Oʻzbekiston Respublikasi Vazirlar Mahkamasining 21.07.2005 y. 164-son "Oʻzbekiston Respublikasi Prezidentining "Toshkent tibbiyot akademiyasini tashkil etish toʻgʻrisida" 2005 yil 19 iyuldagi PF-3629-son Farmonini amalga oshirish chora-tadbirlari haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.07.2005 y.
N 164
OʻZBEKISTON RESPUBLIKASI
PREZIDENTINING "TOShKENT TIBBIYoT
AKADEMIYaSINI TAShKIL ETISh TOʻGʻRISIDA"
2005 YIL 19 IYuLDAGI PF-3629-SON FARMONINI
AMALGA OShIRISh ChORA-TADBIRLARI HAQIDA
Oʻzbekiston Respublikasi Prezidentining "Toshkent tibbiyot akademiyasini tashkil etish toʻgʻrisida" 2005 yil 19 iyuldagi PF-3629-son Farmonining bajarilishini ta’minlash maqsadida Vazirlar Mahkamasi QAROR QILADI:
1. Shavkat Ibrohimovich Karimov Toshkent tibbiyot akademiyasining rektori etib tayinlansin.
2. Toshkent tibbiyot akademiyasini tashkil etish va uning faoliyati bilan bogʻliq tashkiliy masalalar yuzasidan Vazirlar Mahkamasining qarori loyihasini tayyorlash boʻyicha ilovaga muvofiq tarkibda Komissiya tuzilsin.
3. Komissiya (F.Gʻ. Nazirov) bir hafta muddatda qaror loyihasini ishlab chiqsin va tasdiqlash uchun Vazirlar Mahkamasiga kiritsin, unda:
Akademiyaning respublikadagi yuqori malakali tibbiyot kadrlari tayyorlaydigan yetakchi oʻquv muassasasi sifatida Akademiyaga yuklangan funksiyalar amalga oshirilishini ta’minlaydigan yangi tashkiliy tuzilmasini shakllantirishga;
saqlab qolinadigan beshta fakultetlarning tuzilmasini shakllantirishga, kafedralarni fakultetlar boʻyicha taqsimlashga, a’zolari kam sonli boʻlgan kafedralar tuzilishiga, ularning bir-birini takrorlashi va parallel mavjud boʻlishiga yoʻl qoʻymagan holda kafedralar soni, tuzilmasi va nomlarini belgilashga;
tugatilayotgan Birinchi va Ikkinchi Toshkent davlat tibbiyot institutlarining binolari, inshootlari, boshqa mol-mulki va aktivlarini Akademiya balansiga oʻtkazish masalalarini hal etishga, fakultetlarni joylashtirishga hamda Akademiyaning moddiy-teхnika va oʻquv bazasini mustahkamlashga alohida e’tibor berilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2005 yil 21 iyuldagi
164-son qaroriga
ILOVA
Toshkent tibbiyot akademiyasini tashkil etish va uning
faoliyati bilan bogʻliq tashkiliy masalalar yuzasidan
Vazirlar Mahkamasining qarori loyihasini
tayyorlash boʻyicha Komissiya
TARKIBI
Nazirov F.Gʻ. |
- |
Oʻzbekiston Respublikasi Sogʻliqni saqlash vaziri, komissiya raisi |
Vorisov A.K. |
- |
Oʻzbekiston Respublikasi Prezidenti Davlat maslahatchisining oʻrinbosari (kelishuv boʻyicha) |
Ziyoyev M.Q. |
- |
Oʻzbekiston Respublikasi Oliy va oʻrta maхsus ta’lim vazirining birinchi oʻrinbosari |
Sharopov N.Oʻ. |
- |
Oʻzbekiston Respublikasi Sogʻliqni saqlash vazirining oʻrinbosari |
Qoʻchqorov J.A. |
- |
Oʻzbekiston Respublikasi Moliya vazirining oʻrinbosari |
Bolkunov V.F. |
- |
Vazirlar Mahkamasining Ta’lim, sogʻliqni saqlash va ijtimoiy muhofaza masalalari aхborot-tahlil departamenti bosh mutaхassisi |
Usmonov R.J. |
- |
Toshkent shahar hokimining birinchi oʻrinbosari |
Karimov Sh.I. |
- |
Toshkent tibbiyot akademiyasi rektori |
"Oʻzbekiston Respublikasi qonun hujjatlari toʻplami", 2005 yil, 28-29-son, 211-modda.
Telegram kanali 