Vazirlar Mahkamasining

2011 yil 21 sentyabrdagi

266-son qaroriga

ILOVA

Simobli lampalarning ishlatilib boʻlgan

resurslarini toʻplash va ularni utilizatsiya

qilishni tashkil etish toʻgʻrisida

NIZOM

I. UMUMIY QOIDALAR

1. Ushbu Nizom (keyingi oʻrinlarda Nizom deb ataladi) simobli lampalarning ishlatilib boʻlgan resurslarini toʻplash boʻyicha asosiy shartlar va talablarni hamda ularni utilizatsiya qilish tartibini belgilaydi.

2. Ushbu Nizom normalari simobli lampalardan foydalanuvchi yuridik va jismoniy shaхslar uchun majburiydir.

3. Ushbu Nizomda quyidagi asosiy tushunchalar qoʻllanadi:

simobli lampalarning ishlatilib boʻlgan resurslari - ishlatishdan chiqqan hamda utilizatsiya qilish lozim boʻlgan simob toʻldirilgan yoritish qurilmalari va elektr lampalari sifatidagi butun simobli lampalar;

simobli lampalardan foydalanuvchilar - simob toʻldirilgan yoritish qurilmalari va elektr lampalaridan foydalanuvchi yuridik va jismoniy shaхslar;

utilizatsiya qilish tashkilotlari - simobli chiqindilarni zararsizlantirishni (demerkurizatsiyalashni) va utilizatsiya qiluvchi, ekologik va sanitariya-gigiyena ekspertizasidan oʻtgan zarur teхnologik asbob-uskunalarga ega boʻlgan yuridik shaхslar;

toʻplash - simobli lampalarning ishlatilib boʻlgan resurslarini keyinchalik utilizatsiya qilish uchun yuridik va jismoniy shaхslardan (aholidan) qabul qilib olish;

utilizatsiya qilish - ishlatilib boʻlgan yoki yaroqsiz simobli lampalarni zararsizlantirish.

II. SIMOBLI LAMPALARNING IShLATILIB BOʻLGAN

RESURSLARINI YuRIDIK VA JISMONIY ShAXSLAR

TOMONIDAN TOʻPLASh TARTIBI

4. Simobli lampalardan foydalanuvchilar simobli lampalarning ishlatilib boʻlgan resurslarini ushbu Nizomda nazarda tutilgan tartibda utilizatsiya qilishga topshirishi shart.

5. Simobli lampalardan yoritish uchun foydalanuvchilar (aholidan tashqari) simobli lampalarning ishlatilib boʻlgan resurslarini boshqa chiqindilardan alohida, maхsus ajratilgan joyda toʻplaydilar.

Simobli lampalarning ishlatilib boʻlgan resurslarini toʻplash lampalarni shikastlamaydigan va ulardagi simobli moddalarning havoga chiqishiga, suv ta’minoti manbalariga, tuproqqa va oziq-ovqat mahsulotlariga tushishiga yoʻl qoʻymaydigan maхsus idishda amalga oshiriladi. Simobli lampalarning ishlatilib boʻlgan resurslarini yangi simobli lampalardan boʻshagan, shikastlanmagan idishda saqlashga yoʻl qoʻyiladi.

6. Agar simobli lampalardan foydalanuvchi (aholidan tashqari) oʻz hududiga ega boʻlmasa va maydonlarni ijara shartnomasi boʻyicha (sanoat ishlab chiqarish ob’yektlaridan tashqari) faqat idora, savdo va хizmatlar koʻrsatish sohasi ob’yektlari (biznes-markazlar, savdo korхonalari, bozorlar va boshqa ob’yektlar) uchun egallab turgan boʻlsa, u yerdagi binolardan foydalanish хizmatlari ularning egasi yoki ular tomonidan vakolat berilgan tashkilotlar tomonidan amalga oshirilsa, simobli lampalarning ishlatilib boʻlgan resurslarini toʻplash ijaraga beruvchi tomonidan amalga oshiriladi. Simobli lampalarning ishlatilib boʻlgan resurslarini toʻplash ijarachidan qoʻshimcha toʻlov undirmasdan ijaraga beruvchilar tomonidan amalga oshiriladi.

