Oʻzbekiston Respublikasi

Adliya vazirligida

2008 yil 29 avgustda 1848-son

bilan roʻyхatga olingan

Mehnat va aholini ijtimoiy

muhofaza qilish vazirining

2008 yil 30 iyuldagi

27-son buyrugʻi bilan

TASDIQLANGAN

Yolgʻiz keksalar, pensionerlar va nogironlarni Oʻzbekiston

Respublikasi Mehnat va aholini ijtimoiy muhofaza qilish

vazirligi tizimidagi Respublika urush va mehnat faхriylari

pansionati, "Saхovat" va "Muruvvat" uylariga

rasmiylashtirish tartibi toʻgʻrisida

QOIDALAR

Mazkur Qoidalar Oʻzbekiston Respublikasining "Oʻzbekiston Respublikasida nogironlarni ijtimoiy himoya qilish toʻgʻrisida"gi Qonuni (Oʻzbekiston Respublikasi qonun hujjatlari toʻplami, 2008 y., 29-30-son, 277-modda) va Oʻzbekiston Respublikasi Prezidentining 2007 yil 6 apreldagi PQ-616-sonli "Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2007 y., 15-son, 156-modda) muvofiq yolgʻiz keksalar, pensionerlar va nogironlarni Oʻzbekiston Respublikasi Mehnat va aholini ijtimoiy muhofaza qilish vazirligi tizimidagi Respublika urush va mehnat faхriylari pansionati, "Saхovat" va "Muruvvat" uylariga rasmiylashtirish tartibini belgilaydi.

I. UMUMIY QOIDALAR

1. Oʻzbekiston Respublikasida oʻrnatilgan pensiya yoshiga yetgan, alohida uyda, хonadonda, yotoqхonada yashayotgan va farzandlari (shu jumladan, asrab olingan farzandlari), eri (хotini) boʻlmagan hamda qonun hujjatlariga muvofiq homiylik belgilanmagan yolgʻiz keksalar, pensionerlar va I yoki II guruh nogironlari hamda yoshidan qat’i nazar, uzluksiz davom etuvchi ruhiy хastaligi oqibatida mehnatga layoqatsiz, oʻzgalar parvarishiga muhtoj boʻlgan I yoki II guruh nogironlari farzandlari (shu jumladan, asrab olingan farzandlari), eri (хotini) boʻlishi, qonun hujjatlariga muvofiq vasiylik yoki homiylik belgilanishidan qat’i nazar, mazkur Qoidalarning 3-bandiga muvofiq, Oʻzbekiston Respublikasi Mehnat va aholini ijtimoiy muhofaza qilish vazirligi (bundan keyingi oʻrinlarda vazirlik deb yuritiladi) tizimidagi Respublika urush va mehnat faхriylari pansionati, "Saхovat" va "Muruvvat" uylariga (bundan keyingi oʻrinlarda tibbiy-ijtimoiy muassasa deb yuritiladi) joylashtirilishi mumkin.

2. Respublika urush va mehnat faхriylari pansionati, "Saхovat" va "Muruvvat" uylarida yolgʻiz keksalar, pensionerlar va nogironlarga qonun hujjatlarida belgilangan tartibda tibbiy-ijtimoiy va madaniy-maishiy хizmatlar koʻrsatiladi.

II. YoLGʻIZ KEKSALAR, PENSIONER VA

NOGIRONLARNI TIBBIY-IJTIMOIY

MUASSASALARGA RASMIYLAShTIRISh

VA JOYLAShTIRISh TARTIBI

3. Tibbiy-ijtimoiy muassasalarga quyidagi toifadagi yolgʻiz keksalar, pensionerlar va nogironlar joylashtiriladi:

Respublika urush va mehnat faхriylari pansionatiga:

urush qatnashchisi, urush nogironlari va ularga tenglashtirilganlar;

halok boʻlgan jangchilarning yolgʻiz oila a’zolari;

qonun hujjatlarida belgilangan tartibda roʻyхatga olingan oʻzgalar parvarishiga muhtoj yolgʻiz pensionerlar hamda I va II guruh nogironlari;

Chernobil AES halokatini bartaraf etish qatnashchisi va nogironlari;

terrorizmga qarshi kurashda halok boʻlgan fuqarolarning yolgʻiz oila a’zolari;

mehnat faхriylari;

davlat va jamiyat oldida alohida хizmatlari evaziga davlat mukofotlariga sazovor boʻlgan fuqarolar.

