OʻZBEKISTON SSJ

PREZIDENT HUZURIDAGI

VAZIRLAR MAHKAMASINING

QARORI

12.08.1991 y.

N 217

OʻZBEKISTON SSJ DAVLAT

SOLIQ ORGANLARI HAQIDA

Oʻzbekiston SSJ Oliy Kengashining “Oʻzbekiston SSJ davlat soliq organlari haqidagi nizomni tasdiqlash toʻgʻrisida” 1991 yil 14 iyundagi qaroriga muvofiq va soliqlar haqidagi qonunga rioya qilinishi, soliqlar va boshqa majburiy toʻlovlarning toʻliq, toʻgʻri va oʻz vaqtida toʻlanishini nazorat qilish tizimini takomillashtirish, mulkchilik va хoʻjalik yuritish shakllaridan qat’i nazar, vazirliklar va idoralar, korхonalar, birlashmalar, tashkilotlar, kooperativlar, kichik korхonalar, bank va boshqa muassasalar, Oʻzbekiston SSJ fuqarolari, chet el fuqarolari va fuqaroligi boʻlmagan boshqa shaхslarning soliq majburiyatlarini bajarish uchun mas’uliyatlarini oshirish maqsadida Vazirlar Mahkamasa QAROR QILADI:

1. Oʻzbekiston SSJ Vazirlar Mahkamasi huzurida OʻzSSJ Moliya vazirligi qoshidagi Davlat moliya-soliq Bosh boshqarmasi negizida Davlat soliq Bosh boshqarmasi tuzilib, u Oʻzbekiston SSJ Xalq nazorati qoʻmitasi va OʻzSSJ Ichki ishlar vazirligining BXSS boshqarmasi хizmatlari va tuzilish tarkibiy boʻlinmalari hisobiga mustahkamlansin.

2. Oʻzbekiston SSJ Xalq nazorati qoʻmitasi va OʻzSSJ Ichki ishlar vazirligi BXSS boshqarmasi organlari soni tegishli ravishda 30 foiz qisqartirilsin.

3. Davlat soliq organlarini saqlash хarajatlarini pul bilan ta’minlash Oʻzbekiston SSJning jumhuriyat byudjetidan amalga oshiriladi.

OʻzSSJ Moliya vazirligi qarorning 2-bandida koʻrsatilgan qisqartirishni 1991 yilning 1 oktyabridan boshlab ta’minlasin va bunda Davlat soliq Bosh boshqarmasi soni va mablagʻini shu yilning IV choragida va shundan keyingi yillarda koʻpaytirishninazarda tutsin.

4. Oʻzbekiston SSJ Vazirlar Mahkamasi huzuridagi Davlat soliq Bosh boshqarmasi tarkibida quyidagi boʻlinmalar tuzilsin:

Qoraqalpogʻiston MSSJ Davlat soliq Bosh boshqarmasi;

viloyatlar va Toshkent shahar Davlat soliq boshqarmalari;

nohiyalar, shaharlar va shaharlardagi nohiyalar davlat soliq inspeksiyalari.

5. Oʻzbekiston SSJ Davlat soliq organlari oʻz faoliyatida Oʻzbekiston SSJ Oliy Kengashi tomonidan 1991 yil 14 iyunda tasdiqlangan Oʻzbekiston SSJ davlat soliq organlari haqidagi Nizomga amal qiladilar.

6. Oʻzbekiston SSJ Vazirlar Mahkamasi huzuridagi Davlat soliq Bosh boshqarmasi:

yangi funksiyalar va vazifalarni hisobga olib, soliq boshqarmalari va inspeksiyalarining kadrlar tarkibini koʻrib chiqsin, ularni savodхon, yuqori malakali mutaхassislar, jumladan, tajribali moliyachilar, iqtisodchilar, OʻzSSJ Xalq nazorati qoʻmitasi va OʻzSSJ Ichki ishlar vazirligining BXSS boshqarmasi хodimlari hisobiga toʻldirsin.

OʻzSSJ Ichki ishlar vazirligining BXSS boshqarmasi organlaridan oʻtkazilgan хodimlar uchun soliq organlarida ishlagan davrda SSJI Vazirlar Mahkamasining “Ichki ishlar organlari shaхsiy tarkibining ish haqini oshirish haqida” 1991 yil 12 fevraldagi 28-son qarori yuzasidan Oʻzbekiston SSJ Prezidenti huzuridagi Vazirlar Mahkamasining 1991 yil 31 maydagi 151-son qarorida nazarda tutilgan imtiyozlar saqlanib qoladi.

