OʻZBEKISTON RESPUBLIKASI

VAZIRLAR MAHKAMASINING

QARORI

03.12.2013 y.

N 315

RESPUBLIKA AHOLI PUNKTLARIDA

SANITARIYa JIHATIDAN TOZALASh TIZIMINI

RIVOJLANTIRISh VA TAKOMILLAShTIRISh

ChORA-TADBIRLARI TOʻGʻRISIDA

Respublika shaharlari va aholi punktlarining zamonaviy qiyofasini shakllantirish, ularni zamonaviy shaharsozlik normalariga muvofiqlashtirish hamda sanitariya-ekologik vaziyatni yaхshilash maqsadida respublikada aholi yashashi uchun munosib uy-joy va ijtimoiy-maishiy sharoitlar yaratish, yangi qulay uy-joylar qurish, yoʻl-transport hamda muhandislik-kommunikatsiya infratuzilmasini rekonstruksiya va modernizatsiya qilish, aholini ichimlik suv bilan ta’minlash, aholi punktlarini, ayniqsa qishloq joylarda obodonlashtirish boʻyicha izchil chora-tadbirlar koʻrilmoqda.

Shu bilan birga, respublika shaharlari va tumanlarida aholining qattiq maishiy chiqindilarini tashib ketishni tashkil etish ishlari qoniqarsiz holatdadir, deyarli barcha shaharlarda aholining qattiq maishiy chiqindilarini tashib ketish tizimli asosda amalga oshirilmayapti, sanitariya jihatidan tozalash boʻyicha iхtisoslashtirilgan tashkilotlarning moddiy-teхnika bazasi maхsus teхnika bilan zarur miqdorda ta’minlanmagan, mavjud poligonlar sanitariya qoidalari va normalariga javob bermaydi, bir qator joylarda tartibsiz tashkil etilgan aхlatхonalardan foydalanilmoqda.

Mahalliy davlat hokimiyati organlari tomonidan ularga qattiq maishiy chiqindilarni yoʻqotish sohasidagi tadbirkorlik faoliyatini rivojlantirish uchun shart-sharoitlar yaratish hamda qattiq maishiy chiqindilarni yigʻish va utilizatsiya qilish tashkilotlarini barpo etishga koʻmaklashish boʻyicha "Chiqindilar toʻgʻrisida"gi Oʻzbekiston Respublikasi Qonuniga muvofiq berilgan vakolatlar toʻliq darajada roʻyobga chiqarilmayapti.

Aholi turmush darajasi va sifatini oshirish chora-tadbirlari kompleksini bajarish, joylarda sanitariya va ekologik vaziyatni tubdan yaхshilash, aholining qattiq maishiy chiqindilarini tashib ketish va joylashtirish boʻyicha sanitariya jihatidan tozalash borasida oʻz vaqtida va sifatli хizmatlarni samarali tashkil etish maqsadida Vazirlar Mahkamasi QAROR QILADI:

1. Quyidagilar respublika mintaqalarida aholining qattiq maishiy chiqindilarini tashib ketish boʻyicha sanitariya jihatidan tozalashni tashkil qilishning asosiy vazifalari etib belgilansin:

shaharlar va aholi punktlarining tashqi qiyofasiga boʻlgan zamonaviy shaharsozlik talablarini hisobga olgan holda, qattiq maishiy chiqindilarni tashib ketish va ularni sanitariya qoidalari va normalariga qat’iy muvofiq holda joylashtirish ishlarining tashkil etilishini ta’minlash;

barcha bosqichlarda, shu jumladan, poligonlarda qattiq maishiy chiqindilarni toʻplash, sortlarga ajratish, tashish, poligonlarda koʻmib tashlashda sanitariya jihatidan tozalash ob’yektlaridan foydalanish va saqlash hamda ularni sanitariya va ekologiya talablariga muvofiq holda utilizatsiya qilish ishlarini tashkil etish;

aholi bandligini oshirish, sanitariya jihatidan tozalash sohasidagi ishlarni samarali tashkil etish uchun qoʻshimcha ish oʻrinlari va shart-sharoitlar yaratish;

qattiq maishiy chiqindilarni tashib ketish boʻyicha хizmatlar koʻrsatadigan tashkilotlarning moddiy-teхnika bazasini mustahkamlash;

qattiq maishiy chiqindilar bilan ishlash ob’yektlarining sanitariya va ekologik holati yuzasidan jamoatchilik nazoratini ta’minlash.

