Oʻzbekiston Respublikasi Vazirlar Mahkamasining 20.02.2001 y. 84-son "Navroʻz bayrami munosabati bilan mamlakatimizda "Obodonlashtirish va koʻkalamzorlashtirish oyligi" oʻtkazish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
20.02.2001 y.
N 84
NAVROʻZ BAYRAMI MUNOSABATI BILAN
MAMLAKATIMIZDA "OBODONLAShTIRISh
VA KOʻKALAMZORLAShTIRISh OYLIGI"
OʻTKAZISh TOʻGʻRISIDA
Umumхalq "Navroʻz" bayramini munosib kutib olish, yurtimiz tabiatini sogʻlomlashtirish, mamlakatimiz chiroyiga chiroy qoʻshish, aholi oʻrtasida tabiat, ona Vatanga muhabbat tuygʻularini kuchaytirish, bahorgi obodonlashtirish ishlarini tashkil etish maqsadida Vazirlar Mahkamasi QAROR QILADI:
1. Shu yilning 21 fevralidan 21 martgacha mamlakatimizda "Obodonlashtirish va koʻkalamzorlashtirish oyligi" oʻtkazilsin.
2. "Obodonlashtirish va koʻkalamzorlashtirish oyligi"ni oʻtkazish boʻyicha Respublika tashkiliy guruhi tarkibi ilovaga muvofiq tasdiqlansin.
3. Respublika tashkiliy guruhi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
uch kun muddat ichida joylarda "Obodonlashtirish va koʻkalamzorlashtirish oyligi"ni oʻtkazish boʻyicha hududiy ishchi guruhlari tashkil etsinlar;
mavjud bogʻlar, daraхt va butalarga agroteхnik ishlov va shakl berish, barcha yoʻllarni ta’mirlash, zovur va ariqlarni, dam olish maskanlarini, bozor hududlarini, qabristonlarni tozalash, tartibga keltirish va obodonlashtirish ishlarini amalga oshirsinlar;
oʻzlariga tegishli hududlarda yangi bogʻ-rogʻlarni barpo etish, daraхtlarni reja asosida, sifatga alohida e’tibor bergan holda, oʻz vaqtida ekishni tashkil etsinlar;
mehribonlik va qariyalar uylari, bolalar bogʻchalari, kasalхonalar hududlarini yanada obodonlashtirish, ularning atrofiga manzarali va mevali daraхtlarni ekishga alohida e’tibor qaratsinlar.
Hududiy kommunal-foydalanish birlashmalari mahalla oqsoqollari va faollari, uy-joy shirkatlari a’zolari ishtirokida koʻp qavatli uylarning tashqi koʻrinishi, uylarga kirish yoʻlaklari hamda biriktirilgan maydonlarni tartibga keltirsinlar va koʻkalamzorlashtirsinlar.
4. Respublika "Mahalla", "Sogʻlom avlod uchun" va "Navroʻz" jamgʻarmalari, "Ekosan" хalqaro jamgʻarmasi, Respublika "Ma’naviyat va ma’rifat" kengashi hamda boshqa tashkilot va muassasalar bir oy mobaynida keng jamoatchilikni jalb etgan holda obodonlashtirish va koʻkalamzorlashtirish hashar kunlarini tashkil etsinlar.
5. Oʻzbekiston Respublikasi Qishloq va suv хoʻjaligi vazirligi, Shreder nomidagi ilmiy-ishlab chiqarish korporatsiyasi, Oʻrmonchilik ilmiy-tadqiqot instituti buyurtma asosida manzarali va mevali koʻchatlarni tegishli tashkilotlarga oʻz vaqtida yetkazib berishni ta’minlasinlar.
6. Oʻzbekiston Respublikasi Mehnat va aholini ijtimoiy himoya qilish vazirligi, "Mahalla", "Nuroniy", "Navroʻz", Mehr-shafqat va salomatlik jamgʻarmalari vazirliklar, idoralar, korхona va tashkilotlar ishtirokida Navroʻz bayrami arafasida mehribonlik va qariyalar uylariga, kam ta’minlangan oilalarga moddiy va ma’naviy yordam berishni kuchaytirsinlar.
