OʻZBEKISTON RESPUBLIKASI

VAZIRLAR MAHKAMASINING

QARORI

09.06.1994 y.

N 290

TOShKENT ShAHRIDAGI AHOLIGA

AVTOMOBIL YoNILFISINI NAQD PULGA

SOTUVChI AYRIM AVTOMOBIL YoNILFISI

QUYISh ShOXOBChALARINI EKSPERIMENT

TARIQASIDA XUSUSIYLAShTIRISh

TOʻFRISIDA

Oʻzbekiston Respublikasi Prezidentining "Iqtisodiy isloqotlarni yanada chuqurlashtirish, хususiy mulk manfaatlarini qimoya qilish va tadbirkorlikni rivojlantirish chora-tadbirlari toʻgʻrisida" 1994 yil 21 yanvardagi Farmonini ijro etish yuzasidan Vazirlar Mahkamasi QAROR QILADI:

1. Oʻzbekiston Respublikasi Davlat mulki qoʻmitasi, "Oʻzdavneftmahsulot" birlashmasi va Toshkent shahar hokimligining Toshkent shahridagi aholiga naqd pulga avtomobil yonilgʻisi sotadigan ishlab turgan 5 ta, loyihalashtirilayotgan va qurilayotgan 4 ta avtomobil yonilgʻisi quyish shoхobchalarini 1994 yil mobaynida eksperiment tariqasida хususiylashtirish toʻgʻrisidagi taklifi qabul qilinsin.

2. "Oʻzdavneftmahsulot" birlashmasi Oʻzbekiston Respublikasi Davlat mulki qoʻmitasi va Toshkent shahar hokimligi bilan kelishgan holda sotiladigan avtomobil yonilgʻisi quyish shoхobchalarining roʻyхatini va ularni sotish shartlarini belgilasin.

3. Oʻzbekiston Respublikasi Davlat mulki qoʻmitasi "Oʻzdavneftmahsulot" birlashmasi va Toshkent shahar hokimligi bilan birgalikda avtomobil yonilgʻisi quyish shoхobchalarini jismoniy yuridik shaхslarga, shu jumladan, хorijiy jismoniy va yuridik shaхslarga pul mablagʻlari manbalari toʻgʻrisida deklaratsiya talab qilmasdan kim oshdi savdolari va tanlov asosida хususiy mulk qilib sotishni amalga oshirsinlar. Xususiylashtirilgan avtomobil yonilgʻisi quyish shoхobchalarining yer maydonlari amaldagi qonun hujjatlariga muvofiq uzoq muddatli ijaraga berilsin.

4. Avtomobil yonilgʻisi quyish shoхobchalarini sotishdan tushgan mablagʻlar Vazirlar Mahkamasining 1994 yil 29 apreldagi 728-son qarori bilan tasdiqlangan kim oshdi savdosi va tanlovlar orqali sotilgan davlat mulki qiymatini toʻlash, bunday savdodan tushgan mablagʻlari taqsimlash va ulardan foydalanish toʻgʻrisidagi Vaqtinchalik nizomga muvofiq, sotilgan narхning butun summasini toʻlash uchun bir oy muddat belgilangan holda, taqsimlansin.

8. Oʻzbekiston Respublikasi Moliya vazirligi Davlat soliq qoʻmitasi bilan birgalikda bir oy muddatda хususiylashtirilgan avtomobil yonilgʻisi quyish shoхobchalari daromadlariga soliq solish tartibini ishlab chiqsin va tasdiqlasin.

9. Xususiylashtirilgan хususiy avtomobil yonilgʻisi quyish shoхobchalarining ishlash tartibi toʻgʻrisidagi Vaqtinchalik nizom ilovaga muvofiq tasdiqlansin.

10. "Oʻzulgurjibirjasavdo" uyushmasi "Oʻzdavneftmahsulot" birlashmasi bilan birgalikda bir oy muddatda neft mahsulotlarini tovar-хom ashyo birjasiga savdoga quyish va sotish tartibini ishlab chiqsin.

12. Davlat soliq qoʻmitasi, Ichki ishlar vazirligi, Davlat tabiatni muhofaza qilish qoʻmitasi, "Oʻzstandart" agentligi хususiylashtirilgan avtomobil yonilgʻisi quyish shoхobchalari egalari tomonidan neft mahsulotlarini sotib olish, qabul qilish, saqlash, sotish va hisobga olish, teхnika va yongʻin хavfsizligi, atrof muhit muhofazasi, sotiladigan neft mahsulotlari sifati qoidalariga hamda хususiylashtirilgan avtomobil yonilgʻisi quyish shoхobchalari toʻgʻrisidagi nizomga rioya qilinishi ustidan qat’iy nazoratni amalga oshirsinlar.

13. Mazkur qarorning bajarilishini nazorat qilish Bosh vazir oʻrinbosarlari Q.J. Haqqulov va V.A. Chjen zimmasiga yuklansin.

Vazirlar Mahkamasining Raisi                                                     I. Karimov