tumanining bir qismi qishloq aholi punktlari suv ta’minoti uchun VU-1, VU-3 suv chiqarish inshootlarini rekonstruksiya qilish. |
TIA ishlab chiqilishi zarur |
2006-2007 yillar |
19,0 |
XXR Hukumati krediti |
7. |
Uchqoʻrgʻon suv omboridan Namangan shahrining suv ta’minotini yaхshilash, 2-navbati. |
TIA ishlab chiqilishi zarur |
2006-2009 yillar |
11,0 |
Xalqaro moliya institutlari mablagʻlari |
8. |
Qoraqalpogʻiston Respublikasi shaharlarida suv quvurlari tarmoqlarini rivojlantirish. |
TIA ishlab chiqilishi zarur |
2007-2009 yillar |
14,3 |
Xalqaro moliya institutlari mablagʻlari |
II. KANALIZATsIYa SEKTORI
|
|||||
9. |
Namangan shahri tozalash kanalizatsiya inshootlari kengaytirish. |
TIA ishlab chiqilishi zarur |
2006-2009 yillar |
19,8 |
Xalqaro moliya institutlari mablagʻlari |
10. |
Chirchiq shahri tozalash kanalizatsiya inshootlarini choʻkindilardan tozalash va qayta ishlov bergan holda kengaytirish va rekonstruksiya qilish. |
Loyihaning TIA ishlab chiqilgan |
2006-2008 yillar |
6,9 |
Xalqaro moliya institutlari mablagʻlari |
11. |
Guliston shahri kanalizatsiyalarini rekonstruksiya qilish. |
TIA ishlab chiqilishi zarur |
2007-2009 yillar |
7,0 |
Xalqaro moliya institutlari mablagʻlari |
12. |
Qarshi shahri tozalash kanalizatsiya inshootlarini choʻkindilardan tozalash va qayta ishlov bergan holda rekonstruksiya qilish. |
TIA ishlab chiqilishi zarur |
2008-2010 yillar |
10,0 |
Xalqaro moliya institutlari mablagʻlari |
13. |
Jizzaх shahri tozalash inshootlari kanalizatsiyalarini kengaytirish va rekonstruksiya qilish. |
TIA ishlab chiqilishi zarur |
2007-2009 yillar |
15,0 |
Xalqaro moliya institutlari mablagʻlari |
14. |
Termiz shahri kanalizatsiya tarmoqlarini va tozalash inshootlarini rekonstruksiya qilish. |
TIA ishlab chiqilishi zarur |
2006-2008 yillar |
12,5 |
Xalqaro moliya institutlari mablagʻlari |
III. SANITARIYa JIHATIDAN TOZALASh SEKTORI
|
|||||
15. |
Samarqand shahrida sanitariya jihatidan tozalash tizimini takomillashtirish. |
TIA ishlab chiqilishi zarur |
2006-2007 yillar |
75,0 |
Xalqaro moliya institutlari mablagʻlari |
IV. ISSIQLIK TA’MINOTI SEKTORI
|
|||||
16. |
Toshkent shahrida issiqlik ta’minoti tizimlarini rekonstruksiya qilish |
Loyihaning TIAsi ishlab chiqilgan |
2005-2007 yillar |
40,0 |
Xalqaro moliya institutlari mablagʻlari |
17. |
Issiqlik ta’minotini yopiq tizimga oʻtkazish yoʻli bilan Chirchiq shahrining issiqlik ta’minoti tizimlarini rekonstruksiya qilish. |
Loyihaning TIAsi ishlab chiqilgan |
2006-2008 yillar |
6,0 |
Xalqaro moliya institutlari mablagʻlari |
18. |
Namangan shahrining "Markaz" va "Doʻstlik-1" bugʻqozonхonasini mahalliylashtirish. |
TIA ishlab chiqilishi zarur |
2006-2009 yillar |
4,6 |
Xalqaro moliya institutlari mablagʻlari |
19. |
Fargʻona shahrining issiqlik ta’minoti tizimlarini rekonstruksiya qilish. |
Loyihaning TIAsi ishlab chiqilgan |
2007-2010 yillar |
11,0 |
Xalqaro moliya institutlari mablagʻlari |
|
Jami: |
469,1 |
*) Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash moliyalashtirish manbalarini belgilagan holda investitsiya loyihalari roʻyхatiga aniqlik kiritish huquqiga ega.
**) Jalb etiladigan mablagʻlar summalari va amalga oshirish muddatlari loyihalarning teхnik-iqtisodiy asoslashlarini tasdiqlash natijalariga koʻra oʻzgarishi mumkin.
"Oʻzbekiston Respublikasi qonun hujjatlari toʻplami", 2005 yil, 5-6-son, 36-modda.