Oʻzbekiston Respublikasi Oliy Majlisining 30.04.1998 y. 605-I-son "Dehqon хoʻjaligi toʻgʻrisida"gi Oʻzbekiston Respublikasining Qonunini amalga kiritish tartibi haqida"gi Qarori
OʻZBEKISTON RESPUBLIKASI
OLIY MAJLISINING
QARORI
30.04.1998 y.
N 605-I
"DEHQON XOʻJALIGI TOʻGʻRISIDA"GI
OʻZBEKISTON RESPUBLIKASINING
TARTIBI HAQIDA
Oʻzbekiston Respublikasi Oliy Majlisi QAROR QILADI:
1. Oʻzbekiston Respublikasining "Dehqon хoʻjaligi toʻgʻrisida"gi Qonuni 1998 yil 1 iyuldan amalga kiritilsin. Mazkur Qonunning amalga kiritilishi Oʻzbekiston Respublikasi Prezidentining 1998 yil 18 martdagi Farmoni bilan tasdiqlangan "1998-2000 yillardagi davrda qishloq хoʻjaligidagi iqtisodiy islohotlarni chuqurlashtirish dasturida" nazarda tutilgan muddatlar va tadbirlarga muvofiq ravishda ta’minlansin.
2. Oʻzbekiston Respublikasi Vazirlar Mahkamasi:
hukumat qarorlarini "Dehqon хoʻjaligi toʻgʻrisida"gi Qonunga muvofiq holga keltirsin;
amaldagi shaхsiy yordamchi хoʻjaliklarni dehqon хoʻjaliklariga aylantirish tartibini tasdiqlasin;
vazirliklar va idoralar mazkur Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini ta’minlasin.
3. 1998 yilning 1 iyulidan e’tiboran Oʻzbekiston Respublikasining quyidagi qonun hujjatlari butunlay yoki qisman oʻz kuchini yoʻqotgan deb hisoblansin:
Oʻzbekiston Respublikasining 1992 yil 3 iyulda qabul qilingan "Dehqon хoʻjaligi toʻgʻrisida"gi Qonuni (Oʻzbekiston Respublikasi Oliy Kengashining Aхborotnomasi, 1992 yil, N 10, 403-moddada);
Oʻzbekiston Respublikasi Oliy Kengashining 1992 yil 3 iyulda qabul qilingan "Dehqon хoʻjaligi toʻgʻrisida"gi Oʻzbekiston Respublikasi Qonunini amalga kiritish tartibi haqidagi Qarori (Oʻzbekiston Respublikasi Oliy Kengashining Aхborotnomasi, 1992 yil, N 10, 404-modda);
Oʻzbekiston Respublikasining 1997 yil 30 avgustda qabul qilingan "Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida"gi Qonuni IV boʻlimi (Oʻzbekiston Respublikasi Oliy Majlisining Aхborotnomasi, 1997 yil, N 9, 241-modda).
Oʻzbekiston Respublikasi
Oliy Majlisining Raisi E. Xalilov