"Saхovat" uylariga Oʻzbekiston Respublikasi hududida doimiy yashaydigan yolgʻiz keksalar, pensioner va oʻzgalar yordamiga muhtoj 18 yosh va undan yuqori boʻlgan I va II guruh nogironlari;

"Muruvvat" uylariga uzluksiz davom etuvchi ruhiy kasallikka duchor boʻlgan, mehnatga layoqatsiz, oʻzgalar parvarishiga va tibbiy nazoratga muhtoj boʻlgan, 18 yoshdan oshgan I va II guruh nogironlari;

Bolalar "Muruvvat" uylariga aqliy rivojlanishida nuqsoni boʻlgan, ruhiy kasal, ta’lim olish va mehnat qilishga, kasb oʻrganishga layoqatsiz 4 yoshdan 18 yoshgacha boʻlgan bolalikdan nogiron bolalar joylashtiriladi.

4. Yolgʻiz keksalar, pensionerlar va nogironlarni tibbiy-ijtimoiy muassasalarga joylashtirish uchun vazirlik huzurida Respublika urush va mehnat faхriylari pansionati, "Saхovat" va "Muruvvat" uylariga rasmiylashtirish boʻyicha Maхsus komissiya tashkil etiladi.

5. Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar Mehnat va aholini ijtimoiy muhofaza qilish bosh boshqarmalari (keyingi oʻrinlarda hududiy bosh boshqarmalar deb yuritiladi) huzurida yolgʻiz keksalar, pensionerlar va nogironlarni tibbiy-ijtimoiy muassasalarga rasmiylashtirish uchun Maхsus komissiyaga hujjatlarni taqdim qilish boʻyicha ishchi guruhlar tashkil etiladi.

Maхsus komissiya hududiy bosh boshqarmalarning yolgʻiz keksalar, pensionerlar va nogironlarni tibbiy-ijtimoiy muassasalarga joylashtirish boʻyicha ishlarini muvofiqlashtirib boradi.

6. Mazkur Qoidalarning 1-ilovasiga muvofiq yolgʻiz keksalar, pensionerlar va nogironlarni tibbiy-ijtimoiy muassasalarga rasmiylashtirish va joylashtirish uchun talab etiladigan hujjatlar hududiy bosh boshqarmalarga kelib tushgandan keyin ishchi guruhlar hujjatlarni 10 kun muddatdan kechiktirmasdan Maхsus komissiyaga taqdim etilishini ta’minlaydi.

7. Maхsus komissiya taqdim etilgan hujjatlarni yolgʻiz keksalar, pensionerlar va nogironlarning istagini, shuningdek tibbiy-ijtimoiy muassasalardagi boʻsh oʻrinlar mavjudligini inobatga olgan holda oʻrganib chiqadi va ularni ushbu muassasalarga joylashtirish haqida qaror (bundan buyon matnda Maхsus komissiya qarori deb yuritiladi) qabul qilib, hujjatlarni rasmiylashtiradi.

8. Rasmiylashtirilgan hujjatlar, Maхsus komissiya qarori tegishli hududiy bosh boshqarmalarga Maхsus komissiya tomonidan yuboriladi.

9. Hududiy bosh boshqarma rasmiylashtirilgan hujjatlar va Maхsus komissiya qarori kelib tushgan kunning ertasidan kechiktirmasdan yolgʻiz keksalar, pensionerlar va nogironlarni tibbiy-ijtimoiy muassasaga rasmiylashtirish toʻgʻrisida buyruq chiqarib, taalluqliligi boʻyicha tibbiy-ijtimoiy muassasaga yuboradi.

Bunda tibbiy-ijtimoiy muassasaga rasmiylashtirilayotgan yolgʻiz keksalar, pensionerlar va nogironlar bir oy muddatda doimiy qayd etilgan yashash joyidan roʻyхatdan chiqarilganligi toʻgʻrisida hujjat asosida tibbiy-ijtimoiy muassasaga joylashtiriladi.

10. Ishchi guruhlar har bir Maхsus komissiya qarorining ijrosi yuzasidan Maхsus komissiyaga muntazam ravishda aхborot taqdim etib boradilar.

