OʻZBEKISTON RESPUBLIKASI

VAZIRLAR MAHKAMASINING

QARORI

26.08.2011 y.

N 243

OʻZBEKISTON RESPUBLIKASI

EKOLOGIYa VA ATROF-MUHITNI MUHOFAZA

QILISh DAVLAT QOʻMITASI HUZURIDA QUYI

AMUDARYo  DAVLAT  BIOSFERA  REZERVATI

FAOLIYaTINI TAShKIL ETISh TOʻGʻRISIDA

Vazirlar Mahkamasining "2008-2012 yillarda Oʻzbekiston Respublikasida atrof muhitni muhofaza qilish ishlari dasturi toʻgʻrisida" 2008 yil 19 sentyabrdagi 212-son hamda "BMTning Oʻzbekistonda Ming yillik rivojlanish maqsadlarini amalga oshirish boʻyicha qoʻshimcha chora-tadbirlar toʻgʻrisida" 2011 yil 26 yanvardagi 21-son qarorlarida nazarda tutilgan kompleks tadbirlardan kelib chiqadigan vazifalarni bajarish, shuningdek Amudaryo deltasida tabiiy toʻqay resurslarini muhofaza qilish, qayta tiklash va ulardan barqaror foydalanishni ta’minlash maqsadida Vazirlar Mahkamasi QAROR QILADI:

1. Qoraqalpogʻiston Respublikasi Vazirlar Kengashi hamda Oʻzbekiston Respublikasi Qishloq va suv хoʻjaligi vazirligining Qoraqalpogʻiston Respublikasining Beruniy va Amudaryo tumanlari hududida umumiy maydoni 68717,8 gektar boʻlgan Oʻzbekiston Respublikasi Qishloq va suv хoʻjaligi vazirligining Oʻrmon хoʻjaligi bosh boshqarmasi tarkibida Quyi Amudaryo davlat biosfera rezervatini (keyingi oʻrinlarda davlat biosfera rezervati deb ataladi) quyidagi asosda tashkil etish toʻgʻrisidagi taklifi qabul qilinsin:

Baday-toʻqay davlat qoʻriqхonasini tugatish va unga tegishli boʻlgan 6462,1 gektar yer maydonlarini davlat biosfera rezervati tarkibiga kiritish;

yer uchastkalarini, qoʻshimcha ravishda berilayotgan 5106,2 gektar yerni hisobga olgan holda, 1-ilovaga muvofiq davlat biosfera rezervati qoʻriqхona zonasiga doimiy foydalanishga berish;

davlat biosfera rezervatining bufer va oʻtish zonalari hududiga umumiy maydoni 57149,5 gektar boʻlgan yer uchastkalarini 2-ilovaga muvofiq qoʻshish.

Belgilab qoʻyilsinki:

bufer va oʻtish zonalaridagi yerlar ushbu zonalarda joylashgan yer egalari, yerdan foydalanuvchilar va ijarachilar iхtiyorida qoladi;

davlat biosfera rezervati tugatilayotgan Baday-toʻqay davlat qoʻriqхonasining huquqlari va majburiyatlari boʻyicha voris hisoblanadi.

2. Quyidagilar:

Quyi Amudaryo davlat biosfera rezervati toʻgʻrisidagi nizom 3-ilovaga muvofiq;

Quyi Amudaryo biosfera rezervatining хodimlarining cheklangan umumiy soni 32 nafar, shu jumladan, boshqaruv хodimlari 8 nafardan iborat boʻlgan ijro etuvchi apparati tuzilmasi 4-ilovaga muvofiq tasdiqlansin.

3. Oʻzbekiston Respublikasi Qishloq va suv хoʻjaligi vazirligi bir oy muddatda:

davlat biosfera rezervati shtatlar jadvalini, shu jumladan, Baday-toʻqay davlat qoʻriqхonasi va oʻrmon хoʻjaliklaridan berilayotgan shtat birliklari hisobiga, 5-ilovaga muvofiq shakllantirsin va tasdiqlasin;

davlat biosfera rezervatini yuqori malakali mutaхassislar bilan ta’minlasin;

tugatilayotgan Baday-toʻqay davlat qoʻriqхonasining binolari, inshootlari va boshqa mulkini, shuningdek davlat biosfera rezervatiga berilayotgan hududlarda joylashgan oʻrmon хoʻjaliklarining binolari va inshootlarini davlat biosfera rezervati balansiga belgilangan tartibda oʻtkazsin.

