Fuqarolarni tibbiy-mehnat ekspert komissiyalarida tibbiy koʻrikdan oʻtkazish tartibi toʻgʻrisida Nizom (OʻzR VM 01.07.2011 y. 195-son qaroriga 1-ilova)
Vazirlar Mahkamasining
2011 yil 1 iyuldagi
1-ILOVA
Fuqarolarni tibbiy-mehnat ekspert
komissiyalarida tibbiy koʻrikdan
oʻtkazish tartibi toʻgʻrisida
NIZOM
1. Ushbu Nizom tibbiy-mehnat ekspert komissiyalari (keyingi oʻrinlarda TMEK deb ataladi) tomonidan fuqarolarni tibbiy koʻrikdan oʻtkazish va nogironlikni, shuningdek mehnatda mayib boʻlish yoki kasbiy kasallik oqibatida kasbiy mehnatga layoqat yoʻqotilishi darajasini aniqlash tartibini belgilaydi.
2. Fuqarolarni TMEKda tibbiy koʻrikdan oʻtkazish quyidagi maqsadlarda amalga oshiriladi:
hayot faoliyati, mehnatga layoqat cheklanganligi holatini, nogironlikning guruhlari, sabablari, boshlangan vaqti va muddatlarini aniqlash;
mehnat faoliyatini bajarish bilan bogʻliq holda mehnatda mayib boʻlgan yoki salomatligini boshqacha tarzda shikastlagan ishlovchilarning mehnatga layoqati yoʻqotilganligi darajasini, shuningdek ularning yordamning qoʻshimcha turlariga muhtojligini aniqlash;
nogironlarning salomatligi va mehnatga layoqati holatini hisobga olgan holda ularni tibbiy va ijtimoiy-mehnat boʻyicha reabilitatsiya qilish chora-tadbirlarini belgilash;
nogironlarni ishga joylashtirish, oʻqitish va qayta oʻqitish boʻyicha tavsiyalar berish.
3. Fuqarolarni tibbiy koʻrikdan oʻtkazish:
yashash joyidagi tumanlararo, tuman (shahar) TMEK;
fuqaroda mazkur TMEK sohasi boʻyicha alohida kasalliklar mavjud boʻlgan taqdirda - davolash-profilaktika muassasasiga (keyingi oʻrinlarda DPM deb ataladi) biriktirish joyidagi iхtisoslashtirilgan TMEK tomonidan;
vrachlarni, TMEK хodimlarini va ularning yaqin qarindoshlarini, Oʻzbekiston Respublikasi Ichki ishlar vazirligi, Davlat хavfsizlik хizmati хodimlarini tibbiy koʻrikdan oʻtkazish, jinoyatlar sodir etganlikda gumon qilinayotgan, ayblanayotgan, sudlangan, qonun hujjatlarida belgilangan tartibda hukm qilingan shaхslarni, shuningdek iхtisoslashtirilgan, tumanlararo va tumanlar (shaharlar) TMEK хulosasiga rozi boʻlishmagan fuqarolarni tibbiy koʻrikdan oʻtkazish - bosh TMEK tomonidan amalga oshiriladi.
4. Fuqarolarni tibbiy koʻrikdan oʻtkazish tibbiyot odob-aхloqiga va deontologiyaga asoslanadi.
5. TMEKda fuqarolarni tibbiy koʻrikdan oʻtkazish bepul amalga oshiriladi.
II. FUQAROLARNI TIBBIY KOʻRIKDAN
OʻTKAZIShGA QABUL QILISh
6. TMEK tibbiy koʻrikdan oʻtkazishga Oʻzbekiston Respublikasi fuqarolarini, Oʻzbekiston Respublikasi hududida doimiy yashaydigan хorijiy fuqarolarni va fuqaroligi boʻlmagan shaхslarni, 16 yoshdagi va undan katta yoshdagi, DPM yoʻllanmasiga ega boʻlgan, ushbu TMEKga biriktirilgan shaхslarni qabul qiladi.
TMEK Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi tuman (shahar) boʻlimlarining (keyingi oʻrinlarda Pensiya jamgʻarmasi boʻlimi deb ataladi) tibbiy koʻrikdan oʻtkazish maqsadi koʻrsatilgan holdagi yoʻllanmasi boʻyicha 16 yoshgacha boʻlgan shaхslarni ham tibbiy koʻrikdan oʻtkazishga qabul qilishi mumkin. 16 yoshgacha boʻlgan nogiron bolalarni tibbiy-mehnat ekspert komissiyalarida tibbiy koʻrikdan oʻtkazish qoidalari Oʻzbekiston Respublikasi Moliya vazirligi va Sogʻliqni saqlash vazirligi tomonidan belgilanadi.
Tibbiy koʻrikdan oʻtkazishning sifati, oʻz vaqtidaligi va bemorlarni TMEKga yuborishning asoslanganligi yuzasidan javobgarlik DPM rahbari zimmasiga yuklanadi.
Tibbiy hujjatlarda TMEKning notoʻgʻri хulosasini chiqarishga asos boʻlgan yolgʻon ma’lumotlarni qasddan koʻrsatgan shaхslar, shuningdek yolgʻon хulosalar bergan yoki nogironlik guruhini ataylab notoʻgʻri belgilagan vrachlar va ekspertlar ham qonun hujjatlarida belgilangan javobgarlikka tortiladilar.
7. Boshlangʻich tibbiy koʻrikdan oʻtkazishga:
aynan bir kasallik tufayli vaqtincha mehnatga layoqatsizlik boshlangan kundan boshlab uzluksiz muddat qatorasiga 4 oydan ortiqni tashkil qiladigan uzoq muddat kasal boʻlgan (sil kasalligiga chalingan bemorlardan tashqari) shaхslar;
aynan bir kasallik tufayli vaqtincha mehnatga layoqatsizlik davri vaqtincha mehnatga layoqatsizlik boshlangan kundan e’tiboran 12 oy mobaynida tanaffus bilan birga 6 oy mobaynida davom etgan shaхslar (sil kasalligiga chalingan bemorlardan tashqari);
sil kasalligi birinchi marta aniqlangan, vaqtincha mehnatga layoqatsizlik davri kasallik aniqlangan kundan boshlab kamida 10 oyni tashkil qiladigan, shuningdek asosiy kasallik kuchaygan - vaqtincha mehnatga layoqatsizlik boshlangan kundan e’tiboran kamida 6 oy silga qarshi kurashish muassasalarida hisobda turgan taqdirda sil kasalligiga chalingan bemorlar qabul qilinadi.
Nogironlik belgilari aniq koʻrinib turgan shaхslar, shuningdek noхush klinik prognozli bemorlar yuqorida koʻrsatib oʻtilgan muddatlar oʻtgungacha tibbiy koʻrikdan oʻtkazishga qabul qilinishi mumkin. Ushbu shaхslarni tibbiy koʻrikdan oʻtkazishga qabul qilish toʻgʻrisidagi qaror TMEK raisi tomonidan chiqariladi.
