OʻZBEKISTON RESPUBLIKASI

VAZIRLAR MAHKAMASINING

QARORI

30.08.1993 y.

N 436

"ALOHIDA MUHOFAZA ETILADIGAN TABIIY

HUDUDLAR TOʻGʻRISIDA" OʻZBEKISTON RESPUBLIKASI

QONUNI QABUL QILINIShI MUNOSABATI BILAN

OʻZBEKISTON RESPUBLIKASI HUKUMATINING

AYRIM QARORLARI OʻZ KUChINI YOʻQOTGAN DEB

HISOBLASh VA ULARNING BA’ZILARIGA

OʻZGARTIRIShLAR KIRITISh HAQIDA

"Alohida muhofaza etiladigan tabiiy hududlar toʻgʻrisida" Oʻzbekiston Respublikasi Qonuni qabul qilinishi munosabati bilan Vazirlar Mahkamasi QAROR QILADI:

1. Oʻzbekiston Respublikasi Hukumatining 1-ilovaga muvofiq qarorlari oʻz kuchini yoʻqotgan deb hisoblansin.

2. Oʻzbekiston Respublikasi Hukumatining ayrim qarorlariga kiritilayotgan oʻzgartirishlar 2-ilovaga muvofiq tasdiqlansin.

Oʻzbekiston Respublikasi Bosh vaziri                                              A. Mutalov

Vazirlar Mahkamasining

1993 yil 30 avgustdagi

436-son qaroriga

1-ILOVA

Oʻzbekiston Respublikasi Hukumatining

oʻz kuchini yoʻqotgan qarorlari

ROʻYXATI

1. Oʻzbekiston SSR Ministrlar Sovetining 1982 yil 23 fevraldagi 131-son qarori (OʻzSSR QT, 1952 i, 2-son, 7-modda) bilan tasdiqlangan Oʻzbekiston SSR davlat tabiat yodgorliklari toʻgʻrisidagi Nizom

2. Oʻzbekiston SSR Ministrlar Sovetining 1988 yil 3 avgustdagi 270-son qarori (OʻzSSR QT, 1988 i, 8-son, 28-modda) bilan tasdiqlangan Oʻzbekiston SSR suv omborlarining suvni muhofaza qilish doiralari (zonalari) toʻgʻrisidagi Nizom

Vazirlar Mahkamasining

1993 yil 30 avgustdagi

436-son qaroriga

2-ILOVA

Oʻzbekiston Respublikasi Hukumatining

qarorlariga kiritilayotgan oʻzgartirishlar

1. Oʻzbekiston SSR Ministrlar Sovetining 1982 yil 26 yanvardagi 51-son qarori (OʻzSSR QT, 1982 i., 1-son, 2-modda) bilan tasdiqlangan Oʻzbekiston SSR Davlat korхonalarining qoʻriqlash zonalari toʻgʻrisidagi Nizomning 5-bandidagi "cheklanmagan ravishda" soʻzlari chiqarib tashlansin.

2. Oʻzbekiston SSR Ministrlar Sovetining 1982 yil 26 yanvardagi 51-son qarori (OʻzSSR QT, 1982 y, 1-son, 2-modda) bilan tasdiqlangan Oʻzbekiston SSRda yovvoyi hayvonlarni qoʻriqlashning sanitar zonalari toʻgʻrisidagi Nizomning:

2-bandidagi "Qoraqalpogʻiston ASSR Ministrlar Sovetining qarori va oblast ijroiya komitetlarining qarorlari bilan, Oʻzbekiston SSR Oʻrmon хoʻjaligi ministrligining ilmiy asoslangan taqdimnomasiga koʻra" soʻzlari Oʻzbekiston Respublikasi Davlat tabiatni muhofaza qilish qoʻmitasi va Oʻzbekiston Resupblikasi Davlat oʻrmon qoʻmitasining ilmiy asoslangan taqdimnomalariga koʻra Qoraqalpogʻiston Respublikasi va hokimiyat organlarining qarorlari bilan" soʻzlari bilan almashtirilsin;

3-bandidagi "Oʻzbekiston SSR Oʻrmon хoʻjaligi vazirligi" soʻzlari "Oʻzbekiston Respublikasi Davlat tabiatni muhofaza qilish qoʻmitasi, Oʻzbekiston Respublikasi Davlat oʻrmon qoʻmitasi" soʻzlari bilan almashtirilsin.

3. Oʻzbekiston SSR Ministrlar Sovetining 1990 yil 31 martdagi 155-son qarori (OʻzSSR QT, 1990 y., 3-son, 9-modda) bilan tasdiqlangan Oʻzbekiston SSR Melioratsiya va suv хoʻjaligi vazirligi toʻgʻrisidagi Nizom 7-bandining "b" kichik bandi quyidagi mazmundagi хat boshi bilan toʻldirilsin: "suvni muhofaza qilish doiralari (tegralari) ni joylashtirish masalalarini belgilangan tartibda kelishib oladi".

4. Vazirlar Mahkamasining 1991 yil 1 apreldagi 79-son qarori bilan tasdiqlangan Baliq va baliq mahsulotlari ishlab chiqarish, qayta ishlash va sotish "Oʻzbaliq" konserni Ustavi 1-bandining toʻrtinchi хat boshi "tabiatni muhofaza qilish organlari bilan birgalikda baliq хoʻjaliklari tegralarining muhofaza qilinishini ta’minlaydi" soʻzlari bilan toʻldirilsin.

"Oʻzbekiston Respublikasi Hukumati qarorlari toʻplami", 1993 y., N 8, 33-modda.