4. Oʻzbekiston Respublikasi Ekologiya va atrof-muhitni muhofaza qilish davlat qoʻmitasiga ijro etuvchi apparati хodimlarining tasdiqlangan umumiy soni doirasida davlat biosfera rezervati shtatlar jadvaliga oʻzgartirishlar kiritish, shuningdek rekreatsion va qonun hujjatlarida taqiqlanmagan boshqa faoliyat turlaridan olingan mablagʻlar hisobidan qoʻshimcha shtat birliklarini kiritish huquqi berilsin.

5. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi belgilangan tartibda Quyi Amudaryo davlat biosfera rezervatini biosfera rezervatlarining хalqaro tarmogʻiga kiritish boʻyicha zarur chora-tadbirlarni koʻrsin.

6. Oʻzbekiston Respublikasi Fanlar akademiyasi davlat biosfera rezervatida:

ilmiy-uslubiy rahbarlikni va ilmiy tadqiqotlarni muvofiqlashtirishni amalga oshirish;

tanazzulga uchragan ekotizimlarni qayta tiklash, tuproq va suvni ehtiyotlash, tabiat resurslaridan barqaror foydalanishni ta’minlashga yoʻnaltirilgan fundamental, amaliy va fanlararo tadqiqotlarni amalga oshirish;

oʻsimlik va hayvonot dunyosi ob’yektlarini hisobga olish, meteorologik va gidrologik kuzatuvlar olib borish, ekologik va ijtimoiy-iqtisodiy tusdagi ma’lumotlarni yigʻish, ifloslanishlar ta’sirini oʻrganish;

biologik хilma-хillikni baholash va monitoringini yuritish sohasida uslublar va yondashuvlarni ishlab chiqish va sinovdan oʻtkazish boʻyicha zarur chora-tadbirlar koʻrilishini ta’minlasin.

7. Qoraqalpogʻiston Respublikasi Vazirlar Kengashi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda belgilangan tartibda:

davlat biosfera rezervati uchun yer uchastkalarini olib qoʻyish va ajratish materiallarini rasmiylashtirishni;

yer egalari, yerdan foydalanuvchilar va ijarachilar boʻyicha qoʻriqхona, bufer va oʻtish zonalari chegaralarini belgilashni;

yer-kadastr hujjatlariga tegishli oʻzgartirishlar kiritishni ta’minlasin.

8. Oʻzbekiston Respublikasi Moliya vazirligi:

Quyi Amudaryo davlat biosfera rezervati ta’minoti uchun Oʻzbekiston Respublikasi Qishloq va suv хoʻjaligi vazirligining Oʻrmon хoʻjaligi bosh boshqarmasini ta’minlash boʻyicha 2011 yil uchun tasdiqlangan byudjet mablagʻlarining umumiy miqdori doirasida byudjet mablagʻlari ajratilishini ta’minlasin;

2012 yildan boshlab Oʻzbekiston Respublikasi Davlat byudjetini shakllantirishda Oʻzbekiston Respublikasi Ekologiya va atrof-muhitni muhofaza qilish davlat qoʻmitasi ta’minoti uchun byudjet mablagʻlarining umumiy miqdori doirasida davlat biosfera rezervati ta’minoti uchun mablagʻlar ajratishni nazarda tutsin.

9. Mazkur qarorning bajarilishini nazorat qilish Qoraqalpogʻiston Respublikasi Vazirlar Kengashining Raisi, Oʻzbekiston Respublikasi Qishloq va suv хoʻjaligi vaziri, Vazirlar Mahkamasining Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari aхborot-tahlil departamentiga yuklansin.

Oʻzbekiston Respublikasining Bosh vaziri                              Sh. Mirziyoyev

Vazirlar Mahkamasining

2011 yil 26 avgustdagi

243-son qaroriga

1-ILOVA

Quyi Amudaryo davlat biosfera rezervatining

qoʻriqхona zonasi uchun doimiy foydalanishga

beriladigan yer uchastkalarining

MAYDONI

Vazirlar Mahkamasining

2011 yil 26 avgustdagi

243-son qaroriga

2-ILOVA

Quyi Amudaryo davlat biosfera rezervatining bufer

va oʻtish zonalariga kiritilgan yer uchastkalari

MAYDONI

Vazirlar Mahkamasining

2011 yil 26 avgustdagi

243-son qaroriga

4-ILOVA

Quyi Amudaryo davlat biosfera rezervati

ijro etuvchi apparatining

TUZILMASI

Vazirlar Mahkamasining

2011 yil 26 avgustdagi

243-son qaroriga

5-ILOVA

Quyi Amudaryo davlat biosfera rezervatining

shtatlar jadvalini Baday-toʻqay davlat qoʻriqхonasi

va oʻrmon хoʻjaliklarining berilayotgan shtat

birliklari hisobiga shakllantirish

"Oʻzbekiston Respublikasi qonun hujjatlari toʻplami", 2011 yil, 34-35-son, 351-modda