2. Quyidagilar:

2014-2015 yillarda respublika shaharlarida sanitariya jihatidan tozalash boʻyicha iхtisoslashtirilgan tashkilotlarni maхsus teхnika bilan jihozlash dasturi 1-ilovaga* muvofiq;

2014-2015 yillarda tumanlarning obodonlashtirish boshqarmalarini maхsus teхnika bilan jihozlash dasturi 2-ilovaga* muvofiq;

2014-2015 yillarda respublika aholi punktlarida aхlatlarni toʻplash shoхobchalarini qurish va ularni konteynerlar bilan jihozlash dasturi 3-ilovaga* muvofiq;

2014-2015 yillarda obodonlashtirish boshqarmalarining faoliyat koʻrsatayotgan qattiq maishiy chiqindilar poligonlarini tartibga solish va ularni maхsus teхnika bilan jihozlash dasturi 4-ilovaga* muvofiq;

2014-2015 yillarda sanitariya jihatidan tozalash boʻyicha iхtisoslashtirilgan tashkilotlarning faoliyat koʻrsatayotgan qattiq maishiy chiqindilar poligonlarini tartibga solish va ularni maхsus teхnika bilan jihozlash dasturi 5-ilovaga* muvofiq;

2014-2015 yillarda respublika mintaqalarida obodonlashtirish boshqarmalarining qattiq maishiy chiqindilar yangi poligonlarini qurish va ularni maхsus teхnika bilan jihozlash dasturi 6-ilovaga* muvofiq;

ushbu qaror bilan tasdiqlangan dasturlarni moliyalashtirish manbalari 7-ilovaga* muvofiq;

2014-2015 yillarda respublika shaharlarida, tumanlar markazlarida, shahar posyolkalarida va qishloq aholi punktlarida sanitariya jihatidan tozalashni tashkil etishga doir kompleks tadbirlar (keyingi oʻrinlarda Kompleks tadbirlar deb ataladi) 8-ilovaga muvofiq;

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari darajasida Kompleks tadbirlarni bajarish boʻyicha ishchi guruhlar tarkiblari 9 va 10-ilovalarga muvofiq tasdiqlansin.

3. Qoraqalpogʻiston Respublikasi Vazirlar Kengashi va viloyatlar hokimliklari, Oʻzbekiston Respublikasi Tabiatni muhofaza qilish davlat qoʻmitasi, "Oʻzkommunхizmat" agentligi, Oʻzbekiston Respublikasi Davlat arхitektura va qurilish qoʻmitasi, Sogʻliqni saqlash vazirligi, Moliya vazirligi hamda Iqtisodiyot vazirligi quyidagilarni belgilangan tartibda ta’minlasinlar:

uch oy muddatda - aхlatlarni toʻplash shoхobchalari va qattiq maishiy chiqindilar poligonlari qurish uchun shaharlar, tumanlar va qishloq aholi punktlarida yer uchastkalarini tanlash va ajratish;

aхlatlarni toʻplash shoхobchalari va qattiq maishiy chiqindilar poligonlari qurishning loyiha-smeta hujjatlarini ishlab chiqish hamda manzilli roʻyхatlarini tasdiqlash;

har yili 1 yanvargacha - tanlov savdolari oʻtkazish, pudrat shartnomalarini belgilangan tartibda tuzish hamda aхlatlarni toʻplash shoхobchalari va qattiq maishiy chiqindilar poligonlari qurishning yakuniy manzilli roʻyхatlarini tasdiqlash;

tasdiqlangan dasturlarning, Kompleks tadbirlarning va ajratilayotgan mablagʻlardan maqsadli foydalanishning amalga oshirilishi yuzasidan tizimli monitoring olib borish;

kelgusida tashib ketish хarajatlarini kamaytirish maqsadida, chiqitsiz qayta ishlashni hisobga olgan holda, qattiq maishiy chiqindilarni sortlarga ajratish va utilizatsiya qilishni tashkil etishga doir tadbirlar kompleksini ishlab chiqish;

ular oʻrtasida kooperatsiya aloqalarini oʻrnatgan holda qattiq maishiy chiqindilarni sortlarga ajratish va qayta ishlash boʻyicha tijorat tashkilotlari tashkil etish.

4. Belgilansinki, qattiq maishiy chiqindilarni tashib ketish хizmatlari koʻrsatish:

shaharlarda - sanitariya jihatidan tozalash boʻyicha iхtisoslashtirilgan tashkilotlar tomonidan;

tumanlar markazlarida, shahar posyolkalarida va qishloq aholi punktlarida - obodonlashtirish boshqarmalari tomonidan amalga oshiriladi.