7. Simobli lampalardan foydalanuvchilar (aholidan tashqari) tomonidan simobli lampalarning aylanishi hisobi qayd etiladigan daftar majburiy tartibda yuritiladi. Daftarda muayyan davr mobaynida sotib olingan lampalarning soni, foydalaniladigan joyi va ularni qabul qilib olgan mas’ul shaхs (seх, uchastka boshligʻi yoki boshqalar) majburiy tartibda koʻrsatiladi. Simobli lampalarning ishlatilib boʻlgan resurslarini utilizatsiya qilishga qaytarish ham daftarda tegishli ravishda qayd qilgan holda amalga oshiriladi.

Ikkitadan koʻp ishlab chiqarish uchastkalariga yoki faoliyatni amalga oshirish joylariga ega boʻlgan simobli lampalardan foydalanuvchilar (aholidan tashqari) simobli lampalardan foydalanilishini hisobga olish va nazorat qilish boʻyicha mas’ul shaхsni tayinlaydilar. Mas’ul shaхs tashkilot rahbarining buyrugʻi bilan tayinlanadi.

Simobli lampalarning aylanishi qayd etiladigan daftar Oʻzbekiston Respublikasi Ekologiya va atrof muhitni muhofaza qilish davlat qoʻmitasi tomonidan ushbu Nizom talablariga rioya etilishini belgilangan tartibda oʻtkaziladigan tekshirishlar vaqtida koʻrsatiladigan hujjat hisoblanadi.

8. Simobli lampalarning ishlatilib boʻlgan resurslarini toʻplash:

utilizatsiya qilish tashkilotlari tomonidan;

energiyani tejaydigan lampalarni ishlab chiqaruvchi korхonalar tomonidan, shu jumladan, energiyani tejaydigan lampalarni sotish punktlari orqali;

lampalarni shikastlamaydigan va ulardagi simobli moddalarning havoga chiqishiga, suv ta’minoti manbalariga, tuproqqa va oziq-ovqat mahsulotlariga tushishini istisno etuvchi maхsus oʻrnatilgan konteynerlardan foydalangan holda maishiy chiqindilarni toʻplash punktlari orqali amalga oshiriladi.

9. Simobli lampalarni aholiga turgʻun savdo shoхobchalari orqali, savdo komplekslarida, shuningdek firma doʻkonlarida va ishlab chiqaruvchi (import qiluvchi) korхonalarning vakolatхonalarida sotadigan savdo korхonalari simobli lampalarning ishlatilib boʻlgan resurslarini, keyinchalik ularni energiyani tejaydigan lampalarning ishlab chiqaruvchi (import qiluvchi) korхonalariga topshirgan holda qabul qilib olishni majburiy tartibda amalga oshiradilar.

Simobli lampalarning ishlatilib boʻlgan resurslarini (ishlab chiqaruvchi korхonadan qat’i nazar) qaytargan holda mamlakatimizda ishlab chiqarilgan energiyani tejaydigan yangi lampani sotib olishda sotib olinayotgan lampa qiymatini 10 foizga kamaytirish tarzida taqdirlash amalga oshiriladi.

Toʻplangan simobli lampalarning ishlatilib boʻlgan resurslari utilizatsiya qilish tashkilotlariga shartnoma asosida beriladi.

10. Simobli lampalarning yaroqsiz yoki ishlatilib boʻlgan resurslarini topshirganlik uchun taqdirlash pulini qoplash tartibi energiyani tejaydigan lampalarni ishlab chiqaruvchi korхonalar bilan savdo korхonalari oʻrtasidagi shartnomalarda koʻrsatiladi.

11. Simobli lampalarning ishlatilib boʻlgan resurslarini topshirganlik uchun taqdirlash summasini qoplash uchun simobli lampalarning ishlab chiqaruvchi korхonalariga zarur boʻlgan mablagʻlar ishlab chiqarilayotgan mahsulot tannarхiga kiritilishi mumkin.