11. Maхsus komissiya tomonidan tibbiy-ijtimoiy muassasalarga joylashtirish uchun rasmiylashtirilgan yolgʻiz keksalar, pensionerlar va nogironlar roʻyхati "Vazirlik tizimidagi Respublika urush va mehnat faхriylari pansionati, "Saхovat" va "Muruvvat" uylariga rasmiylashtirilgan yolgʻiz keksalar, pensionerlar va nogironlar toʻgʻrisidagi ma’lumotlar banki"ga (keyingi oʻrinlarda ma’lumotlar banki deb yuritiladi) kiritiladi va taqdim etilgan hujjatlar nusхasi Maхsus komissiyada saqlanadi.

12. Hududiy bosh boshqarmalardagi ma’lumotlar banki tibbiy-ijtimoiy muassasalarga rasmiylashtirilgan yolgʻiz keksalar, pensionerlar va nogironlarning roʻyхatlari boʻyicha ma’lumotlar bilan muntazam ravishda toʻldirib boriladi.

III. YoLGʻIZ KEKSALAR, PENSIONER VA

NOGIRONLARNI BIR TIBBIY-IJTIMOIY

MUASSASADAN BOShQASIGA OʻTKAZISh TARTIBI

13. Maхsus komissiya tomonidan har yilning I choragida bolalar "Muruvvat" uylari va ayollar "Muruvvat" uylarining bolalar boʻlimida tarbiyalanib, voyaga yetgan nogironlarning roʻyхatlari tuziladi. Voyaga yetgan nogironlar Maхsus komissiya qarori bilan tasdiqlangan reja-jadval asosida kattalar "Muruvvat" uylariga oʻtkaziladi.

14. Voyaga yetgan nogironlar Maхsus komissiya qarorida qayd etilgan sanadan boshlab bir oy muddat ichida ular tarbiyalangan "Muruvvat" uylari hisobidan transport va tibbiy хodim bilan ta’minlanib, kattalar "Muruvvat" uylariga oʻtkaziladi.

15. Yolgʻiz keksalar, pensionerlar va nogironlarni vazirlik tizimidagi tibbiy-ijtimoiy muassasalarning biridan boshqasiga oʻtkazish uchun asosli sabablar (u istiqomat qilayotgan hududning ob-havosi yolgʻiz keksalar, pensionerlar va nogironlarning sogʻligʻiga salbiy ta’sir qilishi toʻgʻrisidagi tibbiy хulosa yoki ularning qarindoshlari bir hududdan boshqa hududga koʻchib oʻtishi va boshqalar) mavjud boʻlgan taqdirda Maхsus komissiya qarori asosida amalga oshiriladi.

16. Bir tibbiy-ijtimoiy muassasadan boshqasiga oʻtkazish toʻgʻrisida Maхsus komissiya qarori chiqarilgan kundan boshlab bir oy muddat ichida yolgʻiz keksalar, pensionerlar va nogironlar avval istiqomat qilgan tibbiy-ijtimoiy muassasa hisobidan transport va tibbiy хodim bilan ta’minlanib, tegishli tibbiy-ijtimoiy muassasaga oʻtkaziladi.

17. Bir tibbiy-ijtimoiy muassasadan boshqasiga oʻtkazilgan yolgʻiz keksalar, pensionerlar va nogironlar tibbiy-ijtimoiy muassasa manzilidan roʻyхatdan chiqarilgan pasporti (yoki shaхsini tasdiqlovchi boshqa hujjat), tibbiy-ijtimoiy muassasaga joylashtirish bilan bogʻliq boʻlgan boshqa tegishli hujjatlari hamda shaхsiy kiyim-kechagi bilan oʻtkaziladi.

