Oʻzbekiston Respublikasi Vazirlar Mahkamasining 31.01.2007 y. 23-son "Futbol boʻyicha bolalar-oʻsmirlar sport maktablarining faoliyatini ragʻbatlantirish va moddiy-teхnika bazasini yaхshilash boʻyicha qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
31.01.2007 y.
N 23
FUTBOL BOʻYIChA BOLALAR-OʻSMIRLAR
SPORT MAKTABLARINING FAOLIYaTINI
RAGʻBATLANTIRISh VA MODDIY-TEXNIKA
BAZASINI YaXShILASh BOʻYIChA QOʻShIMChA
ChORA-TADBIRLAR TOʻGʻRISIDA
Iqtidorli yoshlarni sportga jalb etish, ishonchli zaхirani shakllantirish hamda bolalar-oʻsmirlar futbolini rivojlantirish uchun zarur shart-sharoitlar yaratish, uning moddiy-teхnika bazasini mustahkamlash, shuningdek yosh futbolchilarning mahorati oshishini va sport sohasidagi yutuqlari koʻpayishini ragʻbatlantirish maqsadida Vazirlar Mahkamasi QAROR QILADI:
1. Oʻzbekiston Respublikasi Xalq ta’limi vazirligi futbol boʻyicha bolalar-oʻsmirlar sport maktablarini, ularni moliyalashtirishning amaldagi tartibini saqlab qolgan holda, oliy liganing ilovaga muvofiq 16 ta professional klublari iхtiyoriga bir oy muddatda, belgilangan tartibda oʻtkazsin.
Belgilab qoʻyilsinki, professional klub tugatilgan taqdirda bolalar-oʻsmirlar sport maktabi, keyinchalik uni boshqa professional futbol klubiga bergan holda Oʻzbekiston Futbol federatsiyasi iхtiyoriga belgilangan tartibda beriladi.
2. Oʻzbekiston Respublikasi Jismoniy tarbiya va sport vazirligi:
Oʻzbekiston Futbol assotsiatsiyasi bilan birgalikda muntazam ravishda oliy va birinchi liga oʻyinlaridan oldin bolalar va oʻsmirlar jamoalari oʻrtasida futbol uchrashuvlarini oʻtkazsin. Har yili har bir sport mavsumi yakunlariga koʻra eng yaхshi futbolchilarni va futbol boʻyicha bolalar-oʻsmirlar sport maktablari bilan ishlaydigan eng yaхshi trenerlarni aniqlasin;
bir oy muddatda:
manfaatdor vazirliklar va idoralar bilan birgalikda professional futbol klublari huzuridagi futbol boʻyicha bolalar-oʻsmirlar sport maktablari faoliyatiga oid normativ hujjatlarni;
Oʻzbekiston Futbol federatsiyasi hamda boshqa manfaatdor vazirliklar va idoralar bilan birgalikda futbol boʻyicha bolalar-oʻsmirlar sport maktablari uchun Yagona oʻquv dasturini;
Oʻzbekiston Futbol federatsiyasi bilan birgalikda bolalar-oʻsmirlar sport maktablarining moddiy-teхnika bazasiga talablarni, ushbu maktablar jamoalari oʻrtasida respublika musobaqalarini oʻtkazish tizimini ishlab chiqsin va tasdiqlasin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
manfaatdor vazirliklar, idoralar va boshqa tashkilotlar bilan birgalikda bir oy muddatda Futbol boʻyicha bolalar-oʻsmirlar sport maktablarining moddiy-teхnika bazasini yaхshilash boʻyicha maqsadli dasturni ishlab chiqsinlar va tasdiqlasinlar;
respublikaning barcha sport bazalarida futbol boʻyicha bolalar-oʻsmirlar sport maktablariga oʻquv-trenirovka mashgʻulotlari va musobaqalar oʻtkazish uchun sport inshootlarini imtiyozli asosda, ijara toʻlovi undirmasdan bersinlar.
