Oʻzbekiston Respublikasi Vazirlar Mahkamasining 15.05.1998 y. 212-son "Oʻzbekiston Respublikasi Yer kodeksini, "Qishloq хoʻjaligi kooperativi (shirkat хoʻjaligi) toʻgʻrisida"gi, "Fermer хoʻjaligi toʻgʻrisida"gi, "Dehqon хoʻjaligi toʻgʻrisida"gi Oʻzbekiston Respublikasi qonunlarini hayotga tatbiq etish chora-tadbirlari haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
15.05.1998 y.
N 212
OʻZBEKISTON RESPUBLIKASI
YeR KODEKSINI, "QIShLOQ XOʻJALIGI KOOPERATIVI
(ShIRKAT XOʻJALIGI) TOʻGʻRISIDA"GI, "FERMER
XOʻJALIGI TOʻGʻRISIDA"GI, "DEHQON XOʻJALIGI
TOʻGʻRISIDA"GI OʻZBEKISTON RESPUBLIKASI
QONUNLARINI HAYoTGA TATBIQ ETISh
ChORA-TADBIRLARI HAQIDA
Qishloq хoʻjaligida oʻtkazilayotgan iqtisodiy islohotlarning amaliyligi va samaradorligini yuksaltirish, Oʻzbekiston Respublikasi Oliy Majlisining oʻn birinchi sessiyasida qabul qilingan Oʻzbekiston Respublikasi Yer kodeksini, "Qishloq хoʻjaligi kooperativi (shirkat хoʻjaligi) toʻgʻrisida"gi, "Fermer хoʻjaligi toʻgʻrisida"gi, "Dehqon хoʻjaligi toʻgʻrisida"gi Oʻzbekiston Respublikasi Qonunlarini hayotga tatbiq etish jarayonlarini davlat nazoratida ushlash hamda bu muhim masalani amalga oshirishda oʻziboʻlarchilik va oʻzboshimchalikka yoʻl qoʻymaslik maqsadida Vazirlar Mahkamasi QAROR QILADI:
2. Respublika komissiyasi Oʻzbekiston Respublikasining mazkur qonunlarini hayotga tatbiq etish boʻyicha me’yoriy-huquqiy hujjatlar hamda Vazirlar Mahkamasining tegishli qarorlari loyihalarini tayyorlashni bir yarim oy muddatda ta’minlasin.
Belgilab qoʻyilsinki, ushbu me’yoriy-huquqiy hujjatlarda va Vazirlar Mahkamasining tegishli qarorlarida nazarda tutilgan tadbirlarning bosqichma-bosqich amalga oshirilishi tartibi, shart-sharoitlari va muddatlari koʻrsatilsin.
3. Respublika komissiyasi 1998 yil 1 iyulgacha Oʻzbekiston Respublikasi Yerdan foydalanish va yer unumdorligini saqlash davlat qoʻmitasini tuzish toʻgʻrisida Oʻzbekiston Respublikasi Prezidentining Farmoni va mazkur Qoʻmita faoliyati toʻgʻrisida Vazirlar Mahkamasi qarori loyihalarini tayyorlasin.
4. Oʻzbekiston Respublikasi Adliya vazirligi yuqorida qayd etilgan me’yoriy-huquqiy hujjatlar loyihalarini tegishli tartibda huquqiy ekspertizadan oʻtkazishni ta’minlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I. Joʻrabekov zimmasiga yuklansin.
Vazirlar Mahkamasining Raisi I. Karimov