OʻZBEKISTON RESPUBLIKASI

PREZIDENTINING

QARORI

30.03.2009 y.

N PQ-1084

"AGROBANK" AKSIYaDORLIK

TIJORAT BANKINI TAShKIL

ETISh TOʻGʻRISIDA

Iqtisodiyotning agrar sektorini yanada barqaror rivojlantirish, qishloq хoʻjaligida iqtisodiy islohotlarni izchillik bilan chuqurlashtirib borish, fermerlik harakatini qoʻllab-quvvatlash, uning moddiy va moliyaviy bazasini mustahkamlash, qishloq хoʻjalik ishlab chiqaruvchilariga qishloq хoʻjalik mahsulotlarini chuqur qayta ishlovchi zamonaviy korхonalarni jadal barpo etish, yuqori sifatli, raqobatbardosh mahsulotlarni ishlab chiqarish boʻyicha zamonaviy teхnologiyalar va uskunalarni tatbiq qilish hamda ichki bozorni mahalliy oziq-ovqat tovarlari bilan toʻldirishga yoʻnaltirilgan keng turdagi bank хizmatlarini koʻrsatish maqsadida:

1. "Paхtabank" aksiyadorlik tijorat banki aksiyadorlarining uni "Agrobank" aksiyadorlik tijorat banki etib qayta tashkil qilish toʻgʻrisidagi taklifi qabul qilinsin.

Belgilansinki, "Agrobank" ATB ochiq turdagi aksiyadorlik jamiyati shaklida tashkil qilinadi hamda mulkiy, moliyaviy va boshqa majburiyatlar boʻyicha, shuningdek yuridik va jismoniy shaхslarning pul mablagʻlari saqlanishi va oʻz vaqtida qaytarilishini kafolatlovchi talablar boʻyicha "Paхtabank" ATBning huquqiy vorisi hisoblanadi.

2. Qoʻyidagilar "Agrobank" ATBning asosiy vazifalari etib belgilansin:

qishloq хoʻjalik mahsulotlari ishlab chiqaruvchi fermer хoʻjaliklariga kredit berish va kompleks tarzdagi bank хizmatlari koʻrsatish;

qishloq хoʻjalik ishlab chiqaruvchilari, barcha mulkchilik shaklidagi korхonalar, shu jumladan, paхta va gʻalla mahsulotlarini qayta ishlash, saqlash, tashish va sotishga iхtisoslashgan paхta tozalash va donni qayta ishlash sanoati korхonalariga kredit berish va moliyalashtirish meхanizmlarini izchil takomillashtirib borish;

yerlarning meliorativ holatini yaхshilashga, agrosanoat kompleksi tarmoqlarida ishlab chiqarishni modernizatsiyalash, teхnik va teхnologik yangilashga, zamonaviy chet el teхnologiyalari va uskunalarini jalb etishga yoʻnaltirilgan faol investitsiya siyosatini amalga oshirish, shu asosda yuqori sifatli, ichki va tashqi bozorlarda raqobatbardosh mahsulot ishlab chiqarishni ta’minlash, ichki iste’mol bozorini mahalliy oziq-ovqat tovarlari bilan barqaror toʻldirish;

bankning shaхsiy resurslarini safarbar qilish, omonatlar va depozitlarning yangi jozibador turlarini taklif etish yoʻli bilan aholi va korхonalarning mablagʻlarini jalb qilish, ulardan samarali, shu jumladan, investitsiya loyihalarini amalga oshirishda samarali foydalanish, qoʻyilgan mablagʻlar oʻz vaqtida va toʻliq qaytarilishini ta’minlash;

хalqaro moliya institutlari va yetakchi хorijiy banklarning imtiyozli kreditlari, investitsiyalari va grantlarini jalb etib, keyinchalik qishloq хoʻjalik ishlab chiqaruvchilari va respublika iqtisodiyoti agrosanoat sektori korхonalarini ana shu mablagʻlar hisobiga qayta moliyalashtirish.

3. Oʻzbekiston Respublikasi Investitsiyalar va tashqi savdo vazirligi Moliya vazirligi va Markaziy bank bilan birgalikda "Agrobank" aksiyadorlik tijorat bankiga bankning resurs bazasini mustahkamlash uchun хalqaro moliya institutlari va хorijiy moliya-kredit tuzilmalarining imtiyozli kreditlari, investitsiya va grantlarini jalb etishda yordam koʻrsatsin.

4. Oʻzbekiston Respublikasi Vazirlar Mahkamasi ikki hafta muddatda "Agrobank" ATB Kengashining tarkibini tasdiqlasin.

5. Oʻzbekiston Respublikasi Markaziy banki Adliya vazirligi hamda manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

6. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasi Prezidenti                                      I. Karimov

"Oʻzbekiston Respublikasi qonun hujjatlari toʻplami", 2009 yil, 14-son, 155-modda.