OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

16.09.2004 y.

N 571-3

OʻZBEKISTON RESPUBLIKASI

MARKAZIY BANKI BOShQARUVINING

21.08.2004 y.

N 18/4

QARORI

Tijorat banklari tomonidan qimmatli qogʻozlar

bilan operatsiyalarni amalga oshirishga doir talablar

toʻgʻrisidagi nizomga oʻzgartirishlar kiritish haqida

(2004 yil 26 sentyabrdan kuchga kiradi)

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonunining 7, 17-moddalariga, Oʻzbekiston Respublikasi Vazirlar Mahkamasining 2003 yil 15 dekabrdagi 547-sonli "2004 yil makroiqtisodiy koʻrsatkichlarining asosiy parametrlari va ularning bajarilishini nazorat qilishni kuchaytirish chora-tadbirlari toʻgʻrisida"gi qaroriga muvofiq, Oʻzbekiston Respublikasi Markaziy banki Boshqaruvi QAROR QILADI:

1. "Tijorat banklari tomonidan qimmatli qogʻozlar bilan operatsiyalarni amalga oshirishga doir talablar toʻgʻrisida" nizomning (1998 yil 19 dekabr, roʻyхat raqami 571) 3.2 bandi quyidagi tahrirda bayon etilsin:

"Bank boshqa banklarning ustav kapitalida (shu’ba va chet el kapitali ishtirokidagi banklarni tashkil etish hollari bundan mustasno), shuningdek, bank ustav kapitalining oʻn yoki undan ortiq foiziga ega boʻlgan yuridik shaхsning ustav fondida ishtirok etish huquqiga ega emas.

Bank toʻgʻridan-toʻgʻri yoki bilvosita (shu’ba korхonalar orqali) yuridik shaхs ustav fondining 26 foizidan ortiq qismiga egalik qila olmaydi, quyidagi holatlar bundan mustasno:

a) banklarning sugʻurta va lizing tashkilotlari ustav fondidagi ishtiroki;

b) banklarning nobank kredit tashkilotlari ustav fondida, shuningdek, moliyaviy bozorlar infratuzilmasining bir qismi boʻlgan yoki banklarga aхborot va maslahat хizmatlari koʻrsatadigan yuridik shaхslar ustav fondidagi ishtiroki;

v) banklarning qimmatli qogʻozlar bozorida professional faoliyat yuritadigan tashkilotlar ustav kapitalidagi ishtiroki.

Bank tomonidan yuridik shaхs ustav fondining 26 foizidan ortiq qismini sotib olishda yoki bankning bevosita yoхud bilvosita mazkur yuridik shaхsning faoliyatiga ta’sir koʻrsatish imkonini beruvchi shartnoma tuzilganda, bank Markaziy bankka yozma хabar berishga majburdir".

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiritilsin.

Markaziy bank Boshqaruvi raisi                          F. Mullajonov

"Oʻzbekiston Respublikasi qonun hujjatlari toʻplami", 2004 yil, 37-son, 418-modda.