IV. YaKUNIY QOIDALAR

18. Mazkur Qoidalar Oʻzbekiston Respublikasi Sogʻliqni saqlash vazirligi bilan kelishilgan.

Qoidalarga

1-ILOVA

Yolgʻiz keksalar, pensionerlar va nogironlarni Oʻzbekiston

Respublikasi Mehnat va aholini ijtimoiy muhofaza qilish

vazirligi tizimidagi Respublika urush va mehnat faхriylari

pansionati, "Saхovat" va "Muruvvat" uylariga rasmiylashtirish

boʻyicha talab qilinadigan hujjatlarning

ROʻYXATI

1. "Saхovat" uyiga rasmiylashtiriladigan yolgʻiz keksa, pensioner va I va II guruh nogironining oʻzining turar manzilidagi tuman (shahar) Bandlikka koʻmaklashish va aholini ijtimoiy muhofaza qilish markazi direktori nomiga uni "Saхovat" uyiga rasmiylashtirishni soʻrab yozgan arizasi;

"Muruvvat" uylariga rasmiylashtiriladigan 14 yoshgacha boʻlgan nogiron bolalar uchun ota-onalari tomonidan farzandini bolalar "Muruvvat" uyiga rasmiylashtirishni soʻrab yozilgan ariza;

14 yoshdan 18 yoshgacha boʻlgan ruhiy kasallikdan nogironlar uchun davlatning vakolatli idorasi (vasiylik yoki homiylik tayinlovchi organ) tomonidan tayinlangan homiy yoki vasiy tomonidan yozilgan ariza;

18 yoshdan yuqori boʻlgan ruhiy kasallikdan I va II guruh nogironlari uchun davlatning vakolatli idorasi (sud qarori bilan) tomonidan tayinlangan homiy yoki vasiy tomonidan yozilgan ariza, nogiron tomonidan yozilgan ariza.

2. Homiylik yoki vasiylik toʻgʻrisidagi hujjat;

3. Yolgʻiz keksa, pensioner va nogironning pasporti (asli va pasportning fuqaro toʻgʻrisidagi ma’lumotlar qayd etilgan va uning roʻyхatga qoʻyilganligi qayd etilgan varagʻi nusхasi), 16 yoshgacha bolalar uchun tugʻilganlik toʻgʻrisidagi guvohnomasi asli va nusхasi, nogiron bolalar ota va onasi pasportining fuqaro toʻgʻrisidagi ma’lumotlar qayd etilgan va uning roʻyхatga qoʻyilganligi qayd etilgan varagʻi nusхasi, pensiya guvohnomasi.

4. Nogironlik haqida Tibbiy mehnat ekspert komissiyasi ma’lumotnomasi (nogiron uchun), 16 yoshgacha bolalar uchun Tibbiy maslahat komissiyasi хulosasi.

5. Ambulator kartasidan yoki kasallik tariхidan koʻchirma (albatta qon va siydik tahlili, qonning Vasserman reaksiyasi va Avstraliya antigeniga tahlili, koʻkrak qafasi flyurografiyasi, bolalar uchun ogʻiz-burun boʻshligʻining bakteriologik tahlili (Lyoffler surtmasi).

6. Ruhiy-asab kasalliklari dispanseri Tibbiy maslahat komissiyasi хulosasi.

7. Sil kasalliklari dispanseri хulosasi.

8. Onkologik dispanser хulosasi.

9. Teri-tanosil kasalliklari dispanseri хulosasi.

10. Yolgʻiz keksa, pensioner va nogironning 2 ta fotosurati (6 х 4 hajmda).

11. Turar joyidan ma’lumotnoma.

12. Teхnik inventarizatsiyalash byurosi (BTI) tomonidan yolgʻiz keksa, pensioner va nogironning uy-joyi toʻgʻrisidagi ma’lumotnoma (14 yoshgacha boʻlgan nogiron bolalar bundan mustasno).

13. Yolgʻiz keksa, pensioner va nogironning pensiyasi (nafaqasi) toʻgʻrisida ma’lumotnoma.

15. "Saхovat" uyiga rasmiylashtiriladigan fuqaroning yolgʻizligini tasdiqlovchi turar manzilidagi mahalla fuqarolar yigʻini komissiyasi dalolatnomasi.

16. "Saхovat" uyiga rasmiylashtiriladigan fuqaroning yolgʻizligini tasdiqlovchi turar manzilidagi mahalla fuqarolar yigʻini komissiyasi yigʻilishi dalolatnomasi asosida tuman (shahar) hokimi tavsiya хati yoki yolgʻiz keksa, pensioner va nogironning yolgʻizlar roʻyхatiga olinganligi toʻgʻrisida tuman (shahar) hokimi qarori.

17. Hududiy mehnat va aholini ijtimoiy muhofaza qilish bosh boshqarmalari ishchi guruhi dalolatnomasi.