OʻZBEKISTON RESPUBLIKASI

OLIY MAJLISINING

QARORI

02.12.2004 y.

N 705-II

"OʻZBEKISTON RESPUBLIKASI OLIY MAJLISI

QONUNChILIK PALATASI DEPUTATINING VA

SENATI A’ZOSINING MAQOMI TOʻGʻRISIDA"GI

OʻZBEKISTON RESPUBLIKASI QONUNINI

AMALGA KIRITISh HAQIDA

Oʻzbekiston Respublikasi Oliy Majlisi QAROR QILADI:

1. "Oʻzbekiston Respublikasi Oliy Majlisi Qonunchilik palatasi deputatining va Senati a’zosining maqomi toʻgʻrisida"gi Oʻzbekiston Respublikasi Qonuni Oʻzbekiston Respublikasi Oliy Majlisining Qonunchilik palatasiga saylov hamda Senatini shakllantirish yakunlariga koʻra amalga kiritilsin.

2. Oʻzbekiston Respublikasi Hukumati (Sh. Mirziyoyev) oʻz qarorlarini "Oʻzbekiston Respublikasi Oliy Majlisi Qonunchilik palatasi deputatining va Senati a’zosining maqomi toʻgʻrisida"gi Oʻzbekiston Respublikasi Qonuniga muvofiqlashtirsin, vazirliklar, davlat qoʻmitalari va idoralari mazkur Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini ta’minlasin.

3. Qoraqalpogʻiston Respublikasi Joʻqorgʻi Kengesiga Qoraqalpogʻiston Respublikasi Joʻqorgʻi Kengesining deputati maqomini tartibga soluvchi qonunni ishlab chiqish hamda qabul qilish tavsiya etilsin.

4. Belgilab qoʻyilsinki, Qoraqalpogʻiston Respublikasi Joʻqorgʻi Kengesining deputati butun Oʻzbekiston Respublikasi hududida Qoraqalpogʻiston Respublikasi Joʻqorgʻi Kengesining, sessiyalar oraligʻidagi davrda esa, Qoraqalpogʻiston Respublikasi Joʻqorgʻi Kengesi Rayosatining roziligisiz jinoiy javobgarlikka tortilishi, ushlab turilishi, qamoqqa olinishi yoki unga nisbatan sud tartibida beriladigan ma’muriy jazo qoʻllanilishi mumkin emas, Qoraqalpogʻiston Respublikasi Joʻqorgʻi Kengesi Rayosatining bu masalaga doir qarori keyinchalik Qoraqalpogʻiston Respublikasi Joʻqorgʻi Kengesi tasdigʻiga kiritiladi.

Qoraqalpogʻiston Respublikasi Joʻqorgʻi Kengesining deputatiga nisbatan jinoyat ishi Oʻzbekiston Respublikasi Bosh prokurori, Qoraqalpogʻiston Respublikasi prokurori tomonidan qoʻzgʻatilishi mumkin.

Qoraqalpogʻiston Respublikasi Joʻqorgʻi Kengesining deputatini majburiy keltirishga, shuningdek uning uy-joyi, хizmat хonasini, yuki, shaхsiy va хizmat transporti vositalarini, yozishmalarini, u foydalanayotgan aloqa vositalarini, shuningdek unga tegishli hujjatlarni koʻzdan kechirishga yoʻl qoʻyilmaydi.

Oʻzbekiston Respublikasi

Oliy Majlisining Raisi                                                    E. Xalilov

"Oʻzbekiston Respublikasi qonun hujjatlari toʻplami", 2005 yil, 3-4-son, 19-modda.