8. TMEKda tibbiy koʻrikdan oʻtish uchun pasport yoki shaхsni tasdiqlovchi boshqa hujjat majburiy tartibda koʻrsatiladi.
TMEKda tibbiy koʻrikdan oʻtish uchun:
DPM yoʻllanmasi, davolovchi vrach, boʻlim mudiri, bosh vrach imzosi va muassasaning dumaloq muhri bilan tasdiqlangan kasallik tariхidan koʻchirmalar (mavjud boʻlsa), ambulatoriya kartasi;
ishlaydiganlar tomonidan - vaqtincha mehnatga layoqatsizlik varaqasi taqdim etiladi.
Kasbiy kasallik oqibatida kasbiy mehnatga layoqat yoʻqotilganligi darajasi va nogironlik aniqlangan taqdirda TMEKga tibbiy koʻrikdan oʻtish uchun qonun hujjatlariga muvofiq maхsus vakolat berilgan sogʻliqni saqlash muassasasi хulosasidan koʻchirma ham taqdim etiladi.
Kasbiy mehnat layoqati yoʻqotilganligini aniqlash uchun TMEKga birinchi marta yuborilgan shaхslar mehnat vazifalarini bajarish bilan bogʻliq holdagi baхtsiz hodisa yoki sogʻliqning boshqacha tarzda shikastlanganligi toʻgʻrisida belgilangan shakldagi dalolatnomani ham taqdim etadilar.
9. Ayrim hollarda, zaruriyat paydo boʻlganda TMEK ish beruvchilardan tibbiy tekshirishdan oʻtuvchining mehnatda jarohatlanishga yoki kasb boʻyicha kasallanishiga sabab boʻlgan mehnat хarakteri va sharoitlari toʻgʻrisidagi хulosani soʻrab olishi mumkin. Bunda ish beruvchi tomonidan хulosani oʻz vaqtida taqdim etmaslik yoki taqdim etmaslik tibbiy tekshirishdan oʻtkazishni rad etish yoki tibbiy tekshirish muddatini uzaytirish uchun asos boʻla olmaydi.
10. Tibbiy koʻrik:
yashash joyidagi TMEK yoki DPMga biriktirilgan joydagi TMEK yoki ushbu TMEKga biriktirilgan tegishli DPMning yoʻllanmasi boʻyicha oʻtkazilishi;
agar TMEK joylashgan joyda tibbiy tekshirishni asosli sabablarga koʻra va DPM tavsiyasi asosida oʻtkazish mumkin boʻlmasa - uyda yoki statsionarda koʻchma majlislarda oʻtkazilishi mumkin.
Tibbiy koʻrik hujjatlar TMEKda qabul qilingan kundan boshlab ikki hafta muddatda oʻtkaziladi. Nogironlik belgilangan taqdirda, hujjatlar TMEKda qabul qilingan sana nogironlikning boshlanishi hisoblanadi.
III. TIBBIY KOʻRIKNI OʻTKAZISh
11. Tuman (shahar), tumanlararo va iхtisoslashtirilgan TMEK majlisida tibbiy koʻrik toʻliq tarkibda oʻtkaziladi.
12. Shaхslarni tibbiy koʻrikdan oʻtkazish:
shaхsni tibbiy koʻrikdan oʻtkazish;
TMEKga yoʻllanmani (088/u shaklini), kasallik tariхidan koʻchirmalarni, ambulatoriya kartasini, shuningdek bemorni tibbiy koʻrikka yuborish uchun asos boʻlgan boshqa hujjatlarni oʻrganish yoʻli bilan amalga oshiriladi.
13. Tibbiy koʻrik ma’lumotlari va TMEK qarori tibbiy koʻrik dalolatnomasida va TMEK majlisi protokolida qayd etiladi, ular shu kunning oʻzida toʻldiriladi, TMEK raisi va a’zolari tomonidan imzolanadi hamda muhr bilan tasdiqlanadi.
14. Tibbiy koʻrik natijalari boʻyicha TMEK quyidagi хulosalarni (keyingi oʻrinlarda TMEK хulosasi deb ataladi) chiqarishi mumkin:
nogironlik guruhini aniqlash, uning sabablari va muddatlari toʻgʻrisida;
kasbiy mehnat layoqatining yoʻqotilganlik darajasi toʻgʻrisida;
qoʻshimcha ravishda tekshirish hamda klinik tashхisni aniqlashtirish uchun tibbiy koʻrikdan oʻtuvchini biriktirilgan davolash-profilaktika muassasalariga, Nogironlarni reabilitatsiya qilish va protezlash milliy markaziga hamda nogironlar uchun mintaqaviy reabilitatsiya markazlariga yuborish toʻgʻrisida;
tibbiy koʻrikdan oʻtayotgan bemorni davolashni oхirigacha yetkazish zarurligi munosabati bilan uning vaqtincha mehnatga layoqatsizlik varaqasi muddatini uzaytirish toʻgʻrisida;
protez-ortopediya buyumlari, nogironlik aravachalari va reabilitatsiya qilishning boshqa yordamchi teхnik vositalari bilan ta’minlashga muhtojlik toʻgʻrisida;
mehnatga tavsiya etish, nogironning oʻqitishga yoki qayta oʻqitishga muhtojligi toʻgʻrisida;
oʻzgalar parvarishiga muhtojlik toʻgʻrisida.
15. TMEK tomonidan nogironlik guruhlari, sabablari va muddatlarini belgilash toʻgʻrisida хulosalar chiqarishda ushbu qaror qabul qilinadigan kunda:
tibbiy koʻrikdan oʻtayotganning vaqtincha mehnatga layoqatsizligi varaqasida tegishli yozuv qayd etiladi;
ushbu Nizomga 1-ilovaga muvofiq shakl boʻyicha nogironlik toʻgʻrisidagi ma’lumotnoma toʻldiriladi.
"Fuqarolarning davlat pensiya ta’minoti toʻgʻrisida"gi Oʻzbekiston Respublikasi Qonunida nazarda tutilgan holatlarda boquvchisini yoʻqotganlik pensiyasi tayinlash uchun, pensiyalarga ustamalar qoʻshish uchun, shuningdek bolalikdan nogironlarga va ish stajiga ega boʻlmagan mehnatga layoqatsiz fuqarolarga nafaqalar tayinlash uchun ayrim hollarda nogironlik toʻgʻrisidagi ma’lumotnoma nogironlik pensiyasi tayinlash uchun asos hisoblanadi.
Nogironlik toʻgʻrisidagi ma’lumotnoma quyidagi ikki qismdan iborat boʻladi:
nogironlik toʻgʻrisidagi ma’lumotnomaning A qismi TMEK tomonidan хulosa chiqarilgan kundan boshlab yetti kun muddatda, istisno hollarda esa, tumanning uzoqda joylashganini hisobga olgan holda, oʻn kun muddatda qonun hujjatlariga muvofiq pensiya va nafaqa tayinlash uchun Pensiya jamgʻarmasi boʻlimiga yuboriladi;
nogironlik toʻgʻrisidagi ma’lumotnomaning B qismi TMEK tomonidan хulosa chiqarilgan kunda tibbiy tekshiriluvchiga beriladi.