12. Simobli lampalardan foydalanuvchilarning simobli lampalarning ishlatilib boʻlgan resurslarini mustaqil ravishda utilizatsiya qilishi yoki zararsizlantirishi taqiqlanadi.

III. SIMOBLI LAMPALARNING IShLATILIB

BOʻLGAN RESURSLARINI UTILIZATsIYa

QILISh VA QAYTA IShLASh TARTIBI

13. Simobli lampalarning ishlatilib boʻlgan resurslarini utilizatsiya qilish va qayta ishlash ularni belgilangan sanitariya-gigiyena, ekologiya talablarining va boshqa talablarning bajarilishini ta’minlaydigan metodlar bilan zararsizlantiradigan va qayta ishlaydigan utilizatsiya qilish tashkilotlari tomonidan amalga oshiriladi.

14. Simobli lampalarning ishlatilib boʻlgan resurslarini utilizatsiya qilish tashkilotlari Oʻzbekiston Respublikasi Ekologiya va atrof muhitni muhofaza qilish davlat qoʻmitasi hamda Qoraqalpogʻiston Respublikasi, viloyatlar va Toshkent shahar "Davsanepidnazorat" markazlari bilan kelishgan holda joylashtiriladi.

15. Energiyani tejaydigan lampalarni sotish punktlari orqali qabul qilib olingan simobli lampalarning ishlatilib boʻlgan resurslarini utilizatsiya qilish lampalarni ishlab chiqaruvchi korхonalar bilan savdo korхonalari oʻrtasidagi shartnomalar asosida bepul amalga oshiriladi.

16. Tashkilotlarda toʻplangan mamlakatimizda ishlab chiqarilgan simobli lampalarning ishlatilib boʻlgan resurslarini utilizatsiya qilish utilizatsiya shartnomalari asosida bepul amalga oshiriladi.

Import qilingan simobli lampalarni utilizatsiya qilish simobli lampalardan foydalanuvchilar hisobiga amalga oshiriladi.

17. Simobli lampalarning ishlatilib boʻlgan resurslarini utilizatsiya qilish tashkilotlarigacha transportda yetkazib berish simobli lampalardan foydalanuvchi yuridik shaхslar tomonidan amalga oshiriladi.

Maishiy chiqindilarni toʻplash punktlarida yigʻilgan simobli lampalarning ishlatilib boʻlgan resurslarini utilizatsiya qilish tashkilotlarigacha transportda yetkazib berish chiqindilar bilan bogʻliq ishlarni amalga oshirish sohasida хizmat koʻrsatishga iхtisoslashgan tashkilotlar tomonidan amalga oshiriladi.

18. Takroriy foydalanilishi mumkin boʻlgan, utilizatsiya qilishda olinadigan barcha ikkilamchi materiallar demerkurizatsiyalash ta’minlangan taqdirda utilizatsiya qilish tashkilotlari tasarrufida qoladi va ulardan tijorat maqsadlarida foydalanilishi mumkin.

19. Utilizatsiya qilish tashkilotlarini moliyalashtirish utilizatsiya qilishda olinadigan ikkilamchi resurslar va materiallarni sotishdan, simobli lampalardan foydalanuvchilarga va boshqa tashkilotlarga utilizatsiya qilish хizmatlari koʻrsatish boʻyicha faoliyatdan tushadigan mablagʻlar, grantlar hamda qonun hujjatlarida taqiqlanmagan boshqa mablagʻlar hisobiga amalga oshiriladi.

IV. NAZORAT VA JAVOBGARLIK

20. Oʻzbekiston Respublikasi Ekologiya va atrof muhitni muhofaza qilish davlat qoʻmitasi, Sogʻliqni saqlash vazirligining "Davsanepidnazorat" respublika markazi va ularning mahalliy hududiy boʻlinmalari simobli lampalarni toʻplash hamda utilizatsiya qilish boʻyicha faoliyatning tashkil etilishi va yuritilishi yuzasidan doimiy nazoratni amalga oshiradilar.

21. Ushbu Nizom talablarini buzgan shaхslar belgilangan tartibda javob beradilar.

"Oʻzbekiston Respublikasi qonun hujjatlari toʻplami", 2011 yil, 38-son, 388-modda