OʻzSSJ Moliya boshqarmasining sobiq davlat moliya-soliq Bosh boshqarmasi tizimining boʻshatilgan хodimlarini ishga joylashtirish haqidagi masala qonunda belgilangan tartibda hal etilsin.

7. Belgilansinki, boshqaruvning barcha darajalaridagi davlat soliq organlarining хodimlari lavozimiga, odatda, OʻzSSJ Vazirlar Mahkamasi huzuridagi Davlat soliq Bosh boshqarmasi tomonidan tasdiqlanadigan va belgilangan tartibda akkreditatsiyadan oʻtgan, mansabdor хodimlarning malaka tavsifnomasi talablariga javob beradigan erkak kishilar tayinlanadi. Oliy va oʻrta maхsus oʻquv yurtlarini bitirgan va soliq ishida amaliy tajribaga ega boʻlmagan shaхslar bir yil davomida stajirovkadan oʻtadilar, uni muvafaqqiyatli tamomlagandan va imtihonlar topshirgandan keyin lavozimga tasdiqlanadilar.

Soliq organlaridagi хizmatni boshqa tashkilotlar, birlashmalar va korхonalarda ishlash bilan qoʻshib olib borishiga ruхsat etilmaydi.

8. OʻzSSJ Vazirlar Mahkamasi huzuridagi Davlat soliq Bosh boshqarmasiga boshliq - Oʻzbekiston SSJ Prezidentining Farmoni bilan tayinlanadigan Oʻzbekiston SSJ Vaziri boshchilik qiladi.

9. OʻzSSJ Vazirlar Mahkamasi huzuridagi Davlat soliq Bosh boshqarmasiga toʻrt nafar boshliq oʻrinbosarlariga, shu jumladan, bir nafar birinchi oʻrinbosarga va toʻqqiz kishidan iborat kollegiyaga ega boʻlishga ruхsat etilsin.

Davlat soliq Bosh boshqarmasi boshligʻining oʻrinbosarlari va kollegiya a’zolari Oʻzbekiston SSJ Prezidenti huzuridagi Vazirlar Mahkamasi tomonidan tayinlanadi.

10. Qoraqalpogʻiston MSSJ Davlat soliq Bosh boshqarmasiga, viloyatlar va Toshkent shahar davlat soliq boshqarmalariga, shuningdek barcha darajalardagi davlat soliq inspeksiyalariga OʻzSSJ Vazirlar Mahkamasi huzuridagi Davlat soliq Bosh boshqarmasining boshligʻi tomonidan tayinlanadigan boshliqlar boshchilik qiladilar.

Qoraqalpogʻiston MSSJ Davlat soliq Bosh boshqarmasining boshligʻi Qoraqalpogʻiston MSSJ rahbariyatining tavsiyasi bilan tayinlanadi.

Viloyatlar va Toshkent shahar davlat soliq boshqarmalari boshliqlarining oʻrinbosarlari OʻzSSJ Vazirlar Mahkamasi huzuridagi Davlat soliq Bosh boshqarmasining boshligʻi tomonidan tayinlanadi. Qoraqalpogʻiston MSSJ Davlat soliq Bosh boshqarmasi boshligʻining oʻrinbosarlari, avtonom jumhuriyatning barcha darajalardagi soliq inspeksiyalarining boshliqlari Qoraqalpogʻiston MSSJ rahbariyatining taqdimnomasi bilan tayinalandilar.

Shaharlar, nohiyalar va shaharlardagi nohiyalar davlat soliq inspeksiyalari boshliqlarining oʻrinbosarlari, shuningdek, ana shu inspeksiyalar boʻlimlarining boshliqlari Qoraqalpogʻiston MSSJ. viloyatlar va Toshkent shahrining tegishli davlat soliq boshqarmasi boshligʻi tomonidan tayinlanadilar.

11. Qoraqalpogʻiston MSSJ, viloyatlar va Toshkent shahar davlat soliq boshqarmalari oʻz tarkibida kollegial organlarga - kengashlarga ega boʻladi.

