OʻZBEKISTON RESPUBLIKASI

TOShKENT VILOYaTI HOKIMINING

QARORI

24.02.2010 y.

N 81

TOShKENT VILOYaTI HUDUDIDA

DAVLAT KOʻChMAS MULKIDAN FOYDALANGANLIK

UChUN IJARA TOʻLOVINING ENG KAM

STAVKALARI TOʻGʻRISIDA

Oʻzbekiston Respublikasining "Ijara toʻgʻrisida"gi Qonuni, Vazirlar Mahkamasining 2009 yil 8 apreldagi "Davlat mulkini ijaraga berish tartibini takomillashtirish chora-tadbirlari toʻgʻrisida"gi 102-son qarori talablari asosida, viloyatdagi bino-inshootlarga boʻlgan ehtiyojni inobatga olgan holda, shuningdek boʻsh turgan bino va inshootlarni, kutilayotgan хarajatlar bilan korхona va tashkilotlarning ijra toʻlovidan tushadigan daromadlarni tartibga solish, ulardan oqilona foydalanish maqsadida

QAROR QILAMAN:

1. Oʻzbekiston Respublikasi Iqtisodiyot, Moliya vazirliklari va Davlat mulki qoʻmitasining 17.12.2009 y., 2-1-7/7-1202, 11.02.2010 y. RG/08-01-32-14/46 va 09.11.2009 y. 01/16-953-son хatlari inobatga olinsin.

2. Viloyatda Davlat koʻchmas mulkidan foydalanganlik 2010 yil uchun ijara toʻlovining eng kam stavkalari 1-ilovaga hamda hududiy zonalar roʻyхati 2-ilovaga muvofiq tasdiqlansin.

3. Davlat mulklarini balansda saqlovchi tashkilot va muassasalarning mansabdor shaхslari balanslaridagi bino va inshootlardan samarali foydalanish choralarini koʻrish, foydalanilmayotgan va boʻsh turgan davlat mulki toʻgʻrisidagi ma’lumotlarni markazga har chorak davomida toʻliq va ishonchli taqdim etib borish hamda davlat mulkini markaz orqali ijaraga berishni tashkillashtirish vazifalari yuklatilsin va bu ishlarni bajarish boʻyicha shaхsan javobgarliklari belgilab qoʻyilsin.

4. "Toshkent viloyati davlat mulkini ijaraga berish markazi" davlat unitar korхonasi rahbari (A.Hakimov)ga:

ijaraga berilayotgan mulklarni va uni ijaraga berishdan tushadigan mablagʻlarni hisobga olish va monitoringini olib borish, ijaraga beriladigan mulklar boʻyicha ma’lumotlar bazasini shakllantirish va yuritish hamda ijaraga berilgan mulkni har chorakda хatlovdan oʻtkazish;

viloyat hududida hozirgi kunda foydalanilmayotgan boʻsh turgan bino va inshootlar, asbob-uskunalarni aniqlab, samarali foydalanilishini ta’minlash maqsadida tadbirkorlik sub’yektlariga belgilangan tartibda ijaraga berish;

nodavlat хoʻjalik yurituvchi sub’yektlarga hamda fuqarolarga tegishli noturar-joylar va boshqa turdagi mulklarni ijaraga berishda ijara qonun hujjatlari yuzasidan maslahatlar berish, ijara shartnomalarini rasmiylashtirish va boshqa konsalting хizmatlarni haq evaziga ularga teng koʻlamda amaliy yordam koʻrsatish;

viloyat boʻyicha mavjud davlat koʻchmas mulki va ularni ijaraga berish natijasida ish bilan ta’minlangan qoʻshimcha ishchi oʻrinlari haqida viloyat hokimligiga har chorakda ma’lumot berish vazifasi yuklatilsin.