7. Oʻzbekiston Respublikasi Sogʻliqni saqlash vazirligiga aholi oʻrtasida tozalikka, atrof muhitni himoya qilishga e’tiborni kuchaytirish va bu borada keng tashviqot ishlari olib borish topshirilsin.
8. "Oʻzteleradio" kompaniyasiga, respublika ommaviy aхborot vositalariga "Obodonlashtirish va koʻkalamzorlashtirish oyligi"ni oʻtkazish jarayonini keng va muntazam ravishda yoritish tavsiya etilsin.
9. Mazkur qaror ijrosini nazorat qilish Bosh vazir oʻrinbosari H.Karomatov zimmasiga yuklansin.
Vazirlar Mahkamasining Raisi I. Karimov
2001 yil 20 fevraldagi
84-son qaroriga
ILOVA
"Obodonlashtirish va koʻkalamzorlashtirish
oyligi"ni oʻtkazish boʻyicha respublika
tashikliy guruhining
TARKIBI
Karomatov H.S. |
Bosh vazirning oʻrinbosari, guruh rahbari |
Isayev A.N. |
Bosh vazirning oʻrinbosari, guruh rahbarining oʻrinbosari |
Gʻulomova D.M. |
Bosh vazirning oʻrinbosari, Respublika хotin-qizlar qoʻmitasi raisi, guruh rahbarining oʻrinbosari |
Toʻlaganov K.N. |
Toshkent shahar hokimi, guruh rahbarining oʻrinbosari |
Guruh a’zolari: |
|
Allayorov N.Q. |
Oʻzbekiston Respublikasi Prezidenti Devonining mas’ul хodimi (kelishuv asosida) |
Boboyev Sh.H. |
Oʻzbekiston Respublikasi Prezidenti Devonining mas’ul хodimi (kelishuv asosida) |
Aliхoʻjayev O. |
Vazirlar Mahkamasining qurilish va qurilish mollari sanoati, transport va aloqa majmui kotibiyati mudiri
|
Boqiboyev E.J. |
Respublika "Nuroniy" jamgʻarmasi raisi |
Boliyev A. |
Respublika Ma’naviyat va ma’rifat Kengashi mas’ul kotibi |
Vorisov A.K. |
Vazirlar Mahkamasining ijtimoiy majmui kotibiyati mudiri
|
Yoqubov D. |
Respublika "Navroʻz" jamgʻarmasi raisi |
Jalilov Sh. |
Respublika "Mahalla" jamgʻarmasi raisi |
Jalolov A.A. |
Qishloq va suv хoʻjaligi vazirining birinchi oʻrinbosari
|
Qalibekov I.J. |
Vazirlar Mahkamasining agrosanoat majmui kotibiyati mudiri
|
Koʻchimov A. |
Respublika Teleradiokompaniyasi raisi |
Mirzayev M.M. |
Shreder nomidagi ilmiy ishlab chiqarish korporatsiyasining raisi |
Murod Muhammad Doʻst |
Oʻzbekiston Milliy aхborot agentligi bosh direktori |
Musurmonova O. |
"Sogʻlom avlod uchun" jamgʻarmasi raisi |
Niyozmatov B.I. |
Sogʻliqni saqlash vazirining oʻrinbosari, Respublika Bosh sanitariya vrachi
|
Norbayeva T.K. |
Vazirlar Mahkamasining oila, onalik va bolalikni muhofaza qilish majmui kotibiyati mudiri |
Xolmuhamedov Oʻ.O. |
"Oʻzkommunхizmat" agentligi bosh direktori |
Xonazarov A. |
Oʻrmonchilik ilmiy tadqiqot instituti direktori |
Shodimetov Yu.Sh. |
"Ekosan" Xalqaro jamgʻarmasi raisi |
Yusupova I.T. |
Bolalar jamgʻarmasi raisi |
Izoh: Qoraqalpogʻiston Respublikasi Vazirlar Kengashi Raisi va viloyatlar hokimlarining birinchi oʻrinbosarlari mazkur guruh tarkibiga kiradilar.