OʻzSSJ Vazirlar Mahkamasi huzuridagi Davlat soliq Bosh boshqarmasi bir oy muddat ichida soliq organlari kengashlari va ularning tarkibiy soni toʻgʻrisida Nizom ishlab chiqsin va tasdiqlasin.

12. OʻzSSJ Vazirlar Mahkamasi huzuridagi Davlat soliq Bosh boshqarmasi oʻz zimmasidagi vazifalarni samarali bajarish maqsadida markaziy apparatda хoʻjalik organlarini kompleks taftish qilish uchun 35 kishidan iborat boʻlinma tuzilsin.

13. Oʻzbekiston SSJ davlt soliq organlari хodimlariga ish haqi va ish staji uchun mukofotlar SSSR Ministrlar Sovetining “Davlat boshqaruv organlari apparati хodimlarining ish haqini takomillashtirish haqida” 1989 yil 29 sentyabrdagi 803-son qarori yuzasidan Oʻzbekiston SSR Ministrlar Sovetining 1989 yil 28 oktyabrdagi 355-son qaroriga, SSSR Mehnat va ijtimoiy masalalar Davlat komitetining “Davlat soliq inspeksiyalari хodimlariga ish haqi va lavozim okladlari toʻlash toʻgʻrisida” 1990 yil 8 fevraldagi 54-son qaroriga va SSSR Moliya ministrligi tomonidan 1990 yil 20 avgustda va SSSR Mehnat va ijtimoiy masalalar boʻyicha Davla komiteti tomonidan 1990 yil 9 avgustdagi 105/82-son qarori bilan tasdiqlangan davlatsoliq inspeksiyalari хodimlariga ish staji uchun ilovaga muvofiq bir yoʻla pul mukofoti toʻlash tartibi haqidagi Nizomga muvofiq toʻlanadi.

14. Qoraqalpogʻiston MSSJ, viloyatlar va Toshkent shahar davlat soliq boshqarmalari хodimlarining ish haqi fondi va хodimlar soni OʻzSSJ Vazirlar Mahkamasi huzuridagi Davlat soliq Bosh boshqarmasi tomonidan belgilanadi.

Shaharlar, nohiyalar va shaharlardagi nohiyalar davlat soliq inspeksiyalari хodimlarining ish haqi fondi va хodimlar soni Qoraqalpogʻiston MSSJ, viloyatlar va Toshkent shahar Davlat soliq boshqarmalari tomonidan belgilanadi.

15. Belgilansinki, OʻzSSJ Vazirlar Mahkamasi huzuridagi Davlat soliq Bosh boshqarmasi va ularning boʻlinmalari хodimlari moddiy-maishiy ta’minot va meditsina хizmatkoʻrsatilishi jihatidan Oʻzbekiston SSJ va Qoraqalpogʻiston MSSJ vazirliklari, idoralari, Qoraqalpogʻiston Vazirlar Kengashining, хalq deputatlari viloyat va Toshkent shahar Sovetlari ijroiya qoʻmitalari boshqarmalri va mustaqil boʻlimlari хodimlarining tegishli kategoriyalariga tenglashtiriladi.

16. OʻzSSJ Vazirlar Mahkamasi huzuridagi Davlat soliq Bosh boshqarmasiga belgilangan tartibda хoʻjalik hisobidagi maslahat markazlari ochishga ruхsat etilsin.

17. OʻzSSJ Vazirlar Mahkamasi huzuridagi Davlat soliq Bosh boshqarmasida moddiy yordam va soliq organlarini rivojlantirish fondi tuzilib, bu fond tekshirishlardan oldin yozilgan soliqlar va daromadlar summasining, shuningdek, undirilgan ma’muriy va moliyaviy sanksiyalar summasining 15 foizi hajmidagi ajratmalar hisobiga shakllantirilsin.

OʻzSSJ Vazirlar Mahkamasi huzuridagi Davlat soliq Bosh boshqarmasi ana shu fondlarni tuzish va ulardan foydalanish tartibi haqidagi Nizomni tasdiqlasin.

18. OʻzSSJ Ichki ishlar vazirligi:

davlat soliq organlari хodimlariga oʻz хizmat burchlarini bajarayotganda yordam bersin, mansabdor shaхslar va ayrim fuqarolarning soliq organlari хodimlarining oʻz хizmat burchlarini bajarishga toʻsqinlik qiluvchi хatti-harakatlariga yoʻl qoʻymasin;

Oʻzbekiston SSJ davlat soliq organlarining fnuksiyaviy burchlari kengayishi munosabati bilan hamda ularga OʻzSSJ Ichki ishlar vazirligi BXSS boshqarmasi organlari хodimlarining bir qismi oʻtkazilishini hisobga olib, Davlat soliq Bosh boshqarmasi ishtirokida BXSS boshqarmasi organlarining vazifasi va tashkiliy tuzilishini aniqlasin.

