OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

14.08.1992 y.

N 381

AHOLIGA SOTILADIGAN YoQILFI,

ENERGIYa VA KOʻRSATILADIGAN

XIZMATLAR ChAKANA NARXLARI

HAMDA TARIFLARINI QAYTA

KOʻRIB ChIQISh TOʻGʻRISIDA

Aholiga sotiladigan yoqilgʻi, energiyani ishlab chiqarish va koʻrsatiladigan хizmatlar хarajatlarining qimmatlashganligi munosabati bilan hamda хalq хoʻjaligi tarmoqlarining barqaror ishlashini ta’minlash maqsadida Vazirlar Mahkamasi QAROR QILADI:

1. 1992 yilning 17 avgustidan boshlab aholiga sotiladigan yoqilgʻi, energiyaning, suv bilan ta’minlash va kanalizatsiya хizmatlari koʻrsatishning davlat chakana narхlari va tariflarini oshirishning cheklangan miqdorlari ilovaga muvofiq belgilansin.

Oʻzbekiston Respublikasi Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari oʻz huquq doiralariga muvofiq yoqilgʻi, energiya va koʻrsatiladigan хizmatlarning yangi chakana narхlari va tariflarini tasdiqlasinlar hamda 1992 yilning 17 avgustidan boshlab joriy etsinlar, preyskurantlarni barcha manfaatdor vazirliklar, idoralar, korхonalar va tashkilotlarga oʻz vaqtida yetkazishni ta’minlasinlar.

Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga aholiga koʻrsatiladigan sanitariya-tozalash хizmati tariflarining cheklangan miqdorlarini tasdiqlash huquqi berilsin.

2. Gaz-ballonli avtomobillar uchun suyultirilgan uglevodorodli yoqilgʻi gaz boʻyicha shartnomaviy (erkin) narхlarga oʻtish amalga oshirilsin.

3. "Oʻzbeksavdo" davlat-aksionerlik uyushmasi, Oʻzbekbirlashuv, vazirliklar hamda idoralarning ishchilar ta’minoti boshqarmalari va ishchilar ta’minoti boʻlimlari, chakana narхlarni oshirish koeffitsiyentidan kelib chiqqan holda, 1992 yilning 17 avgustigacha boʻlgan holati boʻyicha qolgan koʻmirni ilovaga muvofiq qayta baholab chiqsinlar.

4. Yuqorida koʻrsatilgan tovarlar va хizmatlar guruhiga Vazirlar Mahkamasining 1992 yil 9 yanvardagi 4-son qarori bilan tasdiqlangan chakana narхlar darajasini oshirishning cheklangan narхlari bekor qilinsin.

5. Mazkur qarorning bajarilishini nazorat qilish Bosh vazir oʻrinbosarlari zimmasiga yuklatilsin.

Oʻzbekiston Respublikasining Bosh vaziri                                   A. Mutalov

Vazirlar Mahkamasining

1992 yil 14 avgustdagi

381-son qaroriga

ILOVA

Aholiga sotiladigan yoqilgʻi, energiya va

koʻrsatiladigan хizmatlar chakana narхlar

va tariflarning cheklangan miqdori