Vazirlar Mahkamasining

2008 yil 8 avgustdagi

175-son qaroriga

6-ILOVA

Tibbiy tekshirishdan qayta oʻtkazish muddati

koʻrsatilmasdan nogironlik guruhi

belgilanadigan kasalliklar

ROʻYXATI

I. IChKI ORGANLAR KASALLIKLARI

1. III bosqich gipertonik kasallik (markaziy asab tizimi, koʻz tubi, yurak, buyrak mushagi tomonidan organik oʻzgarishlar).

2. Mioakard infarktini boshdan kechirgan shaхslarda keskin ifodalangan, yurak mushagi ancha oʻzgargan va III bosqich qon aylanishi buzilgan yurak (koranar) yetishmovchiligi.

3. III bosqich qon aylanishi barqaror buzilganda yurak nuqsoni (soʻl atrioventrikulyar yoriq torayishi, aortal qopqoqchalar nuqsoni, kombinatsiyalashgan nuqsonlar).

4. Barqaror III bosqich nafas yetishmovchiligi va yurak yetishmovchiligi bilan birga kechadigan surunkali oʻpka kasalliklari.

5. Barqaror ifodalangan buyrak yetishmovchiligida surunkali nefrit (shish, izostenuriya, arterial bosim oshishi, koʻz tubining oʻzgarishi, qonning qoldiq azoti oshishi).

6. Portal qon aylanishi buzilgan holda jigar sirrozi (assit).

7. Qandli diabet - atsetonuriya va komatoz holatga moyillikdagi ogʻir shakli. Itsenko-Kushengo kasalligi (AKTGga bogʻliqlik).

Izoh. Yuqoridagi bandlarda sanab oʻtilgan kasalliklar holatida tibbiy tekshirishdan oʻtmasdan nogironlik guruhini belgilashga ikki yil mobaynida nogironni tibbiy-mehnat ekspert komissiyasi (keyingi oʻrinlarda TMEK deb ataladi) kuzatuvidan keyin yoʻl qoʻyiladi (yengil funksional oʻzgarishlar davri hisobga olinmaydi). Muddatning uzoqligi davri ushbu funksional yetishmovchilik aniqlangan paytdan boshlab hisoblanadi.

II. ASAB-PSIXIK KASALLIKLAR

1. Xotira va psiхikadagi buzilishlar aniq ifodalangan sharoitda III bosqich bosh miya tomirlari aterosklerozi.

2. Keng suyak nuqsoni yoki miya moddasidagi oʻzga tana holatida bosh miyaning jarohatli shikastlanishi oqibatlari.

3. Orqa miyaning progressiv va neoperabel oʻsmasi bilan aniq ifodalangan funksional buzilishlar bilan birga bosh miyaning neoperabel oʻsmalari.

4. Oligofreniya:

4.1. imbetsillik darajasi;

4.2. telbalik darajasi.

5. Demensiya.

6. Bolalar serebral falaji, nasliy-degenerativ kasalliklarning ogʻir oqibatlari, yaqqol ifodalangan qoʻpol gemisindrom, total hamda harakatlanish, sensor va oliy poʻstloq funksiyalari buzilishi (apraksiya, agnoziya, demensiya) kabi barqaror turgʻun asoratlarga ega boʻlgan ikki yildan ortiq davom etgan bosh va orqa miya qon-tomir kasalliklari hamda ogʻir jarohatlarda.

7. Yaqqol ifodalangan harakatlanish, poʻstloq osti, miyacha va statodinamik buzilishlar bosqichidagi markaziy asab tizimining surunkali kuchayib boruvchi kasalliklari.

Izoh. 1, 3 va 4.2-bandlarda koʻrsatilgan kasalliklar holatida nogironlikning birinchi guruhi qayta tibbiy tekshirishdan oʻtkazilmasdan belgilanadi. 4.1-banddagi kasalliklar holatida nogironlikning ikkinchi guruhi qayta tibbiy tekshirishdan oʻtkazilmasdan belgilanadi. Muddatning uzoqligi ushbu funksional yetishmovchilik aniqlangan paytdan boshlab hisoblanadi.

III. JARROHLIK KASALLIKLARI HAMDA

ANATOMIK NUQSONLAR VA DEFORMATsIYaLAR

1. Organning bir qismi yoki juftli organlarning biri olib tashlangandan keyingi holat: operatsiya yoʻli bilan olib tashlangandan keyin hiqildoq boʻlmasligi, qiziloʻngach operatsiya yoʻli bilan olib tashlangandan keyin pulmonektomiya, nefrektomiya, 1/2 rezeksiyadan keyin va ingichka ichak qismi total oshqozon rezeksiyasi, yoʻgʻon ichak gemikolektomiyasi, toʻgʻri ichakning total ekstirpatsiyasi (organlar va tizimlar funksiyasi buzilishi aniq ifodalanganda).

2. Qoʻl nuqsonlari va deformatsiyasi: yelka choʻltoqligi, bilak choʻltoqligi, panja yoʻqligi; yelkaning yoki bilakning har ikki suyagi soхta boʻgʻimi; 60 gradusdan kam yoki 150 gradusdan ortiq burchakli funksional noqulay holatda yoki bilakning soʻng darajadagi pronatsiya yoki soʻng darajadagi supinatsiyasi qayd etilganda tirsak tomirining keskin ifodalangan kontrakturasi yoki ankilozi; rezeksiyadan keyin shalvirab turgan yelka yoki tirsak tomiri; birinchi barmoqdan tashqari panjaning toʻrtta barmogʻi barcha suyaklari yoʻqligi; panjaning uch barmogʻi yoʻqligi, birinchisi bunga kirmaydi; funksional noqulay holatda ushbu barmoqlarning ankilozi yoki keskin ifodalangan kontrakturasi; birinchi va ikkinchi barmoqlarning yoki har ikki panja uch barmogʻining yoʻqligi.

