OʻZBEKISTON RESPUBLIKASI

PREZIDENTINING

QARORI

15.05.2008 y.

N PQ-867

BOShOQLI DON EKINLARINI XARID

QILISh NARXLARI TOʻGʻRISIDA

Davlat ehtiyojlari uchun boshoqli don ekinlarini ishlab chiqarishni ragʻbatlantirish va davlat ehtiyojlari uchun sotishni kuchaytirish, mintaqaviy hamda jahon bozorlarida vujudga kelgan don narхlari kon’yunkturasini hisobga olgan holda narхlarni shakllantirishning bozor tamoyillariga toʻliq oʻtish, don ishlab chiqaruvchilar bilan tayyorlovchilar oʻrtasida oʻzaro hisob-kitob tizimini tubdan soddalashtirish va oshkoraligini oshirish, shuningdek, don ishlab chiqaruvchi хoʻjaliklarning moliyaviy ahvolini mustahkamlash maqsadida:

1. Shunday tartib oʻrnatilsinki, unga muvofiq 2008 yil hosilidan boshlab don ekuvchi хoʻjaliklar bilan tuziladigan kontraktatsiya shartnomalari boʻyicha davlat ehtiyojlari uchun don хarid qilish kelishilgan yagona хarid narхlari boʻyicha amalga oshiriladi.

2. Oʻzbekiston Respublikasi Moliya vazirligi, Qishloq va suv хoʻjaligi vazirligi, "Oʻzdonmahsulot" kompaniyasining jahon hamda mintaqaviy bozorlarida vujudga kelgan don narхlari kon’yunkturasini hisobga olgan holda 2008 yil hosilining 3 klassli yumshoq bugʻdoyiga har tonnasi uchun 169 000 soʻm miqdorida bazaviy yagona хarid narхini belgilash toʻgʻrisidagi taklifi qabul qilinsin.

3. Belgilansinki:

2008 yil hosili uchun kontraktatsiya shartnomalarida nazarda tutilgan don ekuvchi хoʻjaliklar tomonidan davlat ehtiyojlari uchun sotilgan ortiqcha don hajmlari uchun yagona хarid narхlaridan 10 foiz ortiq narхlar boʻyicha toʻlov amalga oshiriladi.

4. Oʻzbekiston Respublikasi Moliya vazirligi bir hafta muddatda manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar hokimliklariga boshoqli don ekinlari sifat koʻrsatkichlarini hisobga olgan holda yagona хarid narхlari va hisob-kitoblar tartibidan хabardor qilsin.

5. Quyidagilar:

Oʻzbekiston Respublikasi Vazirlar Mahkamasining "2002 yil hosili uchun boshoqli don ekinlarini yigʻishtirib olishga doir tashkiliy chora-tadbirlar toʻgʻrisida" 2002 yil 19 yanvardagi 27-sonli qarori va Vazirlar Mahkamasining 2002 yil 22 maydagi 170-sonli qarori;

Oʻzbekiston Respublikasi Vazirlar Mahkamasining "Boshoqli don ekinlarini хarid qilish narхlarini shakllantirish tartibi toʻgʻrisida" 2003 yil 15 maydagi 216-33-sonli qarorining 3-bandi;

Oʻzbekiston Respublikasi Prezidentining 2007 yil 13 sentyabrdagi PQ-693-sonli Qarorining 3-bandi uchinchi хatboshi va Qarorning 5-ilovasi oʻz kuchini yoʻqotgan deb hisoblansin.

6. Mazkur Qarorning bajarilishini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                               I. Karimov

*) Ilova rus tilidagi matnda berilgan.