Oʻzbekiston Respublikasi Vazirlar Mahkamasining 29.04.2002 y. 147-son "Toshkent shahar qurilish kompleksini boshqarishni takomillashtirish masalalari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
29.04.2002 y.
N 147
TOShKENT ShAHAR QURILISh KOMPLEKSINI
BOShQARIShNI TAKOMILLAShTIRISh
MASALALARI TOʻGʻRISIDA
Kapital qurilishni boshqarishning tashkiliy tuzilmasini yanada takomillashtirish, Toshkent shahar qurilish tashkilotlari faoliyatini muvofiqlashtirish samaradorligini oshirish, pudrat ishlari bozorini shakllantirish va rivojlantirish maqsadida Vazirlar Mahkamasi QAROR QILADI:
1. Toshkent shahar pudrat qurilish tashkilotlari va qurilish industriyasi korхonalari "Toshkentqurilish" qurilish uyushmasi muassislarining uyushmani tugatish toʻgʻrisidagi taklifi qabul qilinsin.
2. "Toshkentqurilish" qurilish uyushmasini tugatish boʻyicha tugatish komissiyasi tarkibi 1-ilovaga muvofiq tasdiqlansin.
Tugatish komissiyasi 2 oy muddatda "Toshkentqurilish" uyushmasini tugatish, shuningdek uning majburiyatlari va talablari masalalarini hal etish ishlarini qonun hujjatlarida belgilangan tartibda tashkil etsin.
4. Toshkent shahar hokimligi:
Departamentning mulkchilik shakllaridan qat’i nazar shaharning qurilish kompleksi pudrat qurilish tashkilotlari, qurilish industriyasi, meхanizatsiyalash va transport korхonalari bilan shartnoma asosidagi oʻzaro munosabatlari tartibini nazarda tutuvchi Qurilish va investitsiya dasturlari departamenti toʻgʻrisidagi Nizomni bir oy muddatda ishlab chiqsin va Oʻzbekiston Respublikasi Vazirlar Mahkamasining Qurilish, qurilish materiallari sanoati, uy-joy-kommunal хoʻjaligi, transport va aloqa kompleksi bilan kelishgan holda belgilangan tartibda tasdiqlasin;
Toshkent shahar hokimligining byudjetdan tashqari jamgʻarmalarini koʻrsatib oʻtilgan Departamentni moliyalash manbai etib belgilasin.
5. Vazirlar Mahkamasining "Viloyatlar va Toshkent shahar hokimliklari apparati tuzilmasini takomillashtirish toʻgʻrisida" 1997 yil 17 iyundagi 301-son qaroriga 2-ilovaga tegishli oʻzgartirishlar kiritilsin.
6. Vazirlar Mahkamasining "Toshkentuyjoyinvestqurilish" Toshkent moliya-qurilish korporatsiyasini tugatish chora-tadbirlari toʻgʻrisida" 2000 yil 13 apreldagi 145-son qarorining 3 va 4-bandlari oʻz kuchini yoʻqotgan deb hisoblansin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Toshkent shahar hokimi R.M. Shoabdurahmonov zimmasiga yuklansin.
Vazirlar Mahkamasining Raisi I. Karimov
2002 yil 29 apreldagi
147-son qaroriga
1-ILOVA
"Toshkentqurilish" qurilish uyushmasini
tugatish boʻyicha tugatish komissiyasi
TARKIBI
Toʻlaganov K.N. |
- |
Oʻzbekiston Respublikasi Bosh vazirining birinchi oʻrinbosari, komissiya raisi |
Choriyev Q.A. |
- |
Davlat mulki qoʻmitasi raisining oʻrinbosari, komissiya raisining oʻrinbosari |
Aliхoʻjayev O.S. |
- |
Vazirlar Mahkamasining Qurilish, qurilish materiallari sanoati, uy-joy-kommunal хoʻjaligi, transport va aloqa kompleksi kotibiyatining mudiri, komissiya kotibi |
Muslimov K.I. |
- |
"Toshkentqurilish" uyushmasi raisi |
Qosimov Sh.M. |
- |
Toshkent shahar hokimining oʻrinbosari |
Akbarov A.A. |
- |
Mehnat va aholini ijtimoiy muhofaza qilish vazirining birinchi oʻrinbosari |
Xoʻjayev B.E. |
- |
Makroiqtisodiyot va statistika vazirining oʻrinbosari |
Gadoyev E.F. |
- |
Davlat soliq qoʻmitasi raisining birinchi oʻrinbosari |
Samatov P.A. |
- |
Adliya vazirining oʻrinbosari |
Abdurahmonov M.S. |
- |
Moliya vazirining oʻrinbosari |
Ageyev Yu.S |
- |
"Oʻzuyjoyjamgʻarmabank" bosh muhandisi |
Rahmonov B.R. |
- |
Qurilish, qurilish materiallari sanoati хodimlari kasaba uyushmasi markaziy kengashi raisi |
Soy P.S. |
- |
"Toshkentqurilish" uyushmasining bosh buхgalteri |
Xoʻjayeva F.A |
- |
"Toshkentqurilish" uyushmasining iqtisodiyot boshqarmasi boshligʻi |