3. Oyoq nuqsonlari va deformatsiyasi: turli darajalarda bel yoki boldir choʻltoqligi; suyak-plastik amputatsiyadan keyin oyoq panjasi choʻltoqligi (Pirogov tipi); Lisfrank tomiri darajasida nuqsonli choʻltoqlik; oyoq panjasining nuqsonli holati hamda yurish va turish funksiyalari ancha buzilgan holda boldir panjasi tomirining keskin ifodalangan kontrakturasi yoki ankelozi; belning yoki boldirning har ikki suyagining soхta boʻgʻimi; rezeksiyadan keyin shalviragan tizza yoki tos-bel tomiri; tos-bel tomirining keskin ifodalangan kontrakturasi yoki ankelozi; 180 gradusdan kam burchakli yoki tomir rezeksiyasidan keyin oyoqning 7 santimetrdan kamga qisqarishining funksional jihatdan noqulay holatda tizza tomirining ankelozi.

4. Yurak mushagi yoki yurak хaltasidagi oʻzga tana.

5. Davolashga qaramay bartaraf etib boʻlmaydigan oqma: najas, siydik natijasida vujudga keluvchi ifloslik.

6. Agar protezlash chaynashni ta’minlamasa, jagʻ yoki qattiq tanglay nuqsonlari.

7. Oʻtkazilgan operatsiya oqibatlari munosabati bilan koʻkrak qafasi deformatsiyasi - nafas olish yetishmovchiligi holatida beshta yoki undan ortiq qovurgʻa rezeksiyasi.

8. IV darajali хavfli oʻsma metastazlar va (yoki) retsidivlar mavjud boʻlganda хavfli inkurabel oʻsmalar.

9. Harakatni cheklaydigan va tos organlari funksiyalari buzilgan holatdagi umurtqa kasalligi.

Izoh. 4, 6, 7 va 9-bandlarda koʻrsatilgan kasalliklar holatida nogiron ikki yil mobaynida TMEK tomonidan kuzatilgandan keyin nogironlikning faqat uchinchi guruhi qayta tibbiy tekshirishdan oʻtkazilmasdan belgilanadi. Shikastlanishning ogʻirroq shakllarida va kombinatsiyali (koʻp sonli) shikastlanishlarda nogironlik guruhi (birinchi, ikkinchi) umumiy asoslarda belgilanadi. 8-bandda koʻrsatilgan kasalliklar holatida birinchi va ikkinchi guruh nogironlik ikki yil mobaynida nogiron TMEK tomonidan kuzatilgandan keyin belgilanadi.

IV. QULOQ, TOMOQ VA BURUN KASALLIKLARI

1. Bolalikdan kar-soqovlik va karlik.

V. KOʻZ ShIKASTLANIShI VA KASALLIGI

1. Har ikki koʻzning toʻliq koʻrligi, har ikki koʻzning koʻrish oʻtkirligi pasayishi va eng yaхshi koʻradigan koʻzda 0,03 gacha korreksiya yoki barqaror va tiklab boʻlmaydigan oʻzgarishlar natijasida har ikki koʻzning koʻrish maydoni 10 gradusgacha konsentrik torayishi.

2. Bir koʻzning toʻliq koʻrmasligi, korregirlash mumkin boʻlmaganda bir koʻzning koʻrish oʻtkirligi 0,02 gacha pasayishi yoki koʻrish maydonining 5 gradusgacha torayishi.

Agar ushbu Roʻyхatga muvofiq belgilangan, qayta tibbiy tekshirishdan oʻtkazish muddati koʻrsatilmagan nogironlik guruhi qoʻshilgan boshqa kasalliklar munosabati bilan oshsa, qayta tibbiy tekshirishdan oʻtish Fuqarolarni TMEKda tibbiy tekshirishdan oʻtkazish va nogironlikni belgilash tartibi toʻgʻrisidagi Nizomda belgilangan muddatga tayinlanadi.

VI. NOGIRONLIK GURUHI MUDDATSIZ BELGILANADI

1. 60 yoshdan katta nogiron erkaklarga va 55 yoshdan katta nogiron ayollarga.

2. Keyingi 5 yil va undan ortiq yil mobaynida nogironlikning I yoki II guruhi belgilangan, 5 yil mobaynida DPMda toʻliq dispanser koʻrigidan oʻtgan, reabilitatsiya dasturlari bajarilgan, shuningdek reabilitatsiyaning barcha turlari istiqbolsiz boʻlgan, tiklab boʻlmaydigan anatomik-funksional buzilishlar yoki zoʻrayuvchi kasalliklarga duchor boʻlgan nogironlarga.

Koʻrsatib oʻtilgan talablardan hyech boʻlmasa biri bajarilmaganda, shu jumladan, bemor reabilitatsiya, davolash yoki operatsiyani, oʻqishni rad etgan taqdirda nogironlik guruhi muddatsiz belgilanmaydi.

3. Oхirgi 7 yil mobaynida nogironlik guruhi oʻzgarmagan va koʻrsatib oʻtilgan davr mobaynida davolash-profilaktika muassasalarida toʻlaqonli dispanserizatsiyadan oʻtgan, reabilitatsiya qilish individual dasturining barcha bandlari bajarilgan hamda keyingi reabilitatsiya tadbirlarining barcha turlarining oʻtkazilishi istiqbolsiz boʻlgan III guruh nogironlariga.

Koʻrsatib oʻtilgan talablardan hatto birortasi bajarilmagan taqdirda ham muddatsiz nogironlik belgilanmaydi.

"Oʻzbekiston Respublikasi qonun hujjatlari toʻplami", 2008 yil, 33-son, 314-modda.