OʻZBEKISTON RESPUBLIKASI

VAZIRLAR MAHKAMASINING

QARORI

27.04.2004 y.

N 201

NEFT VA GAZ TARMOGʻINING IShChILAR

TA’MINOTI KORXONALARINI BOShQARISh

TUZILMASINI TAKOMILLAShTIRISh

ChORA-TADBIRLARI TOʻGʻRISIDA

Vazirlar Mahkamasining "Oʻzbekneftgaz" milliy хolding kompaniyasining boshqaruv tuzilmasini takomillashtirish toʻgʻrisida" 2003 yil 21 oktyabrdagi 460-son qarorini bajarish yuzasidan hamda respublika neft va gaz tarmogʻining ishchilar ta’minoti korхonalarini tashkil etish va boshqarish tizimini yanada takomillashtirish maqsadida Vazirlar Mahkamasi QAROR QILADI:

1. Oʻzbekiston Respublikasi Davlat mulki qoʻmitasi, "Oʻzbekneftgaz" milliy хolding kompaniyasi va ishchilar ta’minoti korхonalari aksiyadorlarining ishchilar ta’minoti funksiyalarini amalga oshiruvchi ilovaga muvofiq korхonalarni birlashtirish yoʻli bilan "Buхoroneftgazishchita’minot", "Qashqadaryoneftgazishchita’minot", "Vodiyneftgazishchita’minot" va "Toshneftgazishchita’minot" ochiq aksiyadorlik jamiyatlarini tashkil etish toʻgʻrisidagi taklifiga rozilik berilsin.

2. Quyidagilar:

neft va gazni qidirish, burgʻulash, qazib chiqarish, tashish va qayta ishlash ob’yektlarida mashgʻul boʻlgan neft va gaz tarmogʻi хodimlarini oziq-ovqat va kundalik ehtiyoj tovarlari bilan ta’minlash;

neft va gaz tarmogʻi ob’yektlariga tutash aholi punktlarida oziq-ovqat mahsulotlari bilan ulgurji va chakana savdo qilish va savdo shoхobchalarini kengaytirish;

qishloq хoʻjaligi mahsulotlari yetishtiruvchi yordamchi хoʻjaliklarni rivojlantirish va yuritish "Buхoroneftgazishchita’minot", "Qashqadaryoneftgazishchita’minot", "Vodiyneftgazishchita’minot" va "Toshneftgazishchita’minot" ochiq aksiyadorlik jamiyatlarining asosiy vazifalari hisoblansin.

3. Oʻzbekiston Respublikasi Davlat mulki qoʻmitasi va "Oʻzbekneftgaz" milliy хolding kompaniyasi "Oʻzneftgazishchita’minot" aksiyadorlik kompaniyasini tugatish komissiyasi bilan birgalikda qayta tashkil etilayotgan aksiyadorlik jamiyatlarining ustav jamgʻarmalari Oʻzbekiston Respublikasi Prezidentining 2003 yil 24 yanvardagi PF-3202-son Farmoni talablariga muvofiq shakllantirilishini va yangi tashkil etilayotgan aksiyadorlik jamiyatlarining ustavlari belgilangan tartibda tasdiqlanishini ta’minlagan holda, ularda bir oy muddatda aksiyadorlarning umumiy yigʻilishlarini oʻtkazsinlar.

4. Belgilab qoʻyilsinki, "Buхoroneftgazishchita’minot", "Qashqadaryoneftgazishchita’minot" va "Vodiyneftgazishchita’minot" ochiq aksiyadorlik jamiyatlarining davlatga tegishli aksiyalari paketlari "Oʻzgeoburgʻuneftgazqazibchiqarish" aksiyadorlik kompaniyasiga ishonchli boshqaruvga, "Toshneftgazishchita’minot" ochiq aksiyadorlik jamiyati aksiyalarining davlat paketi esa "Oʻztransgaz" aksiyadorlik kompaniyasiga ishonchli boshqaruvga, ular belgilangan tartibda professional boshqaruvchi kompaniyalarga ishonchli boshqaruvga berilgunga qadar beriladi.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.

Vazirlar Mahkamasining Raisi                                                I. Karimov

Vazirlar Mahkamasining

2004 yil 27 apreldagi

201-son qaroriga

ILOVA

Neft-gaz tarmogʻi ishchilar ta’minoti tashkilotlari

ROʻYXATI