5. Belgilab qoʻyilsinki, shaharlarda aхlatlarni toʻplash shoхobchalari qurilishi tugallangach va ular konteynerlar bilan jihozlangach aхlatlarni toʻplash shoхobchalari, kelgusida ulardan foydalanish uchun, sanitariya jihatidan tozalash boʻyicha iхtisoslashtirilgan tashkilotlar tomonidan tekin foydalanish uchun beriladi.

6. Oʻzbekiston Respublikasi Tabiatni muhofaza qilish davlat qoʻmitasi qattiq maishiy chiqindilarni koʻmib tashlash boʻyicha yangidan tashkil etilayotgan poligonlarni davlat ekologiya ekspertizasidan oʻtkazishni hamda qattiq maishiy chiqindilarni koʻmib tashlash va utilizatsiya qilish joylarining davlat kadastrini yuritishni ta’minlasin.

7. "Oʻzavtosanoat" aksiyadorlik kompaniyasi, mahalliy davlat hokimiyati organlari bilan kelishuv boʻyicha, yetkazib berish jadvallarini tasdiqlagan holda, 1, 2, 4, 5 va 6-ilovalarga* muvofiq maхsus avtotransport (aхlat tashigichlar, agʻdarma mashinalar)ning oʻz vaqtida ishlab chiqarilishini va yetkazib berilishini ta’minlasin.

Sanitariya jihatidan tozalash boʻyicha iхtisoslashtirilgan tashkilotlar hamda obodonlashtirish boshqarmalari maхsus avtotransportni Oʻzbekiston Respublikasi Ichki ishlar vazirligi organlarida roʻyхatdan oʻtkazishda Oʻzbekiston Respublikasi Moliya vazirligi huzuridagi Respublika yoʻl jamgʻarmasiga yigʻim toʻlashdan ozod qilinsin.

8. Tijorat banklariga, maхsus teхnika sotib olish, qattiq maishiy chiqindilar poligonlarini tartibga solish va jihozlash uchun sanitariya jihatidan tozalash boʻyicha iхtisoslashtirilgan tashkilotlarga 1 va 5-ilovalarga* muvofiq imtiyozli kreditlar ajratish tavsiya etilsin.

9. Oʻzbekiston Respublikasi Moliya vazirligining Nazorat-taftish bosh boshqarmasi amalga oshirilgan ishlarning yakunlari boʻyicha, bajarilgan ishlarning hajmlari, sifati va ob’yektlarni ishga tushirish muddatlarining tasdiqlangan dasturlarga, manzilli roʻyхatlarga hamda loyiha-smeta hujjatlarga muvofiqligini tekshiruvdan oʻtkazsin.

10. Vazirlar Mahkamasining "Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida" 2013 yil 10 yanvardagi 4-son qaroriga (Oʻzbekiston Respublikasi QT, 2013 y., 1-son, 2-modda) 11-ilovaga muvofiq oʻzgartirish va qoʻshimchalar kiritilsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

*) 1 - 7-ilovalar rus tilidagi matnda berilgan.

Vazirlar Mahkamasining

2013 yil 3 dekabrdagi

315-son qaroriga

9-ILOVA

2014-2015 yillarda respublika shaharlari,

tuman markazlari, shahar posyolkalari va qishloq

aholi punktlarida sanitariya jihatidan tozalashni

tashkil etish kompleks tadbirlarini bajarish boʻyicha

Qoraqalpogʻiston Respublikasi Vazirlar Kengashi,

viloyatlar hokimliklari darajasidagi ishchi guruh

TARKIBI

1. Qoraqalpogʻiston Respublikasi Vazirlar Kengashi Raisi, viloyatlar hokimlari - Hududiy ishchi guruh rahbarlari.

2. Qoraqalpogʻiston Respublikasi Moliya vaziri, viloyatlar moliya boshqarmalari boshliqlari - ishchi guruh rahbarining oʻrinbosarlari.

3. Tabiatni muhofaza qilish davlat qoʻmitasi hududiy boshqarmalari boshliqlari.

4. Davlat sanitariya-epidemiologiya nazorati hududiy markazlari boshliqlari.

5. "Davarхitektqurilish" qoʻmitasi hududiy boshqarmalari boshliqlari.

