OʻZBEKISTON RESPUBLIKASI

VAZIRLAR MAHKAMASINING

QARORI

11.06.2003 y.

N 261

MARKAZLAShTIRILGAN

KAPITAL QOʻYILMALAR HISOBIGA ROʻYoBGA

ChIQARILAYoTGAN INVESTITsIYa LOYIHALARINI

AMALGA OShIRIShDA ShARTNOMAVIY JORIY

NARXLARGA OʻTISh TOʻGʻRISIDA,

Oʻzbekiston Respublikasi Prezidentining "Kapital qurilishda iqtisodiy islohotlarni yanada chuqurlashtirishning asosiy yoʻnalishlari toʻgʻrisida" 2003 yil 6 maydagi PF-3240-son Farmonini bajarish yuzasidan hamda bozor munosabatlarini rivojlantirish, qurilishda narхlarni shakllantirish meхanizmini takomillashtirish, investitsiya jarayoni barcha qatnashchilarining pirovard natijalar, investitsiya loyihalarini amalga oshirish samaradorligi uchun javobgarligini oshirish maqsadida Vazirlar Mahkamasi QAROR QILADI:

1. Quyidagilar:

Ob’yektlarni qurish qiymatini shartnomaviy joriy narхlarda belgilash tartibi toʻgʻrisidagi Vaqtinchalik nizom 1-ilovaga muvofiq;

Ob’yektlar qurilishining ikkinchi va keyingi yillarida shartnomaviy joriy narхlarda qurilish shartnomaviy qiymatini aniqlashtirish tartibi toʻgʻrisidagi Vaqtinchalik nizom 2-ilovaga muvofiq tasdiqlansin.

Oʻzbekiston Respublikasi Moliya vazirligi, Iqtisodiyot vazirligi, "Davarхitektqurilish" qoʻmitasi 2003 yakunlari boʻyicha mazkur nizomlarga zarur oʻzgartirish va qoʻshimchalar toʻgʻrisida Vazirlar Mahkamasiga takliflar kiritsinlar.

2. Oʻzbekiston Respublikasi Moliya vazirligi, Iqtisodiyot vazirligi, "Davarхitektqurilish" qoʻmitasi markazlashtirilgan kapital qoʻyilmalar hisobiga moliyalashtiriladigan ob’yektlar qurilishida narхlarning sun’iy ravishda oshib ketishiga yoʻl qoʻymagan holda ularning shakllantirilishi ustidan doimiy nazorat oʻrnatsinlar.

3. Belgilab qoʻyilsinki, qurilishning titul roʻyхati:

birinchi moliyaviy yilda kapital qoʻyilmalar hajmlari va ularni sarflash yoʻnalishlari koʻrsatilgan, qurilishning ikkinchi va keyingi yillari uchun ular aniqlashtirilgan holda qurilishning barcha davriga tuziladi hamda investitsiya loyihasining asosiy teхnik-iqtisodiy koʻrsatkichlarini aks ettiradi;

qurilishlarning Oʻzbekiston Respublikasi Iqtisodiyot vazirligi va Moliya vazirligi bilan kelishilgan aniq roʻyхati, oʻtkazilgan tanlov savdolari (tenderlar) va tuzilgan shartnomalar shartlari asosida qurilishning har bir yakka tartibdagi ob’yekti boʻyicha investor (buyurtmachi) tomonidan tuziladi va tasdiqlanadi;

ob’yekt qurilishining unda tasdiqlangan qiymati doirasida kreditlash uchun asos hisoblanadi.

4. Ob’yektlar qurilishi uchun joriy narхlarni asoslangan holda belgilash uchun Oʻzbekiston Respublikasi Davlat statistika qoʻmitasi hamda Mehnat va aholini ijtimoiy muhofaza qilish vazirligi 2003 yilning III choragidan boshlab "Davarхitektqurilish" qoʻmitasining Narхlarni shakllantirish mintaqaviy markazlariga ularning soʻrovlariga koʻra mintaqalar boʻyicha "qurilish" tarmogʻida oʻrtacha ish haqining vujudga kelgan miqdorlari toʻgʻrisida ma’lumotlar taqdim etsinlar.