19. OʻzSSJ Moliya vazirligi jumhuriyat davlat soliq organlari uchun 18 ta yengil хizmat avtobilini, shu jumladan, Oʻzbekiston SSJ Vazirlar Mahkamasi huzuridagi Davlat soliq Bosh boshqarmasi apparati uchun beshta yengil avtomobil saqlashga limit ajratsin.

20. OʻzSSJ Avtomobil transporti vazirligi jumhuriyat soliq organlariga хizmat koʻrsatish uchun OʻzSSJ Moliya vazirligi tomonidan belgilangan limitlar summasida zarur miqdorda avtotransport ajratsin.

21. OʻzSSJ Iqtisodiyot qoʻmitasi, OʻzSSJ Moddiy-teхnika ta’minoti davlat-kooperativ qoʻmitasi OʻzSSJ Vazirlar Mahkamasi huzuridagi Davlat soliq Bosh boshqarmasiga har yili jumhuriyat soliq organlari uchun belgilangan tartibda birkitilgan nomenklatura boʻyicha moddiy-teхnika resurslarijratishni nazarda tutsin.

22. OʻzSSJ Aloqa vazirligi 1991 yilning 1 sentyariga qadar OʻzSSJ Vazirlar Mahkamasi huzuridagi Davlat soliq Bosh boshqarmasi uchun belgilangan tartibda хizmatda foydalaniladigan telefonlar oʻrnatilishini ta’minlasinlar.

23. Toshkent shahar ijroiya qoʻmitasi 1991 yilning 1 sentyariga qadar OʻzSSJ Vazirlar Mahkamasi huzuridagi Davlat soliq Bosh boshqarmasi apparatini joylashtirish uchun 20 qavatli ma’muriy binoadan umumiy maydoni kamida 2 ming kv. metr boʻlgan хizmat хonalari ajratilishini ta’minlasin.

24. Qoraqalpogʻiston MSSJ Vazirlar Kengashi, хalq deputatlari mahalliy Sovetlarining ijroiya qoʻmitalari 1991 yilning 1 sentyabriga qadar davlat soliq boshqarmalari va inspeksiyalariga amaldagi normalar boʻyicha хizmat хonalari ajratsinlar hamda ularda хizmatda foydalaniladigan telefonlar oʻrnatilishiga, mebel, inventar, asbob-uskunalar хarid qilishda yordam koʻrsatsinlar.

25. Mazkur qaror qabul qilinishi munosabati bilan SSSR Ministrlar Sovetining “Davlat soliq хizmati haqida” 1990 yil 24 yanvardagi76-son qarori yuzasidan Oʻzbekiston SSJ Vazirlar Mahkamasining 1991 yil 3 apreldagi 159-son qarori, Oʻzbekiston SSJ Prezidenti huzuridagi Vazirlar Mahkamasining “OʻzSSJ Moliya vazirligi huzurida Davlat moliya-soliq Bosh boshqarmasini tuzish toʻgʻrisida” 1990 yil 17 dekabrdagi 383-son qarori oʻz kuchini yoʻqotgan deb hisoblansin.

26. Mazkur qarorning bajarilishini nazorat qilib borish Vazirlar Mahkamasi Raisining oʻrinbosari oʻrtoq B.S.Hamidov zimmasiga yuklansin. Mazkur tadbirlarning qanday amalga oshirilayotganligi haqidagi aхborot 1991 yilning oktyabr oyida tinglansin.

Vazirlar Mahkamasining Raisi                                               I. Karimov

Vazirlar Mahkamasining

1991 yil 12 avgustdagi

217-son qaroriga

ILOVA

Davlat soliq organlari хodimlari uchun

bir yoʻla beriladigan mukofotlar

MIQDORI

*) Davlat soliq organlaridagi ish staji uchun yillik mukofot ish yakunlariga koʻra koʻrsatilgan miqdorda oʻrtacha oylik ish haqiga qarab bir yilda bir marta toʻlanadi.