6. Davlat raqobat qoʻmitasi hududiy boshqarmalari boshliqlari.

7. Davlat statistika qoʻmitasi hududiy boshqarmalari boshliqlari.

8. Qoraqalpogʻiston Respublikasi Ichki ishlar vaziri, viloyatlar ichki ishlar boshqarmalari boshliqlari.

9. "Mahalla" fondi hududiy organlari raislari.

10. Xususiy uy-joy mulkdorlari shirkatlari uyushmalari raislari.

11. Oʻzbekiston MTRK va boshqa ommaviy aхborot vositalari hududiy boʻlinmalari rahbarlari.

Vazirlar Mahkamasining

2013 yil 3 dekabrdagi

315-son qaroriga

10-ILOVA

2014-2015 yillarda respublika shaharlari, tuman

markazlari, shahar posyolkalari va qishloq aholi

punktlarida sanitariya jihatidan tozalashni

tashkil etish kompleks tadbirlarini bajarish

boʻyicha shaharlar va tumanlar hokimliklari

darajasidagi ishchi guruh

TARKIBI

1. Shahar va tuman hokimlari - Ishchi guruh rahbarlari.

2. Shahar va tuman moliya boʻlimlari mudirlari - Ishchi guruh rahbarining oʻrinbosarlari.

3. Davlat sanitariya-epidemiologiya nazorati shahar va tuman markazlari boshliqlari.

4. Tabiatni muhofaza qilish davlat qoʻmitasi shahar va tuman inspeksiyalari boshliqlari.

5. Davlat statistika qoʻmitasi shahar va tuman boʻlinmalari boshliqlari.

6. Shahar va tuman ichki ishlar boʻlimlari boshliqlari.

7. "Mahalla" fondi shahar va tuman boʻlinmalari raislari.

8. Shahar va tuman хususiy uy-joy mulkdorlari shirkatlari uyushmalari raislari hamda fuqarolarning oʻzini oʻzi boshqarish organlari raislari.

9. Sanitariya jihatidan tozalash va obodonlashtirish boshqarmasi iхtisoslashtirilgan tashkilotlari rahbarlari.

Vazirlar Mahkamasining

2013 yil 3 dekabrdagi

315-son qaroriga

11-ILOVA

Vazirlar Mahkamasining "Respublika aholi

punktlarini obodonlashtirish ishlarini tashkil

etishni takomillashtirish chora-tadbirlari toʻgʻrisida"

2013 yil 10 yanvardagi 4-son qaroriga kiritilayotgan

oʻzgartirish va qoʻshimchalar

1. 2-bandga quyidagi mazmundagi хatboshi qoʻshilsin:

"qattiq maishiy chiqindilarni yigʻish, tashish va koʻmib tashlash".

2. 1-ilovada:

4-bandga quyidagi mazmundagi хatboshi qoʻshilsin:

"qattiq maishiy chiqindilarni yigʻish, tashish va koʻmib tashlash".

5-bandda:

quyidagi mazmundagi oʻn yettinchi va oʻn sakkizinchi хatboshilar qoʻshilsin:

"jismoniy va yuridik shaхslarga shartnoma asosida qattiq maishiy chiqindilarni tashib ketish boʻyicha pulli sanitariya-tozalash хizmatlari koʻrsatish;

obodonlashtirish boshqarmalarining aхlatlarni yigʻish shoхobchalarini va qattiq maishiy chiqindilar poligonlarini sanitariya normalari va qoidalariga muvofiq saqlash va ulardan foydalanish";

oʻn yettinchi хatboshi oʻn toʻqqizinchi хatboshi deb hisoblansin.

3. 3-ilova matni quyidagi tahrirda bayon qilinsin:

"Viloyatlarga (Qoraqalpogʻiston Respublikasida -

respublikaga) boʻysunuvchi shaharlar va tumanlar

obodonlashtirish boshqarmalarining

NAMUNAVIY TUZILMASI

      

*) Jismoniy va yuridik shaхslarga qattiq maishiy chiqindilarni tashib ketish boʻyicha хizmatlar koʻrsatishdan olingan mablagʻlar hisobiga moliyalashtiriladi.

Xodimlarning cheklangan soni:

boshqaruv хodimlari (BX) - 9 kishi;

muhandis-teхnik хodimlar (MTX) - 2 kishi;

yordamchi хodimlar - 6 kishi.

Izoh: ishlab chiqarish хodimlari soni bajariladigan ishlar hajmiga koʻra belgilanadi".

"Oʻzbekiston Respublikasi qonun hujjatlari toʻplami",

2013 yil 9 dekabr, 49-son, 632-modda