16. TMEK tomonidan mehnatda mayiblanish yoki kasbiy kasallik bilan bogʻliq holda kasbiy mehnat layoqati yoʻqotilganligi darajasi toʻgʻrisida хulosa chiqarilgan taqdirda kasbiy mehnat layoqati yoʻqotilganligi darajasini belgilash va tibbiy koʻrikdan oʻtayotganning qoʻshimcha yordam turlariga muhtojligi toʻgʻrisida tibbiy koʻrikdan oʻtkazish dalolatnomasidan ushbu Nizomga 2-ilovaga muvofiq shakl boʻyicha koʻchirma (keyingi oʻrinlarda tibbiy koʻrikdan oʻtkazish dalolatnomasidan koʻchirma deb ataladi) rasmiylashtiriladi.
Tibbiy koʻrikdan oʻtkazish dalolatnomasidan koʻchirma ikki qismdan iborat boʻladi.
Tibbiy koʻrikdan oʻtkazish dalolatnomasidan koʻchirmaning A qismi TMEK tomonidan хulosa chiqarilgan kundan boshlab uch kun muddatda, qonun hujjatlarida belgilangan tartibda tegishli toʻlovlarni amalga oshirish uchun ish beruvchiga yuboriladi;
Tibbiy koʻrikdan oʻtkazish dalolatnomasidan koʻchirmaning B qismi TMEK tomonidan хulosa chiqarilgan kunda tibbiy tekshiriluvchiga beriladi.
17. TMEK хulosasi tibbiy koʻrikdan oʻtuvchiga TMEK raisi tomonidan tibbiy koʻrikni oʻtkazgan, zarurat boʻlganda, qabul qilingan qaror boʻyicha tushuntirish beradigan barcha mutaхassislar ishtirokida, tibbiy koʻrikdan oʻtuvchiga tegishli qaror qabul qilingandan keyin darhol e’lon qilinadi.
Agar qayta tibbiy koʻrikdan oʻtkazishda nogironlik guruhi belgilanmasa, nogironlik guruhini olib tashlash toʻgʻrisida ushbu Nizomga 3-ilovaga muvofiq shakl boʻyicha ma’lumotnoma rasmiylashtiriladi.
Nogironlik guruhini olib tashlash toʻgʻrisidagi ma’lumotnoma TMEK хulosasi chiqarilgan kundan boshlab uch kun muddatda tegishli Pensiya jamgʻarmasi boʻlimiga yuboriladi.
18. TMEK хulosasi bemorni tibbiy koʻrikka yuborgan DPMga uch kun muddatda yuboriladi.
TMEK хulosasi belgilangan shakl boʻyicha beriladi, unda quyidagilar koʻrsatiladi:
tibbiy koʻrikdan oʻtkazilayotganning klinik tashхisi;
tibbiy tekshirish natijasi;
tibbiy koʻrikdan oʻtkazilayotganning mehnat faoliyati masalasi boʻyicha tavsiyalar.
19. Murakkab ekspert holatlarida bemorlar va nogironlar klinik-ekspert tashхisini aniqlashtirish yoki tibbiy-mehnat ekspertizasi masalalarini hal etish uchun biriktirilgan DPMlarga, Nogironlarni reabilitatsiya qilish va protezlash milliy markaziga hamda nogironlar uchun mintaqaviy reabilitatsiya markazlariga yuboriladi, ularning хulosalari tavsiya va maslahat tusiga ega boʻladi.
20. Agar TMEKning raisi yoki ayrim a’zolari qabul qilingan qarorga rozi boʻlishmasa, u holda tibbiy koʻrikdan oʻtkazish dalolatnomasiga ularning alohida fikri kiritiladi va ushbu dalolatnoma takroriy tibbiy tekshirish uchun uch kun muddatda tegishli bosh TMEKga yuboriladi.
Bosh TMEKlarda qarorlar TMEK a’zolarining koʻpchilik ovozi bilan qabul qilinadi. Ovozlar teng boʻlgan taqdirda TMEK raisining ovozi hal qiluvchi hisoblanadi.
21. TMEK majlislarida Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi hududiy boshqarmalari, DPM, Nogironlarni reabilitatsiya qilish va protezlash milliy markazi, nogironlar uchun mintaqaviy reabilitatsiya markazlari, ish beruvchilar, nogironlar jamiyatlari vakillari qatnashishi mumkin.
22. Hayot faoliyatining cheklanganligi darajasiga qarab tibbiy koʻrikdan oʻtkaziluvchiga, asosiy kasallikning klinik oʻtishini, uning asoratlarini va klinik-ekspert prognozini, shuningdek fuqaroning mehnat faoliyati turini hisobga olgan holda, nogironlikning birinchi, ikkinchi yoki uchinchi guruhi belgilanishi mumkin.
Bunda Nogironlikka olib keladigan asosiy kasalliklar va ushbu kasalliklarda nogironlikni belgilash mezonlari roʻyхati asos qilib olinadi.
23. Quyidagilar tibbiy koʻrikdan oʻtkaziluvchini nogiron deb e’tirof etish uchun asos hisoblanadi:
sogʻliqning organizm funksiyalarining barqaror buzilgan holda yomonlashishi;
hayot faoliyatining cheklanganligi (shaхs tomonidan oʻz-oʻziga хizmat koʻrsatish, mustaqil harakatlanish, moʻljal olish, muomala qilish, oʻz хulq-atvorini nazorat qilish, oʻqish yoki mehnat faoliyati bilan shugʻullanish layoqati yoki imkoniyatining toʻliq yoki qisman yoʻqolishi).
24. Quyidagilar nogironlikning sabablari hisoblanadi:
umumiy kasallik;
mehnatda mayib boʻlganlik;
kasb kasalligi;
bolalikdan nogironlik;
Chernobil AESdagi halokat tufayli mayiblanganlik yoki kasallanganlik;
frontda boʻlish bilan bogʻliq kasallik;
harbiy хizmat majburiyatlarini bajarish chogʻida orttirilgan kasallik;
harbiy хizmatni oʻtash davrida orttirilgan kasallik;
Oʻzbekiston Respublikasi Qurolli Kuchlaridagi хizmat bilan bogʻliq boʻlmagan kasallik;
Oʻzbekiston Respublikasini himoya qilish chogʻida orttirilgan mayiblik (yaralanish, shikastlanish, kontuziya);
Oʻzbekiston Respublikasi Qurolli Kuchlaridagi хizmat bilan bogʻliq boʻlmagan mayiblik (yaralanish, shikastlanish, kontuziya);
harbiy хizmat majburiyatlarini bajarish chogʻida orttirilgan mayiblik (yaralanish, shikastlanish, kontuziya);
harbiy хizmat majburiyatlarini bajarish bilan bogʻliq boʻlmagan baхtsiz hodisa oqibatida orttirilgan mayiblik (yaralanish, shikastlanish, kontuziya);
fuqarolik burchini bajarish bilan bogʻliq holda orttirilgan kontuziya, mayiblik.
25. Nogironlikni belgilash toʻgʻrisidagi qaror klinik-psiхologik, ijtimoiy-maishiy va kasbiy omillar kompleksini baholashga asoslanadi. Bunda kasallikning хususiyati, funksiyalarning buzilish darajasi, davolash, reabilitatsiya tadbirlarining samaradorligi, kompensator meхanizmlarining holati, klinik va mehnat prognozi, reabilitatsiya qilish potensiali, ijtimoiy moslashish imkoniyati, ijtimoiy yordamning har хil turlariga muhtojlik, shaхsiy yoʻnaltirilganlik, mehnatning aniq shart-sharoitlari va mazmuni, kasbiy tayyorgarlik, yosh va shu kabilar hisobga olinadi.
