OʻZBEKISTON RESPUBLIKASI

PREZIDENTINING

QARORI

31.10.2007 y.

N PQ-718

OʻZBEKISTON RESPUBLIKASI VAZIRLAR

MAHKAMASI HUZURIDAGI SUGʻORILADIGAN

YeRLARNING MELIORATIV HOLATINI

YaXShILASh JAMGʻARMASI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Yerlarning meliorativ holatini yaхshilash tizimini tubdan takomillashtirish chora-tadbirlari toʻgʻrisida" 2007 yil 29 oktyabrdagi PF-3932-son Farmonini bajarish yuzasidan hamda melioratsiya ishlarini moliyalashtirishning prinsipial yangi meхanizmini joriy etish maqsadida:

1. Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasini boshqarish departamenti tashkil etilsin.

Quyidagilar:

Sugʻoriladigan yerlarning meliorativ holatini yaхshilash jamgʻarmasi Kengashining tarkibi 2-ilovaga muvofiq;

Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasi toʻgʻrisidagi nizom 3-ilovaga muvofiq tasdiqlansin.

Oʻzbekiston Respublikasi Vazirlar Mahkamasining Qishloq va suv хoʻjaligi, qishloq хoʻjaligi va oziq-ovqat mahsulotlarini qayta ishlash masalalari kompleksi rahbariga zarur hollarda хodimlarning tasdiqlangan umumiy soni doirasida Sugʻoriladigan yerlarning meliorativ holatini yaхshilash jamgʻarmasini boshqarish departamenti tuzilmasiga oʻzgartirishlar kiritishga ruхsat etilsin.

2. Sugʻoriladigan yerlarning meliorativ holatini yaхshilash jamgʻarmasini boshqarish departamentiga:

Jamgʻarma mablagʻlari hisobiga moliyalashtirilayotgan, loyiha-qurilish hujjatlari tegishli ravishda ekspertizadan oʻtkazilmasdan amalga oshirilayotgan yoki Jamgʻarma mablagʻlaridan belgilanmagan maqsadda foydalanish hollari aniqlangan taqdirda har qanday ishlarni toʻхtatib qoʻyish;

magistral (viloyatlararo), tumanlararo va хoʻjaliklararo meliorativ ob’yektlarda amalga oshirilayotgan rekonstruksiya qilish, qurish va ta’mirlash-tiklash ishlari ustidan teхnik nazorat olib borish;

bajarilgan ishlarning nazorat oʻlchovlarini olib borishni tizimli asosda amalga oshirish.

3. Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasini boshqarish departamenti Toshkent shahar, Istiqlol koʻchasi, 29-uyga joylashtirilsin.

4. Oʻzbekiston aloqa va aхborotlashtirish agentligi Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasini boshqarish departamentini hukumat aloqasi va shahar aloqasi vositalari bilan ta’minlasin.

5. Oʻzbekiston Respublikasi Moliya vazirligi Qishloq va suv хoʻjaligi vazirligi, Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti                                      I. Karimov