Sogʻliqni saqlash vazirligining 14-son, Mehnat va aholini ijtimoiy muhofaza qilish vazirligining 51-QQ-son "16 yoshgacha boʻlgan bolalarni nogiron deb topish haqida tibbiy хulosa berish tartibi toʻgʻrisidagi nizomni tasdiqlash haqida"gi 13.08.2009 y. Qarori (AV tomonidan 15.09.2009 y. 2005-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
15.09.2009 y.
N 2005
OʻZBEKISTON RESPUBLIKASI SOGʻLIQNI SAQLASh VAZIRLIGINING 13.08.2009 y. N 14 |
OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGINING 13.08.2009 y. N 51-QQ |
QARORI
16 yoshgacha boʻlgan bolalarni nogiron deb
topish haqida tibbiy хulosa berish tartibi
toʻgʻrisidagi nizomni tasdiqlash haqida
(2009 yil 25 sentyabrdan kuchga kiradi)
Oʻzbekiston Respublikasining "Oʻzbekiston Respublikasida nogironlarni ijtimoiy himoya qilish toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi Qonuni (Oʻzbekiston Respublikasi qonun hujjatlari toʻplami, 2008 y., 29-30-son, 277-modda) ijrosini ta’minlash maqsadida QAROR QILAMIZ:
1. 16 yoshgacha boʻlgan bolalarni nogiron deb topish haqida tibbiy хulosa berish tartibi toʻgʻrisidagi nizom (yangi tahrirda) ilovaga muvofiq tasdiqlansin.
2. Mazkur qaror kuchga kirishi munosabati bilan Oʻzbekiston Respublikasi Sogʻliqni saqlash hamda Mehnat va aholini ijtimoiy muhofaza qilish vazirliklarining 2007 yil 12 iyundagi "16 yoshgacha boʻlgan bolalarga nogironlikni tayinlash tartibi toʻgʻrisidagi nizomni tasdiqlash haqida"gi 6, 29/1-son qarori (roʻyхat raqami 1695, 2007 yil 27 iyun) (Oʻzbekiston Respublikasi qonun hujjatlari toʻplami, 2007 y., 25-26-son, 277-modda) oʻz kuchini yoʻqotgan deb topilsin.
3. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilganidan keyin oʻn kundan soʻng kuchga kiradi.
Sogʻliqni saqlash vaziri A. Ikramov
Mehnat va aholini ijtimoiy
muhofaza qilish vaziri v.b A. Xaitov
"Oʻzbekiston Respublikasi qonun hujjatlari toʻplami", 2009 yil, 38-son, 419-modda.