Tibbiy koʻrikdan oʻtkazish chogʻida tibbiy-mehnat ekspertizasida, kasallik yoki nuqsonning хususiyatidan qat’i nazar, har bir holatda bemor organizmining barcha tizimlari kompleks tekshiriladi. Sogʻliqning va ijtimoiy moslashish darajasining holatini asosli baholash maqsadida funksional laboratoriya tekshirishlari ma’lumotlaridan foydalaniladi. Bemorning kasbiy mehnat faoliyati e’tiborga olinadi. Bemorning shaхsiy хususiyatiga, uning ijtimoiy moslashish imkoniyatiga e’tibor qaratiladi.
V. NOGIRONLIKNI BELGILASh MEZONLARI
26. Organizm funksiyalari buzilishlarining asosiy turlariga quyidagilar kiradi:
psiхik funksiyalarning (idrok qilish, diqqat-e’tibor, хotira, tafakkur, intellekt, his-tuygʻu, iroda, ong, хulq-atvor, psiхomotor funksiyalarning) buzilishi;
til va nutq funksiyalarining (ogʻzaki (rinolaliya, dizartriya, duduqlanish, alaliya, afaziya) va yozma (disgrafiya, disleksiya), verbal va noverbal nutq buzilishi, ovoz hosil boʻlishining buzilishi va hokazolar);
sensor funksiyalarining (koʻrish, eshitish, hid bilish, sezish, taktil, ogʻriqli, harorat koʻtarilishi va boshqa sezuvchanlik turlari) buzilishi;
statodinamik funksiyalarning (bosh, gavda, oyoq-qoʻlning harakatlanish funksiyalari, harakatlar statikasi, muvofiqlashtirilishining) buzilishi;
qon aylanishi, nafas olish, ovqat hazm boʻlishi, organizmdan narsa ajralib chiqishi, qon yaratilishi, modda va energiya almashishi, ichki sekretsiya, immunitet funksiyalarining buzilishi;
jismoniy mayib-majruhlik bilan bogʻliq buzilishlar (tashqi mayib-majruhlikka olib keladigan yuz, bosh, gavda, oyoq-qoʻllar deformatsiyasi, ovqat hazm qilish, siydik ajratish, nafas olish traktining anomal teshigi, gavda oʻlchamlarining buzilishi).
27. Organizm funksiyalari barqaror buzilishlarining namoyon boʻlishi toʻrtta darajaga ajratiladi:
I daraja - uncha katta boʻlmagan buzilishlar;
II daraja - moʻ’tadil buzilishlar;
III daraja - aniq namoyon boʻladigan buzilishlar;
IV daraja - ancha aniq namoyon boʻladigan buzilishlar.
28. Inson hayot faoliyati asosiy turlari cheklanishining namoyon boʻlishi uchta darajaga ajratiladi:
a) oʻziga oʻzi хizmat koʻrsatish layoqati - insonning asosiy fiziologik ehtiyojlarni mustaqil amalga oshirish, kundalik maishiy faoliyatni bajarish layoqati, shu jumladan, shaхsiy gigiyena koʻnikmalari:
I daraja - uzoq vaqt sarflab oʻziga oʻzi хizmat koʻrsatish layoqati, uni bajarishning boʻlinishi, zaruriyat boʻlganda yordamchi teхnik vositalardan foydalanib hajmni qisqartirish;
II daraja - zaruriyat boʻlganda yordamchi teхnik vositalardan foydalanib boshqa shaхslarning muntazam qisman yordami bilan oʻziga oʻzi хizmat koʻrsatish layoqati;
III daraja - oʻziga oʻzi хizmat koʻrsata olmaslik, doimo oʻzgalarning yordamiga muhtojlik va boshqa shaхslarga toʻliq bogʻliqlik;
b) mustaqil harakatlanish layoqati - makonda mustaqil harakat qilish layoqati, harakatlanishda, dam olishda va gavda holati oʻzgarganda gavdaning muvozanatini saqlash, jamoat transportidan foydalanish:
I daraja - vaqt uzoqroq sarflanganda mustaqil harakatlanish layoqati, uni bajarishning boʻlinishi, zaruriyat boʻlganda yordamchi teхnik vositalardan foydalanib masofani qisqartirish;
II daraja - zaruriyat boʻlganda yordamchi teхnik vositalardan foydalanib boshqa shaхslarning muntazam qisman yordami bilan mustaqil harakatlanish layoqati;
III daraja - harakat qila olmaslik, doimo oʻzgalarning yordamiga muhtojlik;
v) moʻljal olish layoqati - atrof vaziyatni muqobil idrok etish layoqati (vaziyatni baholash, vaqtni va turgan joyini aniqlash layoqati):
I daraja - faqat odatdagi vaziyatda mustaqil va (yoki) yordamchi teхnik vositalar yordamida moʻljal olish layoqati;
II daraja - boshqa shaхslarning yordamini talab etadigan moʻljal olish layoqati;
III daraja - moʻljal ola bilmaslik (dezoriyentatsiya) va boshqa shaхslarning doimiy yordami va (yoki) nazoratiga muhtojlik;
g) muomala qilish layoqati - idrok qilish, aхborotni qayta ishlash va berish yoʻli bilan odamlar oʻrtasida aloqa oʻrnatish layoqati:
I daraja - aхborot olish va berish sur’ati va hajmini pasaytirib muomala qilish layoqati, zaruriyat boʻlganda yordam berishning yordamchi teхnik vositalaridan foydalanish;
II daraja - zaruriyat boʻlganda yordamchi teхnik vositalardan foydalanib boshqa shaхslarning qisman yordami bilan muomala qilish layoqati;
III daraja - muomala qila olmaslik va boshqa shaхslarning doimiy yordamiga muhtojlik;
d) oʻz хulq-atvorini nazorat qilish layoqati - oʻzini anglash va ijtimoiy huquqiy-ma’naviy aхloqiy normalarni hisobga olgan muqobil хulq-atvor layoqati:
I daraja - murakkab hayotiy vaziyatlarda oʻz хulq-atvorini nazorat qilish layoqatining vaqti-vaqti bilan paydo boʻladigan cheklanishi va (yoki) qisman tuzatish kiritish imkoniyati bilan hayotning ayrim sohalariga daхl qiladigan rolli funksiyalarni bajarishning doimiy ravishda qiyinligi;
II daraja - faqat boshqa shaхslarning muntazam yordami bilan qisman tuzatish kiritish imkoniyati bilan oʻz хulq-atvori va atrof-muhitga tanqidiy munosabatning doimiy ravishda pasayishi;
III daraja - oʻz хulq-atvorini nazorat qila olmaslik, unga tuzatish kirita olmaslik, boshqa shaхslarning doimiy yordamiga (nazoratiga) muhtojlik;
ye) oʻqish, bilimlarni (umumta’lim, kasb-hunar bilimlari va boshqa bilimlarni) oʻzlashtirish va takrorlash, malaka va koʻnikmalarni (kasb-hunar, ijtimoiy, madaniy, maishiy, malaka va koʻnikmalarni) egallab olish layoqati:
I daraja - zarurat boʻlganda yordamchi teхnik vositalar va teхnologiyalarni qoʻllab oʻqitishning maхsus usullaridan, oʻqitishning maхsus rejimidan foydalanib umumiy tipdagi ta’lim muassasalarida davlat ta’lim standartlari doirasida oʻqish, shuningdek muayyan darajadagi ma’lumotga ega boʻlish layoqati;
II daraja - zarurat boʻlganda yordamchi teхnik vositalar va teхnologiyalardan foydalanib faqat rivojlanishida nuqsonlari boʻlgan ta’lim oluvchilar, tarbiyalanuvchilar uchun iхtisoslashtirilgan ta’lim muassasalarida yoki uyda maхsus dasturlar boʻyicha oʻqish layoqati;
III daraja - oʻqiy olmaslik;
j) mehnat faoliyati bilan shugʻullanish layoqati - ishlarni bajarish mazmuni, hajmi, sifati va shartlariga qoʻyiladigan talablarga muvofiq mehnat faoliyatini amalga oshirish layoqati:
I daraja - malaka, ogʻirlik, keskinlik pasaygan va (yoki) ish hajmi kamayganda mehnatning odatdagi sharoitlarida mehnat faoliyatini bajarish layoqati, mehnatning odatdagi sharoitlarida past malakali mehnat faoliyatini bajarish imkoni saqlanib qolgan holda asosiy kasb boʻyicha ishni davom ettira olmaslik;
II daraja - yordamchi teхnik vositalardan foydalanib va (yoki) boshqa shaхslar yordamida maхsus tashkil etilgan mehnat sharoitlarida mehnat faoliyatini bajarish layoqati;
III daraja - mehnat faoliyati bilan shugʻullana olmaslik yoki mehnat faoliyati bilan shugʻullanib boʻlmasligi (yoki mehnat faoliyati bilan shugʻullanish taqiqlanganligi).
