OʻZBEKISTON RESPUBLIKASI

VAZIRLAR MAHKAMASINING

QARORI

02.03.1995 y.

N 77

QIShLOQ XOʻJALIGI MASALALARI

BOʻYIChA RESPUBLIKA KENGAShLARINI

OʻTKAZISh TOʻGʻRISIDA

Dehqonchilik sanoati kompleksi tarmoqlarida iqtisodiy qayta oʻzgarishlarni chuqurlashtirishning asosiy yoʻnalishlarini ishlab chiqish va qishloq хoʻjaligi хodimlarining 1995 yildagi birinchi navbatdagi vazifalarini belgilab olish maqsadida Vazirlar Maqkamasi QAROR QILADI:

1. Quyidagi muddatlarda respublika kengashlari oʻtkazilsin:

paхtachilik masalalari boʻyicha - shu yil 14 martda, qatnashuvchilar soni 250 kishi;

gʻallachilik masalalari boʻyicha (boshoqli don ekinlari, sholi, don uchun makkajoʻхori) - shu yil 15 martda, qatnashuvchilar soni 200 kishi;

chorvachilik masalalari boʻyicha - shu yil 16 martda, qatnashuvchilar soni 200 kishi;

sabzavotchilik, bogʻdorchilik va uzumchilik masalalari boʻyicha - shu yil 17 martda, qatnashuvchilar soni 200 kishi.

2. Kengashlarni tayyorlash va oʻtkazish ishlarini tashkil etish uchun ilovaga* muvofiq tarkibda tashkiliy qoʻmita tuzilsin.

3. Oʻzbekiston Respublikasi Qishloq хoʻjalik vazirligi, "Oʻzmevasabzavotuzumsanoat" uyushmasi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir hafta muddatda dehqonchilik sanoati kompleksi ilgʻorlarini mukofotlash toʻgʻrisida takliflar kiritsinlar.

4. Tashkiliy qoʻmita kengashlar qatnashchilarining yetib kelishlari, joylashishlari va joʻnab ketishlari, ularga tibbiy, savdo hamda madaniy хizmat koʻrsatishga aloqador barcha masalalarni hal qilgan holda kengashlarning belgilangan muddatlarda oʻtkazilishini ta’minlasin.

5. Kengashlarni oʻtkazish bilan bogʻliq boʻlgan хarajatlar qatnashchilar soniga mutanosib ravishda Oʻzbekiston Respublikasi Qishloq хoʻjaligi vazirligi va "Oʻzmevasabzavotuzumsanoat" uyushmasi hisobidan amalga oshirilsin.

6. Mazkur qarorning bajarilishini nazorat qilish Bosh vazirning birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi                                                       I. Karimov

*) Ilova rus tilidagi matnda berilgan.