Oʻzbekiston Respublikasi Vazirlar Mahkamasining 28.07.2008 y. 161-son "Baholash toʻgʻrisidagi hisobotlarning haqqoniyligini ekspertizadan oʻtkazish meхanizmini tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.07.2008 y.
N 161
BAHOLASh TOʻGʻRISIDAGI HISOBOTLARNING
HAQQONIYLIGINI EKSPERTIZADAN OʻTKAZISh
MEXANIZMINI TASDIQLASh HAQIDA
Oʻzbekiston Respublikasi Prezidentining "Baholovchi tashkilotlar faoliyatini yanada takomillashtirish va koʻrsatilayotgan хizmatlar sifati uchun ularning mas’uliyatini oshirish toʻgʻrisida" 2008 yil 24 apreldagi PQ-843-son qarorini bajarish yuzasidan Vazirlar Mahkamasi QAROR QILADI:
Baholash toʻgʻrisidagi hisobotlarning haqqoniyligini ekspertizadan oʻtkazishni tashkil etish tartibi haqidagi nizom 1-ilovaga muvofiq;
Sudlarning soʻrovnomalariga koʻra bahsli vaziyatlarda baholanadigan ob’yektlarning baholash boʻyicha materiallarini ekspertizadan oʻtkazish boʻyicha ekspert komissiyasining ishini tashkil etish tartibi toʻgʻrisidagi nizom 2-ilovaga muvofiq;
Baholash ob’yektlari bahosi boʻyicha materiallarni bahsli vaziyatlarda sudlarning soʻrovlariga koʻra ekspertizadan oʻtkazish boʻyicha ekspert komissiyasining tarkibi 3-ilovaga muvofiq tasdiqlansin.
2. Oʻzbekiston Respublikasi Davlat mulki qoʻmitasi manfaatdor vazirliklar va idoralar bilan birgalikda bir oy muddatda:
Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin;
idoraviy normativ hujjatlar ushbu qarorga muvofiqlashtirilishini ta’minlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2008 yil 28 iyuldagi
161-son qaroriga
3-ILOVA
Baholanadigan ob’yektlarning bahosi boʻyicha
materiallarini bahsli vaziyatlarda sudlarning
soʻrovnomalariga koʻra ekspertizadan oʻtkazish
boʻyicha ekspert komissiyasining
TARKIBI
Lavozimi boʻyicha |
- |
Oʻzbekiston Respublikasi Davlat aktivlarini boshqarish agentligi direktorining birinchi oʻrinbosari, komissiya raisi |
Lavozimi boʻyicha |
- |
Oʻzbekiston Respublikasi Adliya vazirligi huzuridagi X. Sulaymonova nomidagi sud ekspertizasi markazi direktori, komissiya raisining oʻrinbosari |
Lavozimi boʻyicha |
- |
Oʻzbekiston Respublikasi Davlat aktivlarini boshqarish agentligi boshqarma boshligʻi, komissiya a’zosi |
Lavozimi boʻyicha |
- |
Oʻzbekiston Respublikasi Adliya vazirligi huzuridagi X. Sulaymonova nomidagi sud ekspertizasi markazi eksperti, komissiya a’zosi |
Lavozimi boʻyicha |
- |
Baholovchi tashkilotlarning professional jamoat birlashmalari vakillari, komissiya a’zolari |
- |
ekspert |
|
- |
ekspert |
|
Lavozimi boʻyicha |
- |
Oʻzbekiston Respublikasi Davlat aktivlarini boshqarish agentligi mutaхassisi, komissiya kotibi |
Izoh.
Ekspertlar reyestriga kiritilgan ekspertlar orasidan Komissiya a’zolari Komissiyaning doimiy a’zolari tomonidan tasdiqlanadi.
Komissiyaning doimiy a’zolari boshqa ishga oʻtgan taqdirda, uning tarkibiga ushbu lavozimlariga yangi tayinlangan shaхslar kiritiladi.
"Oʻzbekiston Respublikasi qonun hujjatlari toʻplami", 2008 yil, 31-32-son, 299-modda.
Telegram kanali 