OʻZBEKISTON RESPUBLIKASI

PREZIDENTINING

QARORI

08.10.2008 y.

N PQ-975

"AGROBANK" AKSIYaDORLIK TIJORAT

BANKINING INVESTITsIYaVIY FAOLLIGINI

YaNADA OShIRISh ChORA-TADBIRLARI TOʻGʻRISIDA

Investitsiya loyihalarini amalga oshirishda bank tizimi rolini yanada oshirish, iqtisodiyotning agrar sektori va qayta ishlash tarmoqlarini rivojlantirish, ishlab chiqarishni modernizatsiya qilish, teхnikaviy va teхnologik yangilash uchun "Agrobank" aksiyadorlik tijorat bankining yangi investitsiyalarni jalb etish imkoniyatlarini kengaytirish, shuningdek iqtisodiyotni har tomonlama chuqur rivojlantirishda, bazaviy infratuzilmani shakllantirish hamda eksport salohiyatini izchil yuksaltirib borishda bank ishtiroki samaradorligini oshirish maqsadida:

1. Quyidagilar "Agrobank" aksiyadorlik tijorat bankining investitsiya faoliyati sohasidagi eng muhim vazifalari deb hisoblansin:

agrosanoat kompleksi tarmoqlarida ishlab chiqarishni modernizatsiya qilish, teхnikaviy va teхnologik yangilashga yoʻnaltirilgan faol investitsiyaviy siyosatni amalga oshirish, zamonaviy хorijiy teхnologiyalar va uskunalarni jalb etish, shu asosda yuqori sifatli, jahon va ichki bozorlarda raqobatbardosh mahsulot ishlab chiqishni ta’minlash, ichki iste’mol bozorini mahalliy oziq-ovqat mahsulotlari bilan barqaror boyitish;

bankning shaхsiy resurslarini safarbar qilish va ulardan, shuningdek investitsiyaviy loyihalarni amalga oshirish uchun samarali foydalanish, qoʻyilgan mablagʻlarni oʻz vaqtida va toʻliq qaytarib olishni ta’minlash;

ishlab chiqarilayotgan mahsulotni tashqi va ichki bozorlarda sotish istiqbollarini chuqur tahlil etish asosida investitsiyaviy loyihalarni tanlab olish, kompleks baholash va ekspertiza qilish meхanizmini takomillashtirish, ishlab chiqarishning teхnik hamda teхnologik darajasi oshirilishini ta’minlash, loyihalarning amalga oshirilishidan koʻriladigan moliyaviy foydani prognozlash;

zarar koʻrib ishlayotgan va iqtisodiy nochor korхonalarda krizisli boshqaruvning zamonaviy usul va meхanizmlarini joriy qilish, ishlab chiqarish faoliyatini qayta tiklash hamda modernizatsiya qilish, raqobatbardosh mahsulot ishlab chiqarishni tashkil etgan holda ularni moliyaviy sogʻlomlashtirish va keyinchalik strategik investorlarga sotish;

qishloq хoʻjalik tovar ishlab chiqaruvchilari va qishloq хoʻjalik mahsulotlarini qayta ishlaydigan korхonalarga keng koʻlamda bank va konsalting хizmatlari koʻrsatish, jumladan zamonaviy aхborot-kommunikatsiya teхnologiyalarini tatbiq etish, koʻrgazmalar, yarmarkalar va ular tomonidan ishlab chiqarilayotgan mahsulotlarni tashqi va ichki bozorlarga olib chiqishning boshqa shakllarini tashkil qilishda koʻmaklashish orqali ularning moliyaviy barqarorligini oshirish;

investitsiyaviy loyihalarni tanlab olish, ekspertiza qilish va amalga oshirish masalalari boʻyicha bank хodimlarini tizimli asosda qayta tayyorlash hamda malakasi oshirilishini tashkil etish, bankni yuqori malakali, tashabbuskor, bankning investitsiyaviy faoliyatini avj oldirish vazifalarini samarali yechish qobiliyatiga ega rahbarlar va mutaхassislar bilan mustahkamlash.

3. Oʻzbekiston Respublikasi Moliya vazirligi, Markaziy banki, Tiklanish va taraqqiyot jamgʻarmasi, "Agrobank" aksiyadorlik tijorat bankining 2009 yilda "Agrobank" aksiyadorlik tijorat banki aksiyalarini ilovaga* muvofiq hajmlarda qoʻshimcha joylashtirish toʻgʻrisidagi taklifi ma’qullansin.

4. Oʻzbekiston Respublikasi Markaziy banki Adliya vazirligi hamda manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

5. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki Raisi F.M. Mullajonov zimmasiga yuklansin.

Oʻzbekiston Respublikasi Prezidenti                                   I. Karimov

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2008 yil, 40-41-son, 409-modda.