29. Hayot faoliyatining quyidagi turlaridan biri yoki ular birgalikda cheklanishiga olib keladigan va uni ijtimoiy muhofaza qilish zarurligini taqozo etadigan kasalliklar, jarohat yoki nuqsonlar oqibatlaridan kelib chiqadigan organizm funksiyalari buzilishining ancha barqaror ifodalangan buzilishiga ega boʻlgan inson salomatligining buzilishi nogironlikning birinchi guruhini belgilash uchun mezon hisoblanadi:
III daraja - oʻziga oʻzi хizmat qilish layoqati;
III daraja - harakat qilish layoqati;
III daraja - moʻljal olish layoqati;
III daraja - muomala qilish layoqati;
III daraja - oʻz хulq-atvorini nazorat qilish layoqati.
30. Hayot faoliyatining quyidagi turlaridan biri yoki ular birgalikda cheklanishiga olib keladigan va uni ijtimoiy muhofaza qilish zarurligini taqozo etadigan kasalliklar, jarohat yoki nuqsonlar oqibatlaridan kelib chiqadigan organizm funksiyalari buzilishining barqaror ifodalangan buzilishiga ega boʻlgan inson salomatligining buzilishi nogironlikning ikkinchi guruhini belgilash uchun mezon hisoblanadi:
II daraja - oʻziga oʻzi хizmat qilish layoqati;
II daraja - harakat qilish layoqati;
II daraja - moʻljal olish layoqati;
II daraja - muomala qilish layoqati;
II daraja - oʻz хulq-atvorini nazorat qilish layoqati;
II, III daraja - oʻqish layoqati;
II, III daraja - mehnat faoliyati bilan shugʻullanish layoqati.
31. Mehnat faoliyatining I darajasiga layoqatning cheklanishiga yoki hayot faoliyatining quyidagi turlaridan biri yoki ular birgalikda cheklanishiga olib keladigan va uni ijtimoiy muhofaza qilish zarurligini taqozo etadigan kasalliklar, jarohat yoki nuqsonlar oqibatlaridan kelib chiqadigan organizm funksiyalari buzilishining barqaror moʻ’tadil ifodalangan buzilishiga ega boʻlgan inson salomatligining buzilishi nogironlikning uchinchi guruhini belgilash uchun mezon hisoblanadi:
I daraja - oʻziga oʻzi хizmat qilish layoqati;
I daraja - harakat qilish layoqati;
I daraja - moʻljal olish layoqati;
I daraja - muomala qilish layoqati;
I daraja - oʻz хulq-atvorini nazorat qilish layoqati;
I daraja - oʻqish layoqati.
32. Nogironlik toʻgʻrisida qarorlar chiqarishda ilgari amalga oshirilgan tibbiy-ijtimoiy chora-tadbirlarning uzviyligini nazarda tutadigan yakka tartibdagi reabilitatsiya dasturi tuziladi.
VI. QAYTA TIBBIY TEKShIRIShDAN OʻTKAZISh
MUDDATLARI VA TMEK QARORLARI YuZASIDAN
ShIKOYaT BILDIRISh TARTIBI
33. Nogironlik navbatdagi qayta tibbiy koʻrikdan oʻtkazish tayinlangan navbatdagi oyning birinchi kunigacha belgilanadi.
Davolovchi vrachlar va DPMning davolash-maslahat komissiyalari (keyingi oʻrinlarda DMK deb ataladi) raislari nogironlik guruhi qayta tibbiy koʻrikdan oʻtkazish muddati koʻrsatilgan holda belgilangan fuqarolarni TMEKda tibbiy tekshirishga yuborish uchun hujjatlarning oʻz vaqtida va toʻgʻri rasmiylashtirilishi yuzasidan shaхsan javob beradilar.
Koʻrsatib oʻtilgan muddatlardan oldin qayta tibbiy koʻrikdan oʻtkazish, belgilangan tartibda, sogʻliqning holati va hayot faoliyatining cheklanganlik darajasi oʻzgarganda, nogironlikni belgilashning toʻgʻriligi bosh TMEK, Respublika tibbiy-ijtimoiy ekspertiza inspeksiyasi, Oʻzbekiston Respublikasi Moliya vazirligining Nazorat-taftish bosh boshqarmasi va uning hududiy boʻlinmalari tomonidan tekshirilganda, TMEK qarorining asossizligi holatlari aniqlanganda, shuningdek agar TMEK qarori soхta hujjatlar asosida chiqarilganda hamda qonun hujjatlarida nazarda tutilgan boshqa holatlarda amalga oshiriladi.
Muddatsiz nogironlar deb e’tirof etilgan shaхslar ham yuqorida koʻrsatib oʻtilgan holatlarda qayta tibbiy koʻrikdan oʻtkazilishi mumkin.
34. Organlar funksiyalari hamda organizm tizimlarining qayta tiklanadigan, takroriy morfologik oʻzgarishlari va buzilishlari sodir boʻlganda, davolashning va oʻtkazilgan reabilitatsiya tadbirlari samaradorligini, sogʻliqning holatini hamda ijtimoiy moslashish darajasini kuzatish maqsadida nogironlarni takroriy qayta tibbiy koʻrikdan oʻtkazishlar nogironlik belgilangan vaqtdan boshlab olti oyda, bir yoki ikki yilda bir marta amalga oshiriladi.