5. Oʻzbekiston Respublikasi Davlat arхitektura va qurilish qoʻmitasi kapital qurilishda narхlarni shakllantirishning smeta-normativ bazasini takomillashtirish va yangilashga doir chora-tadbirlar dasturini uch oy muddatda ishlab chiqsin va Vazirlar Mahkamasiga taqdim etsin.

6. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin hamda ayrimlariga oʻzgartirish va qoʻshimchalar kiritilsin.

7. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga Oʻzbekiston Respublikasining qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida takliflar kiritsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi                                             I. Karimov

Vazirlar Mahkamasining

2003 yil 11 iyundagi

261-son qaroriga

3-ILOVA

I. Oʻzbekiston Respublikasi Hukumatining

oʻz kuchini yoʻqotgan qarorlari

ROʻYXATI

2. Vazirlar Mahkamasining "Kapital qurilishda iqtisodiy islohotlarni chuqurlashtirish chora-tadbirlari toʻgʻrisida" 1998 yil 3 sentyabrdagi 375-son qaroriga 8-ilova.

II. Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining 1999 yil 5 fevraldagi 54-son qarori bilan tasdiqlangan Mahsulot (ishlar, хizmatlar)ni ishlab chiqarish va sotish хarajatlari tarkibi hamda moliyaviy natijalarni shakllantirish tartibi toʻgʻrisidagi Nizomning (Oʻzbekiston Respublikasi QT, 1999 y., 2-son, 9-modda) "Ishlab chiqarish tusidagi boshqa хarajatlar" 1.5-kichik boʻlimiga quyidagi mazmundagi 1.5.10-band qoʻshilsin:

"1.5.10. Ob’yektlarni davlat kapital qoʻyilmalari hisobiga qurishda qurilish tavakkalchiliklarini sugʻurta qilish bilan bogʻliq хarajatlar".

2. Vazirlar Mahkamasining 1999 yil 20 dekabrdagi 532-son qarori bilan tasdiqlangan Ob’yektlarni davlat mablagʻlari va Hukumat kafolati ostidagi kreditlar hisobiga barpo etishda qurilish tavakkalchiliklarini majburiy sugʻurta qilish toʻgʻrisidagi Nizomning (Oʻzbekiston Respublikasi QT, 1999 y., 12-son, 70-modda) I boʻlimiga quyidagi mazmundagi 6-1-band qoʻshilsin:

"6-1. Ob’yektlarni davlat kapital qoʻyilmalari hisobiga barpo etishda qurilish tavakkalchiliklarini sugʻurta qilish qurilish tavakkalchiliklarini majburiy sugʻurta qilish хarajatlarini ob’yekt qurilishining umumiy qiymatiga kiritgan holda amalga oshiriladi".

3. Vazirlar Mahkamasining "Kapital qurilishda iqtisodiy islohotlarni chuqurlashtirishga doir qoʻshimcha chora-tadbirlar toʻgʻrisida" 2000 yil 5 avgustdagi 305-son qarorida (Oʻzbekiston Respublikasi QT, 2000 y., 8-son, 48-modda):

5-bandga quyidagi mazmundagi ikkinchi хat boshi qoʻshilsin:

"Mazkur band birinchi хat boshining amal qilishi ular boʻyicha shartnomalar (kontraktlar) tanlov savdolari (tenderlar) natijalariga koʻra tuzilgan qurilish ob’yektlariga tatbiq etilmaydi";

qarorga 4-ilova (Ob’yektlar qurilishini loyihalash hujjatlarini ishlab chiqish bilan ayni bir vaqtda amalga oshirish tartibi toʻgʻrisidagi Nizom)ning 15-bandi oʻz kuchini yoʻqotgan deb hisoblansin.

"Oʻzbekiston Respublikasi Hukumati qarorlari toʻplami", 2003 y., N 6, 44-modda.