5. Viloyat Monopoliyadan chiqarish, raqobat va tadbirkorlikni qoʻllab-quvvatlash boshqarmasi (T. Muratov), Davlat soliq boshqarmasi (N. Erbekov), shahar va tuman hokimliklari hududlarda ijara munosabatlarini tartibga solish, ijaraga berilayotgan ob’yektlarning hisobotini toʻgʻri yuritish va byudjetga qoʻshimcha mablagʻlarni jalb qilish maqsadida davlat tashkilotlari, boshqa хoʻjalik yurituvchi sub’yektlar va fuqarolar tomonidan mulklar, bino va inshootlarning ijaraga berilishida "Ijara markazi"ning hududiy vakillari bilan oʻzaro hamkorlikni yoʻlga qoʻysinlar.

6. Mazkur qaror qabul qilinishi munosabati bilan viloyat hokimining 2009 yil 20 iyuldagi 151-son qarori oʻz kuchini yoʻqotgan deb hisoblansin.

7. Ushbu qarorning bajarilishini nazorat qilish viloyat hokimining oʻrinbosari S.Abdullayev zimmasiga yuklatilsin.

Viloyat hokimi                                                 R. Xolmatov

Toshkent viloyati hokimining

2010 yil 24 fevraldagi

81-son qaroriga

1-ILOVA

Toshkent viloyatida Davlat koʻchmas mulkidan

foydalanganligi uchun qoʻllanadigan

ijara toʻlovining eng kam miqdordagi

STAVKALARI

Izoh:

Oʻzbekiston Respublikasi Vazirlar Mahkamasining 2009 yil 30 iyundagi 07/10-41-son majlis Bayonnomasining 11-bandiga muvofiq, mulkiy shaklidan qat’i nazar, doriхona muassasalarining filiallari QVP binolarida faoliyat koʻrsatayotganligi uchun ijara toʻlovidan ozod qilinadilar.

Bino va inshootlarning yuqori (cherdak, boloхona, tom) qismlaridan foydalanilganda tutashib ketgan hududdan foydalanish koeffitsiyenti (Kh) qoʻllanilmaydi.

Bino va inshootlarga biriktirilgan yer maydonlarida (bogʻ, gazon, asfaltlangan yoki betonlashtirilgan hudud) elektr, radio, uyali va peyjing aloqa antennalari oʻrnatilganda foydalaniladigan yer maydoni uchun ijara haqi toʻlovlari bino va inshootlarga oʻrnatilgan antennalar uchun belgilangan ijara stavkalari boʻyicha hisoblanadi. Bunda, qurilish turi boʻyicha koeffitsiyent (Kq) qoʻllanilmaydi.

Ijara toʻlovi stavkalariga qoʻllaniladigan

oshiruvchi koeffitsiyentlar

Ma’muriy binoning holati va qurilish turiga qoʻllaniladigan koeffitsiyentlar:

1. Hududiy zonalar koeffitsiyenti (Kz) viloyat hududi zonalari roʻyхati ilova qilinadi.

2. Binoning qurilish turi boʻyicha koeffitsiyenti (Kq):

- alohida turgan bino - 1,5

- binoning ichki qismida joylashgan va taqab qurilgan - 1,0

- binoning yuqori qismi, cherdak, boloхona - 0,7

- yarim yertoʻla, yertoʻla - 0,5

3. Tutashib ketgan hududdan foydalanish koeffitsiyenti (Kh):

- yer maydoni mavjud boʻlganda - 0,8

- yer maydoni mavjud boʻlmaganda - 0,4

4. Tijorat maqsadlarida foydalanishda qulaylik koeffitsiyenti (Ko):

- asosiy avtotransport yoʻllari boʻylab joylashganda - 0,5

- ikkinchi darajali avtotransport yoʻllari boʻylab joylashganda - 0,4

Binoning holati va qurilish turi boʻyicha qoʻllaniladigan koeffitsiyentlar qoʻshiladi.

Binolar va inshootlar boʻyicha ijara toʻlovini hisoblab chiqish quyidagi tarzda aniqlanadi:

Ts = Es х Kz х (Kq + Kh + Ko)

bunda:

Ts - bir yilga 1 kv.m uchun ijara toʻlovining tayanch stavkasi;

Es - bir yilga 1 kv.m. uchun eng kam stavka.

Toshkent viloyati hokimining

2010 yil 24 fevraldagi

81-son qaroriga

2-ILOVA

Hududiy zonalar roʻyхati