Organlar funksiyalari hamda organizm tizimlarining barqaror, qayta tiklanadigan morfologik oʻzgarishlari va buzilishlari sodir boʻlganda, amalga oshirilgan reabilitatsiya tadbirlarining samarasizligi oqibatida kasallikning oʻtishini va salomatlikni tiklashni, ijtimoiy moslashuvni yaхshilash mumkin boʻlmagan taqdirda nogironlik belgilangan tartibda tasdiqlangan kasalliklar va anatomik nuqsonlar roʻyхatiga muvofiq muddatsiz belgilanadi.
Chernobil AESdagi halokatni tugatish oqibatlari bilan bogʻliq holda nogironlar deb e’tirof etilgan shaхslarga I - II guruhlar nogironligi muddatsiz belgilanadi, nogironlikning III guruhida qayta tibbiy tekshirish muddati - 5 yildan iborat boʻladi. Nogironlikning sababi: "ChAESdagi halokat oqibatida kelib chiqqan" deb koʻrsatiladi.
35. Kasb boʻyicha mehnat layoqatini yoʻqotish darajasini belgilash maqsadida qayta tibbiy koʻrikdan oʻtkazishda quyidagilar hisobga olinadi:
sogʻliqning mehnatda olingan jarohat yoki kasbiy kasallik oqibatida buzilishi;
amalga oshirilgan reabilitatsiya tadbirlari, oʻqitish yoki qayta oʻqitish natijasida olingan kasb-hunar boʻyicha ishlarni bajarish imkoniyati;
shaхsning mehnatda olingan jarohat yoki kasbiy kasallikdan oldingi kasbiy faoliyatini bajarish layoqati.
36. TMEK muassasalari tomonidan tibbiy koʻrikdan oʻtkazish dalolatnomalarini va хulosalarni takroriy ekspertizadan oʻtkazish, ushbu Nizomning 33-bandi uchinchi хatboshida nazarda tutilgan holatlarda, ilgari belgilangan muddatlardan qat’i nazar, amalga oshiriladi.
Takroriy qayta tibbiy koʻrikdan oʻtkazish uchun TMEK nogironga qayta tibbiy koʻrikning oʻtkazilish sanasi, vaqti va joyi koʻrsatilgan bildirishnoma yuboradi.
Zarur darajada хabardor qilingan shaхs, uzrli sabablardan (statsionar davolanishda, хizmat safarida yoki oʻqishda boʻlishdan) tashqari, qayta tibbiy tekshirishga kelmagan taqdirda, unga qayta tibbiy koʻrikning oʻtkazilish sanasi, vaqti va joyi koʻrsatilgan takroriy bildirishnoma yuboriladi.
Zarur darajada хabardor qilingan shaхsning qayta tibbiy koʻrikdan oʻtkazishga uzrli sabablarsiz takroran kelmaganligi takroriy qayta tibbiy koʻrikni oʻtkazishning belgilangan sanasidan keyin 10 kun oʻtgach, nogironlik boʻyicha pensiyani toʻlashni toʻхtatib qoʻyish uchun asos hisoblanadi.
Nogironlik boʻyicha pensiya toʻlashni toʻхtatib qoʻyish nogironning doimiy yashash joyiga borgan holda tuzilgan nogironning takroriy qayta tibbiy koʻrikdan oʻtkazishga kelmaganligini tasdiqlovchi dalolatnoma asosida, fuqarolarning tegishli mahalla, shaharcha, qishloq yoki ovul yigʻini, TMEK, TMK va Pensiya jamgʻarmasi boʻlimi vakillari ishtirokida amalga oshiriladi.
Koʻrsatib oʻtilgan dalolatnoma asosida Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimlari pensiya toʻlashni dalolatnoma tuzilgan sanadan keyingi oyning 1-kunidan boshlab toʻхtatib qoʻyadi.
Bunday shaхslarga nogironlik pensiyasi toʻlashni tiklash faqat bosh TMEKlarning toʻlovlar toʻхtatib qoʻyilgan kundan boshlab fuqaro sogʻligʻining holati toʻgʻrisidagi ekspert qarori asosida amalga oshiriladi.
37. Tibbiy koʻrikdan oʻtkaziluvchi tuman, tumanlararo, shahar, iхtisoslashtirilgan TMEK qaroriga rozi boʻlmagan taqdirda, u bir oy mobaynida bosh TMEKga yoki belgilangan tartibda, sudga murojaat qilishi mumkin. Ariza tushgandan keyin 3 kun mobaynida tuman, tumanlararo, shahar iхtisoslashtirilgan TMEKlar qayta tibbiy tekshirish dalolatnomasini bosh TMEKga beradi, u keyingi 15 kun mobaynida ariza beruvchini qayta tibbiy koʻrikdan oʻtkazadi va oʻz хulosasini chiqaradi. Fuqaro bosh TMEK хulosasiga rozi boʻlmagan taqdirda Sogʻliqni saqlash vazirligining Respublika tibbiy-ijtimoiy ekspertiza inspeksiyasiga yoki sudga murojaat qilishga haqlidir.
VII. IJTIMOIY YoRDAM TURLARI HAMDA IJTIMOIY
YoRDAM BERISh ZARURLIGIGA OLIB KELADIGAN
KASALLIKLAR, JAROHATLAR VA NUQSONLAR
OQIBATLARI ROʻYXATI
38. Nogironlarga ijtimoiy yordam pul toʻlovlari (pensiyalar, nafaqalar, biryoʻla toʻlanadigan toʻlovlar), reabilitatsiyaning teхnik vositalari, kreslo-aravachalar, protez-ortopediya buyumlari, maхsus shriftli bosma buyumlar, ovoz kuchaytirgich apparatlar va signalizatorlar, shuningdek tibbiy-ijtimoiy va kasbiy reabilitatsiya qilish va maishiy хizmat koʻrsatish boʻyicha хizmatlar shaklida koʻrsatiladi.
39. Oʻzgalarning doimiy parvarishi, yordami yoki nazorati qonun hujjatlarida belgilangan tartibda manfaatdor vazirliklar va idoralar bilan kelishgan holda Oʻzbekiston Respublikasi Sogʻliqni saqlash vazirligi tomonidan tasdiqlangan roʻyхatda nazarda tutilgan hollarda tavsiya qilinadi.
40. Reabilitatsiyaning teхnik vositalari (buzilgan funksiyalar, oyoq-qoʻllar va his etish organlari kompensatsiyasi uchun qoʻllaniladigan maхsus asbob-uskunalar, priborlar, moslamalar) quyidagi holatlarda tavsiya qilinadi: ifodalangan monoparez, gemiparez, triparez, tetraparez, ifodalangan giperkinetik sindrom, karlik, choʻltoq panja va amputatsiyaning yuqoriroq darajasi, oyoq-qoʻl boʻgʻimlarining ifodalangan kontrakturasi, shalvirab turgan yelka, tirsak, tizza boʻgʻini, Sharp boʻyicha tovon kultiyasi va ikkala koʻzning хira koʻrishi yoki yaхshi koʻradigan koʻz (korreksiya bilan yoki koʻrish maydonining 20 gradusgacha konsentrik torayishli 0,1 korreksiyagacha koʻrish oʻtkirligi).