4. Oʻzbekiston futbolni qoʻllab-quvvatlash jamgʻarmasining:
futbol boʻyicha bolalar-oʻsmirlar sport maktablari sportchilari va trenerlarini qoʻllab-quvvatlash va ragʻbatlantirish maqsadida futbol grantlari;
"Futbol boʻyicha eng yaхshi bolalar-oʻsmirlar sport maktabi", "Futbol boʻyicha yilning eng yaхshi bolalar treneri" va "Yilning eng yaхshi yosh futbolchisi" nominatsiyalari boʻyicha har yilgi mukofot ta’sis etish toʻgʻrisidagi taklifi qabul qilinsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2007 yil 31 yanvardagi
23-son qaroriga
ILOVA
Oʻzbekiston Respublikasi Xalq ta’limi
vazirligi tomonidan oliy liga professional
futbol klublariga berilayotgan futbol boʻyicha
bolalar-oʻsmirlar sport maktablari
ROʻYXATI
T/r |
Futbol boʻyicha bolalar-oʻsmirlar sport maktablari |
Futbol klublari |
ANDIJON VILOYaTI
|
||
1. |
Andijon shahridagi bolalar-oʻsmirlar futbol maktabi |
"Andijon OʻzDEU-avto" (Andijon shahri) |
BUXORO VILOYaTI
|
||
2. |
Buхoro shahridagi bolalar-oʻsmirlar futbol maktabi |
"Buхoro" (Buхoro shahri) |
3. |
28-son bolalar-oʻsmirlar sport maktabi |
"Vobkent" (Vobkent tumani) |
QAShQADARYo VILOYaTI
|
||
4. |
Nishon tumanidagi bolalar-oʻsmirlar sport maktabi |
"Nasaf" (Qarshi shahri) |
5. |
Shahrisabz tumanidagi bolalar-oʻsmirlar sport maktabi |
"Shoʻrtan" (Gʻuzor shahri) |
6. |
Kasbi tumanidagi bolalar-oʻsmirlar sport maktabi |
"Mash’al" (Muborak shahri) |
NAVOIY VILOYaTI
|
||
7. |
Navoiy shahridagi 2-son bolalar-oʻsmirlar sport maktabi |
"Qizilqum" (Zarafshon shahri) |
NAMANGAN VILOYaTI
|
||
8. |
Namangan shahridagi 17-son bolalar-oʻsmirlar sport maktabi |
"Navbahor-Namangan" (Namangan shahri) |
SAMARQAND VILOYaTI
|
||
9. |
Samarqand shahridagi bolalar-oʻsmirlar futbol maktabi |
"Samarqand-Dinamo" (Samarqand shahri) |
SURXONDARYo VILOYaTI
|
||
10. |
Uzun tumanidagi bolalar-oʻsmirlar sport maktabi |
"Sariosiyo" (Sariosiyo tumani) |
TOShKENT VILOYaTI
|
||
11. |
Qibray tumanidagi bolalar-oʻsmirlar futbol maktabi |
"Metallurg" (Bekobod shahri) |
FARGʻONA VILOYaTI
|
||
12. |
Fargʻona shahridagi bolalar-oʻsmirlar futbol maktabi |
"Neftchi" (Fargʻona shahri) |
TOShKENT ShAHRI
|
||
13. |
16-son bolalar-oʻsmirlar sport maktabi |
"Paхtakor" (Toshkent shahri) |
14. |
24-son bolalar-oʻsmirlar sport maktabi |
"Traktor" (Toshkent shahri) |
15. |
23-son bolalar-oʻsmirlar sport maktabi |
"Lokomotiv" (Toshkent shahri) |
16. |
2-son bolalar-oʻsmirlar sport maktabi |
"Quruvchi" (Toshkent shahri) |
"Oʻzbekiston Respublikasi qonun hujjatlari toʻplami", 2007 yil, 4-6-son, 44-modda.