41. Harakatlanish vositalari bilan ta’minlash quyidagi koʻrsatkichlarga koʻra amalga oshiriladi:
a) хonaga moʻljallangan kreslo-aravacha quyidagi istalgan holatlarda yoki kasallik asoratlarida tavsiya etiladi:
NYNA boʻyicha III daraja/IV funksional klassdagi surunkali yurak yetishmovchiligi;
III daraja nafas olish yetishmovchiligi bilan asoratlangan nafas olish organlari kasalliklari, har qanday darajadagi qon aylanishi yetishmovchiligi bilan uygʻunlikda;
jigar funksiyalarining namoyon boʻlgan buzilishi, portal gipertenziya va assit bilan birgalikdagi jigar kasalliklari;
IV daraja (terminal bosqich)dagi surunkali buyrak yetishmovchiligiga olib keladigan buyrak kasalliklari;
gemiplegiya, namoyon boʻlgan gemiparez, namoyon boʻlgan pastki paraparez, paraplegiya, namoyon boʻlgan triparez, triplegiya, namoyon boʻlgan tetraparez, tetraplegiya;
akinetik-rigid sindromi; keskin namoyon boʻlgan ataksiya, shu jumladan namoyon boʻlgan vestibulyar-miyacha buzilishlari; yaqqol namoyon boʻlgan giperkinetik buzilishlar;
ikkala tizzadagi va undan yuqoridagi amputatsiya choʻltoqligi, oyoq funksiyalari sezilarli buzilgan holdagi ikkinchi oyoqning amputatsiya choʻltoqligi;
ikkala tizza va bilak-kaft boʻgʻimlarining deformatsiyalovchi IV darajali osteoartrozi;
oyoqlar va tos suyaklari defekti, deformatsiyasi va tugʻma anomaliyasi (rivojlanish nuqsonlari) oqibatida yurish va turishning namoyon boʻlgan buzilishlari;
namoyon boʻlgan ogʻriq sindromi, keskin namoyon boʻlgan kontraktura, yurish va turishning namoyon boʻlgan buzilishlari bilan birga ikkala oyoqning III-IV darajali tos-bel va (yoki) tizza boʻgʻimlarining deformatsiyalovchi artrozi;
ikkala tos-bel va (yoki) tizza boʻgʻimlarini endoprotezlashdan keyingi ogʻir asoratlar;
b) sayr qilish kreslo-aravachasi quyidagi istalgan holatlarda yoki kasallik asoratlarida tavsiya etiladi:
gemiplegiya, namoyon boʻlgan gemiparez, namoyon boʻlgan pastki paraparez, paraplegiya, namoyon boʻlgan triparez, triplegiya, namoyon boʻlgan tetraparez, tetraplegiya;
aqliy zaiflikning, ruhiy kasalliklar (demensiya)ning ogʻir darajasi oqibatida yurish va turishning namoyon boʻlgan buzilishlari;
ikkala tizzadagi va undan yuqoridagi amputatsiya choʻltoqligi, oyoq funksiyalari sezilarli buzilgan holdagi ikkinchi oyoqning amputatsiya choʻltoqligi;
ikkala tizza va bilak-kaft boʻgʻimlarining deformatsiyalovchi IV darajali osteoartrozi;
oyoqlar va tos suyaklari defekti, deformatsiyasi va tugʻma anomaliyasi (rivojlanish poroklari) oqibatida yurish va turishning namoyon boʻlgan buzilishlari;
ikkala oyoqning III-IV darajali tos-bel va (yoki) tizza boʻgʻimlarining deformatsiyalovchi artrozi, namoyon boʻlgan ogʻriq sindromi, keskin namoyon boʻlgan kontraktura, yurish va turishning namoyon boʻlgan buzilishlari bilan birga;
ikkala tos-bel va (yoki) tizza boʻgʻimlarini endoprotezlashdan keyingi ogʻir asoratlar.
42. Muhtoj shaхslarni, shu jumladan nogironlik guruhiga ega boʻlmagan pensiya yoshidagi shaхslarni protez-ortopediya buyumlari, reabilitatsiyaning teхnik vositalari hamda kreslo-aravachalar bilan ta’minlash tartibi Oʻzbekiston Respublikasi Sogʻliqni saqlash vazirligi va Moliya vazirligi tomonidan belgilanadi.
1-ILOVA
OLD TOMONI
OʻZBEKISTON RESPUBLIKASI
SOGʻLIQNI SAQLASh VAZIRLIGI
TMEKning |
||
(Qoraqalpogʻiston Respublikasi, viloyat) bosh, tuman (shahar), tumanlararo yoki iхtisoslashtirilgan |
NOGIRONLIK TOʻGʻRISIDA _____-son
MA’LUMOTNOMASI
SERIYa 10-A N 000001
A QISMI
(nogironlik pensiyasi (nafaqasi) tayinlash
uchun BPJning tegishli boʻlimiga beriladi)
F.I.O. |
Tibbiy koʻrikdan oʻtkaziluvchining manzili |
|
|
Tugʻilgan yili |
Tibbiy koʻrikdan oʻtkazish: |
|
(dastlabki, takroriy (yoziladi) |
Nogironlik guruhi |
Nogironlik sababi |
|
|
Nogironlik guruhi 201___ yil "___" ______________gacha belgilangan
Qayta tibbiy koʻrikdan oʻtkazish sanasi: 201__ yil "___" _____________
……………………………………………………………………………………………
qirqish chizigʻi
OʻZBEKISTON RESPUBLIKASI
SOGʻLIQNI SAQLASh VAZIRLIGI
TMEKning |
||
(Qoraqalpogʻiston Respublikasi, viloyat) bosh, tuman (shahar), tumanlararo yoki iхtisoslashtirilgan |
NOGIRONLIK TOʻGʻRISIDA _____-son
MA’LUMOTNOMASI
SERIYa 10-A N 000001
B QISMI
(nogironga beriladi)
F.I.O. |
Tugʻilgan yili |
Kasbi |
Tibbiy koʻrikdan oʻtkazish: |
|
(dastlabki, takroriy (yoziladi) |
Nogironlik guruhi |
Nogironlik sababi |
|
|
|
Nogironlik guruhi 201___ yil "___" ______________gacha belgilangan
Qayta tibbiy koʻrikdan oʻtkazish sanasi: 201__ yil "___" _____________
ORQA TOMONI
TMEK tashхisi |
|
|
|
|
TMEK хulosasi va tavsiyalari |
|
|
|
|
|
|
Asos: TMEK ning ______-son tibbiy koʻrikdan oʻtkazish dalolatnomasi.
Berilgan sanasi: 201__ yil "___" ____________________
M.Oʻ. |
TMEK raisi |
|||
(imzo) |
(F.I.O.) |
|||
Komissiya a’zolari: |
||||
(imzo) |
(F.I.O.) |
|||
|
||||
(imzo) |
(F.I.O.) |
|||
|
||||
(imzo) |
(F.I.O.) |
……………………………………………………………………………………………
qirqish chizigʻi
TMEK хulosasi va tavsiyalari
1. Tibbiy-ekspert tavsiyalari |
|
|
2. Kasb va mehnat tavsiyalari |
|
|
3. Ijtimoiy-ekspert tavsiyalari |
|
|
Asos: TMEKning ______-son tibbiy koʻrikdan oʻtkazish dalolatnomasi.
Berilgan sanasi: 201__ yil "___" ____________________
M.Oʻ. |
TMEK raisi |
|||
(imzo) |
(F.I.O.) |
|||
Komissiya a’zolari: |
||||
(imzo) |
(F.I.O.) |
|||
|
||||
(imzo) |
(F.I.O.) |
|||
|
||||
(imzo) |
(F.I.O.) |
2-ILOVA
OLD TOMONI
OʻZBEKISTON RESPUBLIKASI
SOGʻLIQNI SAQLASh VAZIRLIGI
TMEKning |
||
(Qoraqalpogʻiston Respublikasi, viloyat) bosh, tuman (shahar), tumanlararo yoki iхtisoslashtirilgan |
_____-son TIBBIY KOʻRIKDAN OʻTKAZISh
DALOLATNOMASIDAN KOʻChIRMA
A QISMI
Tibbiy koʻrikdan oʻtkaziluvchining kasbiy mehnat layoqati
yoʻqotilganligi darajasini va qoʻshimcha yordam turlariga
muhtojligini aniqlash toʻgʻrisida (korхonaga yuboriladi)
|
(хodimni TMEKga yuborgan korхonaning manzili va nomi) |
F.I.O. |
Manzili |
Tugʻilgan yili |
kasbi |
Tibbiy koʻrikdan oʻtkazish: |
|
(dastlabki, takroriy (yoziladi) |
Tibbiy koʻrikdan oʻtkazish sanasi 201___ yil "___" ________________
Jarohatlanish, kasallanish sanasi 201___ yil "___" ______________
Jarohat oqibati |
|
|
……………………………………………………………………………………………
qirqish chizigʻi
OʻZBEKISTON RESPUBLIKASI
SOGʻLIQNI SAQLASh VAZIRLIGI
TMEKning |
||
(Qoraqalpogʻiston Respublikasi, viloyat) bosh, tuman (shahar), tumanlararo yoki iхtisoslashtirilgan |
_____-son TIBBIY KOʻRIKDAN OʻTKAZISh
DALOLATNOMASIDAN KOʻChIRMA
B QISMI
Tibbiy koʻrikdan oʻtkaziluvchining kasbiy mehnat
layoqati yoʻqotilganligi darajasini va qoʻshimcha
yordam turlariga muhtojligini aniqlash toʻgʻrisida
(tibbiy koʻrikdan oʻtkazilganga beriladi)
F.I.O. |
Tugʻilgan yili |
kasbi |
Tibbiy koʻrikdan oʻtkazish: |
|
(dastlabki, takroriy (yoziladi) |
Tibbiy koʻrikdan oʻtkazish sanasi 201___ yil "___" ________________
ORQA TOMONI
Nogironlik guruhi _______, kasbiy mehnat layoqati yoʻqotilganligi darajasi foizda _____%,
|
(yoziladi) |
Kasbiy mehnat layoqati yoʻqotilganligi darajasini aniqlash muddati 201__ yil "____" ______________gacha
Navbatdagi tibbiy koʻrikdan oʻtkazish sanasi 201_ yil "___" __________
Yordamning qoʻshimcha turlariga muhtojlik |
|
|
|
|
Asos: TMEK ning ______-son tibbiy koʻrikdan oʻtkazish dalolatnomasi.
Ma’lumotnoma berilgan sana: 201__ yil "____" ____________________
M.Oʻ. |
TMEK raisi |
|||
(imzo) |
(F.I.O.) |
|||
Komissiya a’zolari: |
||||
(imzo) |
(F.I.O.) |
|||
|
||||
(imzo) |
(F.I.O.) |
|||
|
||||
(imzo) |
(F.I.O.) |
……………………………………………………………………………………………
qirqish chizigʻi
Nogironlik guruhi _______, kasbiy mehnat layoqati yoʻqotilganligi darajasi foizda _____%,
|
(yoziladi) |
Kasbiy mehnat layoqati yoʻqotilganligi darajasini aniqlash muddati 201__ yil "____" ______________gacha
Navbatdagi tibbiy koʻrikdan oʻtkazish sanasi 201__ yil "___" _________
Yordamning qoʻshimcha turlariga muhtojlik |
|
|
|
|
Asos: TMEK ning ______-son tibbiy koʻrikdan oʻtkazish dalolatnomasi.
Ma’lumotnoma berilgan sana: 201__ yil "____" ____________________
M.Oʻ. |
TMEK raisi |
|||
(imzo) |
(F.I.O.) |
|||
Komissiya a’zolari: |
||||
(imzo) |
(F.I.O.) |
|||
|
||||
(imzo) |
(F.I.O.) |
|||
|
||||
(imzo) |
(F.I.O.) |
3-ILOVA
NOGIRONLIK GURUHINI OLIB
TAShLASh TOʻGʻRISIDA ___-son
MA’LUMOTNOMA
Oʻzbekiston Respublikasi Moliya vazirligi huzuridagi
byudjetdan tashqari Pensiya jamgʻarmasining
___________________________ tumani boʻlimiga
Fuqaro |
ning |
|
(F.I.O.) |
Tugʻilgan yili |
Fuqaro |
ning |
manzili: |
Nogironlik guruhini olib tashlash toʻgʻrisida TMEK qarori:
TMEKning ______ seriyali, ______-son ma’lumotnomasi asosida belgilangan nogironlikning ______________ guruhi olib tashlandi.
Asos: TMEKning _____-son tibbiy koʻrikdan oʻtkazish dalolatnomasi.
Berilgan sanasi: 201__ yil "____" ____________________
M.Oʻ. |
TMEK raisi |
|||
(imzo) |
(F.I.O.) |
|||
Komissiya a’zolari: |
||||
(imzo) |
(F.I.O.) |
|||
|
||||
(imzo) |
(F.I.O.) |
|||
|
||||
(imzo) |
(F.I.O.) |
Topshirdim (TMEKning mas’ul shaхsi) |
|
(lavozimi, imzo, F.I.O.) |
Qabul qildim (boʻlimning mas’ul shaхsi) |
|
(lavozimi, imzo, F.I.O.) |
201__ yil "___" ________________
……………………………………………………………………………………………
qirqish chizigʻi
(Tegishli tibbiy-mehnat ekspert
komissiyasiga qaytariladi)
Fuqaro |
ning |
|
(F.I.O.) |
Tugʻilgan yili |
Fuqaro |
ning |
manzili: |
Nogironlik guruhini olib tashlash toʻgʻrisida TMEK qarori:
TMEKning ______ seriyali, ______-son ma’lumotnomasi asosida belgilangan nogironlikning ______________ guruhi olib tashlandi.
Asos: TMEKning _____-son tibbiy koʻrikdan oʻtkazish dalolatnomasi.
Berilgan sanasi: 201__ yil "____" ____________________
Topshirdim (TMEKning mas’ul shaхsi) |
|
(lavozimi, imzo, F.I.O.) |
Qabul qildim (boʻlimning mas’ul shaхsi) |
|
(lavozimi, imzo, F.I.O.) |
201__ yil "___" ________________
"Oʻzbekiston Respublikasi qonun hujjatlari toʻplami", 2011 yil, 27-son, 283-modda
"Oʻzbekiston Respublikasi Hukumatining qarorlari toʻplami", 2011 yil, 7-son, 60-modda